6 genzi uwoshi naran khizhe nie xiese ghowo.
zhughedeni genzi wise niechaku wo. Kielienyi yenyinghala zeinan onu heiku kuzhese deigo furawo.
Niezhanla tura olon witu tashitu oronde luise tura ninkienshi niazi faizhi ghujin woma,
Pse niezhanla eghesun dunda luise eghesun khizhezhi hhei jigheidawo.
genzi uwoshi naran khizhe nie xiese ghowo.
Tashi jiereghunshi kun kielienyi chenliedene bayasuzhi jienliewoma, zhughedeni genzi wise nietan xianxin giedene nie shiise tuiwo.
Xianxin giekughala Mexiha tai zhughede souzhi tai oreku dunda genzi bareighazhi undanlagha gie.
Ta indan xinyanne izhi goude bareizhi undanlagha. Ta chenliesan gouxioxini panjikuse likai bu gie. Ene gouxioxini qienxiani soyuji zhayaghasanlade man chonji kurughawo. Bi Baoloye ene gouxioxide hoji danlazho.
Ta surusan mutun hhei sudoro genzilazhi fugieda. Xianxin giekui undanlaghazhi mafan gieku zhughe olodogha.
Hhela pse ulie oliesune, ulie undasune. Naran, pse hhereini hhelai tulie dane.
