5 Kuaikui chanqi izhi Hudade ogi. Amine!
Bi tande fenfulasan soyujilai hhelade sughazhi zunjigha. Uzhe, bi duya baratula tanre chanqi hhantu wo."
Bijienyi shiikude bu echighazhi Ibilisii khase khizhegha. Gojia, qienli, famashi chanqi chinughun wo. Amine!'
"Asiman jiere Hudai kuai. Zemin jiere Huda xiqi bisan kunlade pinnan wo!"
Soyujila man hhense khizhezhi hhende kouizhi hhende oluzho. Kuaikui chanqi hhende ogi! Amine!
Ersa Mexihai tungo giezhi zi niekozi aghelitu Hudade chanqi kuaikui ogi. Amine!
Ingiese ijieku gaijiulai zui fanjighase bi chanqi migha ulie ijiene, pse bi gaijiulane zui fanjighane.
Ingiekushi bijien zui melieshida xiwonni Mexihai jiere teisan Yutai kunlai Hudai famani kuaighane giezho.
Matanyi ada Hudade chanqi izhi kuaikui ogi. Amine!
Hhe chanqiku Honshan, ulie fuguku, chanla daku, zi niekozi Hudade zhigui, kuaikui chanqi izhi ogi. Amine!
Ezhan mii yanyanji doghun shiqinlase jiui khizhezhi asiman jieredu hhei gojiade pinnan oroghane. Kuaikui chanqi izhi hhende ogi. Amine!
yanyanji gounighala tai hulunshighazhi goyane isii giegha gie! Ersa Mexihani tungo giezhi mai dunda goyane bayasughaku shiqinyi giegha gie. Kuaikui chanqi izhi hhende ogi. Amine!
Qienlini chanqi izhi hhende ogi. Amine!
Ta mai Ezhan, yeshijiu jiuichen Ersa Mexihani nenjien, taniku jiere henda. Kuaikui edese chanqi hhende ogi. Amine!
Mai jiuichen niekozi Hudade mai Ezhan Ersa Mexihai tungo giezhi kuaiku, wifen, nenli, qienli zui melieshida, ede, pse chanqi izhi wine gie! Amine.
Hhe fugie shenqighala kieliezho, "Hudai zunji! Kuaikui hhende ogi! Hhe panjiku shihou kuzhezho. Asiman, zemin, hai, bulai zhayaghasei beii!"
Qienxienla fugie shenqighala kieliezho, "Alazhi daosan ghoni ghughan nenli, bayan, agheli, lilian, zhigui, kuaiku, doulakui peizhi jienlie shidane."
kieliezho, "Amine! Zanjiku, kuaiku, agheli, mafan gieku, zhigui, nenli, lilianni Mai Hudade chanqi izhi ogi! Amine!"
