3Yaheiya 1:8 - Hudani Kielien

⁸ Matan indan imutu kunlade banman giese oluzho. Ingiese matan zhendaode oluzhi hhelare lienshou gholune.

3Yaheiya 1:8 ပူးပေါင်းရင်းမြစ်များ

Matai 10:14

Kien tai ulie jienliezhi kielienyi ulie chenliese hhei gie, hhe chenshise likai giekude kon jieredu turane kui bougha.

Matai 10:40

"Kun tai jienliese mii jienliezho. Mii jienliese mii peizhi ireghasan hhei jienliezho.

Lujia 11:7

hhe gie sudorose mii bu pofansagha. Wijienlani man khazhi kewosilare hhantu kijiezho. Bosizhi chade ogiku chijia wo giene.

2Gelindo 6:1

Hudare hhantu wilie giesan bijien tai xiahua gieye, Hudai nenjienni jienliezhi belienni bu gholugha.

2Gelindo 8:23

Qidoi kieliese hheshi mii nokie wo, tande oluzhi mare lienshou gholuzho. Pse hhe ghua gaijiushi jiohuila peisan wo, Mexihani fama wo.

Feilibi 4:3

Mii zhenzhenji gou lienshou, bi chiiye xiahua gieye. Chi ene funilade banman gie. Hhela gouxioxini wiliede mare, pse Gelimien, psedu lienshoulare hhantu khishulazhi daozho. Hhelai nierei aminni jilasan benzi jiere huaizho.

1Qiesalonijia 3:2

Qimotaini tai hhende peizhi echighawo. Hheshi mai gaijiu wo. Bijienre hhantu Mexihani gouxioxii chonjizhi Hudade wilie giesan kun wo. Hhei echighakushi tai khiduzheghazhi xianxin gieku jiere zhichi gieghane giezho.

Feilimen 1:2

oqinjiu Yafeiya, bijienre hhantu budui danlasan Yajibu, pse chii giede hhantulasan jiohuini kunlade xin huaizho.

Feilimen 1:24

Bighala hhantu wilie giesan Make, Yalidagu, Jima, Lujia man chade kielien asazho.

3Yaheiya 1:10

Ingie bi echise hhe giesan shiqinlani kielie khizheghane. Hhe doghun kielienghala bijienni heizho. Dou enende ese kuruzhi mo yozhi chonjisan gaijiulani goya ulie jienliene, jienliene giesan kunyi ulie jienlieghane, da jiohuise tou khighane.

3Yaheiya 1:7

Hhela Ersa Mexihani nierede oluzhi ghadane khireiwo, xianxin uye giechen niman kunlase yama ese kerewo.

3Yaheiya 1:9

Ene shiqinde melieshida bi jiohuide xin huaizhoma, touzi danlakude xiqi bitu Jiutefei bijiennughunyi ese chenliezho.