2Qimotai 3:2 - Hudani Kielien

² Hhe shihoude kunla zi goyane guine, baerni neiine, goyane kuaizhi fugiede uzhene, suibiende sugiene, ana adane kielienyi ulie chenliene, kunlai gouni matane, xienlian witui giene,

2Qimotai 3:2 ပူးပေါင်းရင်းမြစ်များ

Matai 15:6

hhe kun adane ulie zunjise olune giezho. Ingiezhi ta goya xigonghalane Hudai kielienyi widaghazho.

Lujia 12:15

Ingie pse kieliewo, "Ta xioxin giezhi yanyanji tanxin giekulase gholodo. Kunni amin olon baerghala gonxi uwo."

Lujia 16:14

Falisai kun jin baerrezhe, ene kielienyi sonosudene uzhezhi xiniezho.

Lujia 6:35

"Ta duitoudene ore. Hhelade goude gie. Baer asughuzhi ogise khareizhi ogi dakuse bu ayi. Qingiezhi giese tande jianli olon wo, Zui Undu Hudai kewosi gholune. Huda nenjienni matasan kun, doghun kunlade man goude giene.

Tujila 5:36

Eqighandei Duda bosi ire goyane fugie wo giezho. Hhei daghasan kun 400 wine. Hhei alasenu daghasan kunlai man sanda widazhi yama widawo.

Loma 11:18

ghighasan chalade kuai dane. Kuaine giese chi jila. Chi genzii ese qiezhezho, genzi chii qiezhezho.

2Gelindo 5:15

Mexiha soyuji kunlade oluzhi duya ijiekushi amitu kunla pse goyadene oluzhi ulie amiturazhi hhelade oluzhi duya ijiedene aminne olusan Ezhande oluzhi amituraghane giezho.

Feilibi 2:21

Psedu kunla man zinie goyane shiqinyi guine, Ersa Mexihani shiqinyi ulie guine.

Geloxi 3:5

Ingiese tai sudoro bisan zemin jieredu zui gieku duranlai fugugha, jiushi lon kijieku, zannanni, nefuxin, doghunnii sumulaku, tanxin gieku wo. Tanxin giese nigiedai beiizho.

2Qiesalonijia 2:4

Hhe irese kunla huda wo giezhi urusanlase, kunla beiisan shihenilase duizhi goyane hhelase fugiede uzhene, da mechide souzhi goyane Huda wo giene.

1Qimotai 1:20

Hhelai dunda Ximinai, Yalishanda wo. Bi hhelai ijin Ibiliside jiuiwo. Ingiese hhelai kufurei ulie fanjikuni surughane giezho.

1Qimotai 1:9

Guijinni gou kunde ese jinjizho. Mouxien kun, kielienyi ulie chenliechen, zhigui witu, zui fanjichen, zannanni giechen, hharamu giechen, ana adane alachen, kun alachen,

1Qimotai 3:3

jiugui ulie danlane, kun ulie eghine, renyi wo, kunlaghala ulie zhenjindune, baerni ulie neiine,

1Qimotai 6:10

Baerni tanxin giekushi shiheni doghunni genzi wo. Kunla baerde oluzhi xinyanse likai giedene yanyanjide munan giezhi zhugheni hende otuzho.

1Qimotai 6:4

hhe goyane fugiede uzhezhi yama ulie mejiene, zhonmun uroui asazhi jianjindukude xiqi wo. Ingiese dubiliene, jianjindune, beimiende sugiene, hu inxin giene.

2Qimotai 3:4

kunlai ghudandune, ulie sumulazhi hu giene, goyane bi wo giezhi undude uzhene, hu nadukude Hudase olon orene,

Yagebu 2:8

Jinwun jiere goyadene mutun giebeidene ore giesan ene nie zui zhunyo guijinni ta zunjizhoshi oluzhoma,

Yagebu 4:16

Ingieliuzhe ta goyane undude uzhezhi kuaine. Qingiezhi kuaikushi man doghunni wo.

Yagebu 4:6

Ingieliuzhe Huda ogisan nenjien genjia olon wo. Jinwun jiere kieliesan mutun, "Huda goyane undude uzhesan kunlai fandui giene. Goyane meilade uzhesan kunlade nenjien ogine."

1Beduru 5:5

Nasuchighan kunla, taye qingiezhi zhanlaolai shunji. Ta man nieniedene oluzhi goyane meilade uzhekui wiqin danlaghazhi pixilie. "Huda goyane undude uzhesan kunlai fandui giene. Goyane meilade uzhesan kunlade nenjien ogine."

2Beduru 2:10

Tebieshi beyeni zannan nefuxinni daghasan kunla, pse qienlini yamacha ulie teisan kunlai genjia ingiene. Hhela jionaoghazhi goyane fugiede uzhezhi asiman jieredu famatulase ulie ayidene sugienema,

2Beduru 2:12

Enezighan jia loushila olusanse alaku, yama sumula daku chushen mutun goya sugiesanne ulie mejiene, chushen mutun widane.

2Beduru 2:18

Hhela yama oronde wiku fugie kielien kieliezhi hu gieku nefuxinghala hhezighan codasan shenhose jian likai giesan kunlai miizho.

2Beduru 2:3

Hhela tanxin giezhi ghudanghala tai jierese haochu ereine giezho. Huda hhelade eqighanse zui jinjizho, hhelai widaghakui danwu ulie giene.

Yuda 1:16

Ene kunlade ibeizi kuru dazhi chan boxin kieliene. Yan duralase yan giene. Fugie kielien kieliene. Goya haochudene oluzhi kunlai bajie giene.

Mejieghasan 13:1

Bi chanlase nie yewo haise khizhezhi hharan gocha, dolon qiorun wine. Hharan gocha jierene hharan honshan zhoku ga maghala zhozho. Dolon qiorun jiereni Hudai sugieku niere wine.

Mejieghasan 16:11

Tendun shouiku, yara khizheku yenyinghala hhela asiman jieredu Hudai sugiezhi da giesansene geizhen ulie giene.

Mejieghasan 16:21

Pse fugie mendoula asimanse kunyi jiere bouzhezhi niekozi gundude 70 jin wo. Ene mendouni zeinan hende fugieshi kunla Hudai sugiezho.

Mejieghasan 16:9

Kunlai hende hhereide kouise nenli bizhi zeinanni gonjisan Hudai nierei sugiezhi, da geizhen ulie giezhi kuaikui Hudade ulie ogine.