Matai 16:18 - Hudani Kielien

¹⁸ Bi pse chade kielieye, chishi Beduru wo. Bi jiohuine ene tashi jiere giene. Dozoni lilian hhense inji dane.

Matai 16:18 ပူးပေါင်းရင်းမြစ်များ

Matai 10:2

12 gie shituni tou 1 gieni niereshi, Beduru giezhi urusan Ximun, hhei jiu Andelie, Xibitaini kewon Yagebu, Yagebuni gaijiu Yaheiya,

Matai 11:23

Jiabainun, chii undudaghazhi asiman jiere khireighanu? Chii dozoheide anda boughane. Chii hhende giesan nenlitu shiqinni Sodomade giezhoshi hhe chenshi eli kutula wine.

Matai 18:17

Hhe pse ulie chenliese jiohuide kielie. Jiohuini kunlanughunyiye ulie chenliese niman kun, shui shanjisan kun mutun uzhe.

Matai 4:18

Ersa Jialilihai bienzide yokude Beduru giesan Ximun, jiuni Andelie ghuala haide on xiaisei chanlawo. Hhelashi zhaghasun bareisan kun wo.

Matai 7:24

"Ingiese mii enezighan kielienyi chenliedene giesan kunshi jienzha kun wo. Hoxian gieni fugie tashi jiere giesanghala niekielien wo.

Yaheiya 1:42

Ingiedene hhe Ximunni uduruzhi Ersai shida echiwo. Ersa hhei uzhedene kieliewo, "Chishi Yaheiyai kewon Ximun wo. Ede chii Jifa giezhi urune." Jifai fanyi giese Beduru wo.

Tujila 2:47

Hudade doulazho. Olon kunla hhelai kuaizho. Ezhan yebeiseye kun olon jiuizho.

Tujila 20:28

Ta goyalane xioxin giezhi zhaogu gie pse Hudai bexinlani xioxin giezhi zhaogu gie. Ta ghoni adulachen kun mutun hhelai zhaogu gie. Shenlin tai hhelade lindao danlaghazho. Hhelashi Huda Kewonne chusunghala agizhi iresan Hudani jiohui wo.

Tujila 8:1

Siqifanyi alasande Saolo tunyi giewo. Ene uduse Yelusalenni jiohuii hende heizho. Shitulase chugo psedu tujila sandazhi Yudaya, Samaliyani go oronde echiwo.

1Gelindo 15:55

"Fugukuya, chii injiku khala wo? Fugukuya, chii soyen khala wo?"

Jialatai 2:9

Jiohuini tuhuade sanasan Yagebu, Jifa, Yaheiya enela Huda made ogisan nenjienyi chenren giedene bi Banabaghalade borun khane ogizhi lienshou gholu, bijien niman kunlai dunda echi, hhela hetoune giesan kunlai dunda echikui tunyi oluwo.

Ifuso 3:10

Ingiekushi ede jiohuii tungo giezhi asiman jiere gonjisan, qienli bareisanlade Hudai yanyanji aghelilai mejieghane giezho.

Ifuso 5:32

Eneshi fugie mimi wo. Bi Mexiha, jiohuighalai zhiizhi kieliezho.

Geloxi 1:18

Hheshi beyeni qiorun wo, ene beyeshi jiohui wo. Hheshi keitou wo, fugusan kun dundase xien aminne oluzhi soyujilai touzi gholuwo.

1Qimotai 3:15

bi udazhi ireliuzhe Hudai giede matugie giekui mejiene. Ene gieshi chanqiku Hudai jiohui, zhendaoni tuhua, jichu wo.

1Qimotai 3:5

Nie kun giene gonji ulie mejiese Hudai jiohuini matugie guine?

Xibolai 12:28

Ingiese matan ulie gojioluku gojiani jienliese mafan gieye. Xienlian, zunjiku zhugheghala Hudai bayasughazhi beiiye.

Mejieghasan 11:15

Ji 7 gie qienxien labani feiliese asimande fugie shenqila bizhi kieliezho, "Duyani gojia mai Ezhanji hhe teisan Mexihani gojia gholuwo. Hhe chanqi izhi honshan danlane."

Mejieghasan 21:14

Chenshini dande 12 gie jichu wo, jichu jiere ghoni ghughanyi 12 gie shituni niere wine.