Jialatai 2:19 - Hudani Kielien

¹⁹ Bi guijinni tungo giezhi guijinse fugudene Hudade amiturawo.

Jialatai 2:19 ပူးပေါင်းရင်းမြစ်များ

Loma 4:15

Guijin Hudai hokukuni ireghazho. Guijin wise guijinyi fanjiku shiqinye uwo.

Loma 5:20

Guijin iredene zui olodozhoma, zui olodosan oronde nenjien genjia fugiedazho.

Loma 6:11

Taye zui miende goyane fugusan sanazhi Mexiha Ersai tungo giezhi Hudai miende amitu sana.

Loma 6:14

Zui tai gonji dakushi ta guijin doura uwo, nenjien doura wo.

Loma 6:2

Kenjin ulie olune! Matan zui miende fugudene matugie zui dunda udu daone?

Loma 7:14

Guijinshi ruhhernughun bikui matan mejienema, bishi beyenughun wo. Mii zuide huizhi hoji danlaghawo.

Loma 7:4

Mii gaijiula, taye niekielien wo. Ta Mexihani beyei tungo giezhi guijinse fuguwo. Ingiedene pse nienughun gholuzhi matan Hudade gou jiego ireghane. Hheshi fugusan kun dundase aminne olusan Mexiha wo.

Loma 8:2

Amin ogiku Shenlinni guijin Mexiha Ersai tungo giezhi zuiji fuguku guijinse chii andaghawo.

1Gelindo 10:31

Ingiese ta ijie, ochi yan gieliuzhe Hudai kuaine giezhi gie.

1Gelindo 9:20

Bi Yutai kunlade Yutai kun danlakushi Yutai kunlai jiuighane giezho. Bi guijin doura uwoliuzhe guijin douradu kunlade guijin douradu kun danlakushi guijin douradu kunlai jiuighane giezho.

2Gelindo 5:15

Mexiha soyuji kunlade oluzhi duya ijiekushi amitu kunla pse goyadene oluzhi ulie amiturazhi hhelade oluzhi duya ijiedene aminne olusan Ezhande oluzhi amituraghane giezho.

Jialatai 2:20

Bi Mexihaghalai hhantu shizijia jiere ijin ghadawo. Ede amiturasanshi bi pusho, Mexiha mii sudoro amiturazho. Bi beye jiere amiturasanshi made orezhi made oluzhi goyane sheisan Hudai kewonni xianxin giesanghala amiturazho.

Jialatai 3:10

Guijinni zunjikude kouisan kunla man kharaku doura wo. Jinwun jiere jilasan mutun, "Guijinshu jiere jilasanlai man ulie zunjizhi ulie giesanlai man kharane."

Jialatai 3:24

Ingiese guijinshi Mexiha iretula mai uduruku loushi wo. Ingiedene xianxin giekughala mai gounide sanaghazho.

Jialatai 6:14

Bi zinie matai Ezhan Ersa Mexihani shizijiase chugo psedulai ulie kuaisejiu. Shizijiai tungo giezhi bi fugusan mutun duyare gonxi widazho. Duyaye fugusan mutun mare gonxi widazho.

Geloxi 2:20

Ta Mexihare hhantu fuguzhi duyai langan daolise andazhoma, yale dou duyanughunyi daghazhi giesan mutun bu barei, bu ijie, bu shigha giesan guijinlai shunjine?

Geloxi 3:3

Ta ijin fuguzhi tai amin Mexihare hhantu Hudai sudoro niuizho.

1Qiesalonijia 5:10

Ersa Mexiha matande oluzhi duya ijiese bugon matan amitu kun, fugusan kun man hheghala hhantu udu daoghane giezho.

Qido 2:14

Hhe matande oluzhi goyane duya ijiekushi soyuji uhunnise mai shuizhi ganjinraghadene goyadene bexin danlaghazhi rexinde gouni gieghane giezho.

Xibolai 9:14

Mexiha chanqiku Ruhherni tungo giezhi goyane goujida zannan wizhi Hudade ogise hhei chusun fugughaku shiqinse tai lianxinni zhiguishighazhi tai chanqiku Hudai genjia ulie shunjighanu?

1Beduru 2:24

Hhe qinsi beyeghalane shizijia jiere mai zuini danjidene mai zui dunda udu ulie daoghazhi gounide udu daoghawo. Hhe shan deiladene ta goudawo.

1Beduru 4:6

Ene yenyin jiere fugusan kunladeye gouxioxini chonjikushi beye miende hhelai kun mutun panjine giezhoma, ruhher miende Huda mutun amituraghane giezho.