30 "Kunnikewon xienjiku ududeye ingiene.
Kunnikewon qienxienlarene hhantu hhei adani fama dunda irene. Ingiekude zhao kunni giekughala jien kunde kharulune.
Ersa Ganlanshande soukude tujila konkonji ire asazho, "Yan xienzide ene shiqinla fashen giene? Chi irezhi duya barakude yan zunji bikui bijiende nie kielie."
Nuhhani xienzide matugiezhoshi Kunnikewon irekudeye qingiene.
Yamai mejie dakude hunshui iredene kunlai man tou yolawo. Kunnikewon irekudeye ingiene.
Ersa hhende kieliezho, "Chi goyane kieliezho. Ingiezhoma bi tande kielieye, Ta enedu khuinashi Kunnikewon Nenlitu Hudai borun miende sousei, pse asimanni olien jierese irekui chanlane."
Ingiekude Kunnikewon fugie nenlighala famade olien jierese irekui kunla chanlane.
Shanjien asiman enemiense khizhezhi hhemiende zhouiku mutun Kunnikewonni ududeye ingiene.
Lutei Sodomase yolaku hhe niudude khan funi asiman jierese bouredene man sidera widawo."
Enezighan udushi faiku udu wo. Jinwun jiere huaisan kielienyi gholughane.
Ingiekude Kunnikewon nenli, famanude olien jierese irekui kunla chanlane.
Ta nenjien jiere yama ese chaizhi mai Ezhan Ersa Mexiha xienjikui sagheizho.
Huda tai zuihou kutula khiduzheghazhi mai Ezhan Ersa Mexihani udude ulie kheilaghane.
Mexihashi matai amin wo. Hhe xienjikudei ta hhere hhantu fama dunda xienjine.
Ta shouku giesan kunlai bijienre hhantu pinnanshighane. Ezhan Ersa nenlitu qienxienghalane asiman jierese khan dunda xienjikude
Ingiese ta zhughedene zhunbei giezhi jinxin giedene Ersa Mexiha xienjikude tande deilazhi ireku nenjienyi goude panji.
enezighan kunnan tai xinyanshi zhenni bikui mejieghane. Khande tuliesan antanliuzhe huailunema, tai xinyan antanse da guizhunde Ersa Mexiha xienjikude tande kuaiku, fama, zhiguii ireghane.
Mexiha mutun hhere hhantu shouku giezho giezhi bayasundu. Ingiese Mexihai famatui khizheghakude ta hende bayasuzhi jiuline.
Ingiese mii kesila, ta Ersa Mexihai sudoro bei. Ingiese Ersa Mexiha xienjikude matan hhei melie yamase ayizhi shizhekui uwo.
Mii orentula, ede matanshi Hudai kesila wo. Jianlai matan matui gholukuni da ulie mejienema, Ersa Mexiha xienjikude matan hhei zhen yanziini chanlase matan hhe mutun gholukui mejiene.
Uzhe, hhe olien jiere irene. Jien kunla hhei uzhene. Hhei chujisan kunlaye uzhene. Duya jieredu minzula man hhei yenyinzhe wilane. Shuhuajia ingiene. Amine!
