Geloxi 1:23 - Hudani Kielien

²³ Ta indan xinyanne izhi goude bareizhi undanlagha. Ta chenliesan gouxioxini panjikuse likai bu gie. Ene gouxioxini qienxiani soyuji zhayaghasanlade man chonji kurughawo. Bi Baoloye ene gouxioxide hoji danlazho.

Geloxi 1:23 ပူးပေါင်းရင်းမြစ်များ

Make 16:15

Pse hhelade kieliewo, "Ta qienxiade man echizhi gouxioxii soyuji zhayaghasanlade chonji.

Lujia 22:32

Ingiese bi chade oluzhi chii xianxin gieku bu fura giezhi onxian giewo. Chi geizhen giedene gaijiulane khiduzhegha."

Lujia 6:48

Hhe hoxian nie goude gie beighasan kunyi xianli. Zeminni waizhi gundaghadene jigunni fugie tashi jiere giezho. Fugie usu irezhi gieni chunjiliuzhe ulie gojiolune.

Yaheiya 15:6

Kun mini sudoro ulie beise bendadene ghosan chala niekielien wo. Kunla hhei qianguzhi echise khande tulie widaghane.

Tujila 1:17

Hhe yenlaishi matanyi dundashiku nie wo. Shitula gieku wiliese ibufen zhanjizho.

Tujila 1:8

Shenlin tai jiere bouzhese tande nenli irezhi ta Yelusalen, Yudaya, Samaliya, pse duyai uzhude kutula made ganzhen beine."

Tujila 11:23

Hhe kurudene Hudai nenjienyi chanla bayasuzhi kunlade khidunde beidene izhi Ezhanni koui giezhi sughazhi kieliezho.

Tujila 14:22

Hhela tujilai zhugheini khiduzheghazhi izhi xianxin gie giezhi sughazhi kieliezho. "Matan Hudai gojiade orone giese bixi olon ku shouine."

Tujila 2:5

Hhe xienzide xienliantu Yutai kunla shijieni go gojiase irezhi Yelusalende souzho.

Tujila 20:24

Ingieliuzhe bi Hudai nenjienni kielieku gouxioxide ganzhen beine giezhi Ezhan Ersase jienliesan renwune onchen ulie gietula aminne ulie kerene."

Tujila 26:16

Chi bosizhedene bei. Bi goyane chade xienjighakushi chii goyadene hoji danlaghazhi chi mii chanlasan shiqinde, pse bi chade jianlai xienjighaku shiqinde ganzhen beighane giezho.

Tujila 4:12

Ersase chugo pse jiuichen uwo. Qienxiade matanyi jiuiku psedu nierei ese ogizho."

Loma 10:18

Bi nie asaye. Kunla ese chenliewu? Kenjin chenliezho. "Hhelai shenqi qienxiade kuruwo. Hhelai kielien duyani uzhude kuruwo."

Loma 15:16

bi niman kunlade oluzhi Mexiha Ersade wiliechi danlazho. Bi hhelade Hudai gouxioxii chonjise buwa niekielien wo. Shenlinyi tungo giezhi hhelai zhiguishighadene jienlieku mure mutun Hudade ogizho.

Loma 2:7

Gou wilieni izhi giezhi kuaiku, gou minshen, chanqi ulie qida olukuni giesan kunlade Huda chanqiku aminni ogine.

Loma 5:5

Xiwon matai ulie kushidaghakushi Huda matande ogisan Shenlinni tungo giezhi orekune matai zhughede kie durughawo.

1Gelindo 15:58

Ingiese mii gaijiula, ta khiduzhezhi bu gojiolu, chan xiacha giezhi Ezhanni wiliei olon gie. Ta khishulasanla Ezhanyi miende oronde wiku pusho bikui ta mejiene.

1Gelindo 3:5

Yaboloshi kien wo? Baoloshi kien wo? Manshi wiliechi wo, zhao Ezhan nieniede ogisan renwughala tai xianxin gieghasan wo.

2Gelindo 10:1

Bi Baolo qinsi Mexihani renyi, gou zhugheghala tande goude kielieye. Kunla kieliese bi tai chujieghekude goyane meilade uzhezho, tai hhende uwokude wizha wo giezho.

2Gelindo 11:23

Mexihani hoji onu? Bi ingie kieliese fenjiulizhoma, biye genjia enbene. Bi hhelase olon khishulazhi bafanzi olon souzhi olon mabienzi neizhi haojihui aminde wixien khizhezho.

2Gelindo 3:6

Huda bijiende shini yenjisan kieliende gonjia danlaku nengou ogizho. Ene yenjisan kielienshi uroughala giesan pusho, ruhherghala giesan wo. Urou kunni fugughane, ruhher kunde amin ogine.

2Gelindo 4:1

Ingiese Huda bijiende ubali xiizhi ene renwui ogise bijien zhughe ulie widane.

2Gelindo 6:1

Hudare hhantu wilie giesan bijien tai xiahua gieye, Hudai nenjienni jienliezhi belienni bu gholugha.

Jialatai 4:11

Ingiese bi tande zhughe chilazhi khishulasan belien gholukuse ayizho.

Jialatai 5:5

Bijien Shenlinde kouizhi xianxin giekughala gounide sanakui panjizhi sagheizho.

Jialatai 5:7

Ta izhi giesan gou woma, ede ta zhendaoni shunjikui kien duiwo?

Jialatai 6:9

Matan gouni giekude fanqi bu giezhi zhazhen giema, heshitu shihou kuzhese ghurakui wine.

Ifuso 1:18

tai zhugheni nudunlai gieghereghazhi hhe tai uruzhi iresan xiwonshi yan bikui, pse shentulai dundadu hhei famatu jiachan matu olon bikui ta mejie,

Ifuso 2:21

Mexihai kouizhi nie gie man lienjidene fugiedazhi Ezhanni zhiguitu dajien gholuzho.

Ifuso 3:17

Xianxin giekughala Mexiha tai zhughede souzhi tai oreku dunda genzi bareighazhi undanlagha gie.

Ifuso 4:16

Mexihai kouizhi nie beyei sidasunla man chigharade lienjizho. Go iyanzi zoinlane khizheghazhi nie beyeni oreku dunda fugiedazhi hendaghazho.

Geloxi 1:25

Huda tande oluzhi made ogisan renwughala bi jiohuide wiliechi danlakushi Hudai kielienyi man chonjizhi khizheghane giezho.

Geloxi 2:7

Ta surusan mutun hhei sudoro genzilazhi fugieda. Xianxin giekui undanlaghazhi mafan gieku zhughe olodogha.

1Qiesalonijia 3:3

Ingiese enezighan heiku shiqin dundase tai nieda ulie gojiolughane giezho. Matande heiku shiqin jinjisei ta goyalane mejiene.

1Qiesalonijia 3:5

Ingiese bi pse bazilie dadene Qimotaini peizhi tai xianxin gieku matugiezho giezhi daqinlaghale echiwo. Hhe miichen tai miizhi bijien khishulasan wilielani belien gholughakuse ayizho.

1Qiesalonijia 5:8

Matanshi udunughun wo, indan jinxin gieye. Xianxin gieku, oreku kuijiani musizhi jiuiku xiwonni toukuini zhoye.

2Qiesalonijia 2:16

Mai Ezhan Ersa Mexiha goyane, matande orezhi nenjienghalane mai chanqi sidaghazhi kieliesan, pse gou xiwon ogisan mai Ada Hudaghala

1Qimotai 1:12

Made nenli ogisan mai Ezhan Mexiha Ersade bi mafan kieliezho. Hhe mii xianxin giedene nanpei giezhi goyadene wilie gieghazho.

1Qimotai 2:7

Ene shiqinde oluzhi mii nanpei giezhi chonjichen kun, shitu danlaghazho. Niman kunlade loushi danlaghazhi xinyan, zhendaoni surughazho. Eneshi ghudan pusho, shuhua wo.

1Qimotai 3:16

Matanyi xinyanni mimi chijia wo. Enende yama kieliekuni uwo. Hhe kunni beyeghala khizhewo. Shenlin ganzhen beizhi hheshi gundanni wo giezho. Qienxienla hhei chanlawo. Hhei olon minzulade chonjidene Duyani kunla xianxin giewo. Famani dunda jienlie khireiwo.

Qido 3:7

Ingiese hhei nenjienghala matan zui wituni gholudene Hudai houdei gholuzhi chanqiku aminni panjizho."

Xibolai 10:38

Gou kunmi xianxin giekughala amiturane. Khuina tuise bi hhende xiqi uwo." giezhi kieliezho.

Xibolai 3:14

Matan dei qiikude xianxin giesanne zuihou kutula izhi xiacha giese Mexihare hhantu nexian jienliene.

Xibolai 3:6

Mexiha Hudai giede kewon danlazhi shixinde giezho. Matan danzine fugiedaghazhi panjisanne goude bareise matanshi mechi wo.

Xibolai 4:14

Matande asimande khisan famatu niekozi zui fugie buwa wine. Hheshi Hudai kewon Ersa wo. Ingiese matan xianxin giesanne xiacha gieye.

Xibolai 6:19

Matande bisan ene xiwon hoxian matanyi ruhherde olusan chon beighaku gougoui xianli, khidunji undan wo. Dajienyi sudorodu menlienzi sudoro matanyi oroghane.

1Beduru 1:3

Mai Ezhan Ersa Mexihai ada Hudade doulaye! Hhe matande hende ubali xiidene Ersa Mexihai fugusan kun dundase aminne olughakughala matanyi erchan olughazhi zhenzhenji xiwon ogizho.

1Beduru 1:5

Huda ta xianxin giekui tungo giezhi nenlighalane tai baohu giedene duya barakude xienjizhi khizhene giesan jiuikui tande ogine.

1Yaheiya 2:27

Tai kieliese tai sudoro Ezhanse jienliesan tebieji nenjien wine. Ingiese tande kiema surughaku biyo uwo. Hhei tebieji nenjien tande man surughane. Surughasanshi jiani pusho, zhenni wo. Ingiese hhe surughasan mutun ta hhei sudoro bei.

Mejieghasan 2:10

Chade kuzhene giesan kuse chi bu ayi. Uzhe, Ibilisi tai dundadu ezighan kunlai bafanzide khazhi tai shiine. Tai hharudu zayalane. Chi fugutula shixinji giese bi chade aminni maghalai ogine.