Jialatai 6:1 - Hudani Kielien

¹ Gaijiula, nie kun zui fanjise ta Shenlini kouisan kunla renyitu zhugheghala hhei khareizhi daozhegha. Pse goyane miikui xioxin gie.

Jialatai 6:1 ပူးပေါင်းရင်းမြစ်များ

Matai 11:29

Ta mii jiabanyi jierene zhozhi mase suru. Mii zhughede renyi, meilade uzhekui wine. Tai zhughe hhamura shidane.

Matai 26:69

Ingiekude Beduru ghadanedu ghoronde souzho. Nie hoji oqin hhei melie iredene kieliewo, "Chiye Jialilini Ersare hhantuku wo."

Matai 26:75

Beduru Ersa kieliesan tigha kheilatula chi mii 3 hui ulie renjine giesei sumula ire, khizhi echidene nango giezhi hende wilawo.

Matai 9:13

Ta echidene, 'Bi ubali xiikude xiqi wo, murede xiqi uwo.' giesan jinwun jieredu ene kielienyi isii suru. Bi gou kunlai ereile ese irezho. Zuirenlai ereile irezho."

Loma 14:1

Xianxin gieku zholientu kunlai ta jienlie. Ijien buxianshi bu jianjindu.

Loma 15:1

Matan khidun kunla indan goyane bu bayasughazhi khidun witu kunlai zholiennii danjikuni wo.

Loma 8:6

Beyeni shiqinyi gonxin giese fugune. Shenlinni shiqinyi gonxin giese amin, pinnan irene.

1Gelindo 10:12

Ingiese goyane beizhi undanlawo giesanla indan xioxin gie, pse banjine.

1Gelindo 14:37

Kien goyane xienzhi wo, Shenlinghala hhantu wo giese bi huaisanlashi Ezhanni minlin bikui mejiene.

1Gelindo 2:15

Ruhhertu kunla yan shiqinniliuzhe uzhe khizhenema, kiema hhelai uzhezhi khizhe dane.

1Gelindo 3:1

Gaijiula, bi eqighandei tande kielien kieliekude tai ruhhernughun danlagha dazhi beyenughun danlaghazho. Mexihai miende tai yeliwa mutun uzhezho.

1Gelindo 4:21

Ta yan kerene? Bi banban bareizhi tai faile iremu, oreku, renyitu zhugheghala ire?

1Gelindo 7:5

Ghuala nieniene bu kuigha. Zinie zhomen onxian giene giese ghuala tunyi bise zhanshi jiere danlin kijiese olune. Khuinashi ghuala hhantula, pse ta goyane kunzhi gie dakude Ibilisi miine.

2Gelindo 10:1

Bi Baolo qinsi Mexihani renyi, gou zhugheghala tande goude kielieye. Kunla kieliese bi tai chujieghekude goyane meilade uzhezho, tai hhende uwokude wizha wo giezho.

2Gelindo 2:7

ede khareidene hhei rouliezhi sughazhi kielie, pse nango olon giese bazilie dane.

2Gelindo 2:8

Ingiese bi tai xiahua gieye, ta hhe kunde oreku zhughene goude mejiegha.

Jialatai 5:23

renyi, goyane kunzhi gieku wo. Intu shiqinlai guijin gonji dane.

Jialatai 6:18

Gaijiula, mai Ezhan Ersa Mexihani nenjien tai zhughede bisejiu. Amine!

1Qiesalonijia 4:1

Ingiese gaijiula, zuihoude kielieye, Ezhan Ersai miende bijien tai xiahua giezhi tande sughazhi kielieye. Ta bijiense surusan mutun Hudai bayasughazhi gie. Ta ijin giezhoma, pse ologhoni izhigie gie.

2Qiesalonijia 3:15

Ingieliuzhe hhei duitou bu danlagha. Gaijiune mutun uzhezhi sughazhi kielie.

2Qimotai 2:25

Fandui giesan kunde renyide sughakuni wo. Ingiese kenen Huda hhelade geizhen gieku zhughe ogise zhendaoni mejiene.

Xibolai 12:13

Kondene oluzhi moni giezhi zhidagha, ingiese dogholosan shighara ulie banjizhi goudane.

Xibolai 13:3

Bafanzide khasan kunlai goyalarene hhantu khasan mutun jila. Heisan kunlai goyai heisan mutun jila.

Yagebu 3:13

Tai dunda kiende agheli, jienzha wine? Hhe kun aghelise iresan renyitu zhugheghala goude giezhi kunlade zhenmin gie.

Yagebu 3:2

Matan dajiala go fanmiende cowu fanjine. Nie kun kielien jiere yama cowu ulie fanjise hheshi hulun kun wo. Goya hunshenne man kunzhi gie shidane.

1Beduru 3:15

Zhughedene Mexihai zunjizhi hhei ezhan danlagha. Kunla ta zhughedene panjisei asase suishisui huida giekui zhunbei gie.

1Yaheiya 5:16

Kien gaijiula ulie fuguku zui fanjisei chanlase hhende oluzhi onxian gie. Huda ulie fuguku zui fanjisan kunlade amin ogine. Fuguku zui fanjise bi hhende onxian gie giezhi ulie kieliene.