Geloxi 1:18 - Hudani Kielien

¹⁸ Hheshi beyeni qiorun wo, ene beyeshi jiohui wo. Hheshi keitou wo, fugusan kun dundase xien aminne oluzhi soyujilai touzi gholuwo.

Geloxi 1:18 ပူးပေါင်းရင်းမြစ်များ

Matai 23:8

Ta kunlai goyane loushi giezhi bu urugha, tande zi niekozi loushi wo, ta manshi gaijiu wo.

Matai 28:18

Ersa melie ire hhelade kieliewo, "Asiman, zemin jieredu qienlilani man made ogiwo.

Yaheiya 1:1

Zui melieshida Kielien wine. Ene Kielien Hudaghala hhantu wo. Ene Kielienshi Huda wo.

Yaheiya 1:16

Matan man hhei fugie nenjien jierese nenjien olon jienliezho.

Yaheiya 1:27

Hhe mase khuina irenema, bi hhende mahei deizi andaghaseye pei dane."

Tujila 26:23

Hheshijiu Mexiha bixi shouku giedene fugusan kun dundase xien aminne oludene Yutai kun, niman kunlade gonni mejieghane giesan wo."

Loma 8:29

Huda eqie mejiesan kunlai kewonne yanzi mutun gholughane giezhi pse eqie jinjiwo. Ingiezhi kewonne olon gaijiu dunda fugie kewon danlaghane giezho.

1Gelindo 11:3

Jien ere kunlai qiorunshi Mexiha wo, biereilai qiorunshi ere kun wo, Mexihai qiorunshi Huda bikui bi tande mejieghaku duran wine.

1Gelindo 12:27

Tashi Mexihani beye wo, jien kunshi beyeni iyanzi wo.

1Gelindo 15:25

Huda Mexihare duitou danlasanlai man hhei kon doura teitula hhe bixi honshan danlane.

Ifuso 1:10

Ene jihuashi shihou kurukude asiman, zemin jieredu yanyanjilai man Mexihai miende hhantulaghane.

Ifuso 5:23

Mexihashi jiohuini qiorun biku mutun zhanguijishi biereini qiorun wo. Mexihashi ene beye, jiushi jiohuini jiuichen wo.

Geloxi 1:24

Ede bi tande oluzhi bayasuzhi ku shouizho. Mexiha beyedene, yejiushi jiohuide oluzhi ese shouizhi baraghasan kuini bi beye jierene shouizho.

Geloxi 2:19

qiorunghala ese lienjizho. Hhense jinlian khizhezhi nie beyei go mouzi sidasunlai man lienjighazhi zhao Huda osighasan mutun osizho.

1Yaheiya 1:1

Hhe dei qiikude bisan aminni kielien giezhi urusan hhei tande kielieye. Bijien hhei chenliezhi daowo, nudundene chujieghezhi daozho, qinsi uzhezhi khaghalane maqizhi daowo.

Mejieghasan 1:18

chanqi biku wo. Uzhe, bi fuguzhi daozhoma, ede chanqi izhi amiturazho. Dou fugukuji dozoni yeshi made wine.

Mejieghasan 1:8

Ezhan Huda kieliezho, "Bishi Alafa wo, Emeiga wo. Bishi edeku, eqighanku, jianlai ireku, nenlitu Huda wo."

Mejieghasan 11:15

Ji 7 gie qienxien labani feiliese asimande fugie shenqila bizhi kieliezho, "Duyani gojia mai Ezhanji hhe teisan Mexihani gojia gholuwo. Hhe chanqi izhi honshan danlane."

Mejieghasan 21:6

Hhe made pse kieliewo, "Chenjiwo! Bishi Alafa wo, Emeiga wo, jiushi keitou wo, baraku wo. Bi aminni bula usuni undasusan kunde belien ughane.

Mejieghasan 22:13

Bishi Alafa wo, Emeiga wo. Bishi zui melieshiku wo, zui kuinashiku wo, keitou wo, baraku wo."

Mejieghasan 3:14

"Chi Laojijia jiohuini qienxiende xin huaizhi kielie, 'Hhe Amine giesan, shixinji shuhua ganzhen beisan, Huda zhayaghasan genzi kieliezho.