16 Jihuini goude barei, edeku gonyin doghun wo.
200 linlasanye 200 zhenjiwo.
Ersa kieliewo, "Gon tai dunda oloncha widazho. Gon bikude ta gon dunda yodu. Pse kharani kuzhese tai khane. Kharanide yochen kun khala echikune ulie mejiene.
Ingiekushi edeshi yan shihou bikui ta mejiene. Ta hhunturazhi xiereiku shihou wo. Matanyi jiuiku matan dei xianxin gieku shihouse ede chadashizho.
Edeku kunnan mutunshi bi uzhese ta qinkonne ulie bienjighase gou wo.
Huda mai Adai isighala Mexiha ene doghun duyase mai andaghane giezhi mai zuide oluzhi goyane sheiwo.
Ingiese matande jihui bikude dajialade gouni giekui wo, xianxin giesan nie gie kunlade genjia ingiezhi giekui wo.
Ingiese zhan eghikude baohu gieku Hudai 1 tao jienni musi. Ingiese ta ene doghun duyade duitoulai duizhi eghindu baludene bei shidane.
heqishighaku gouxioxini heini chan zhunbei giedene kon jiere musi.
Ta jihuini goude bareizhi aghelighala xianxin ese giesan kunlare laiwon gie.
