2Gelindo 6:6 - Hudani Kielien

⁶ bijien ganjinde giezhi erlin, rennai gieku, renyi, Shenlin, zhenzhenji oreku,

2Gelindo 6:6 ပူးပေါင်းရင်းမြစ်များ

Geloxi 1:27

Ene mimi niman kunlai dunda zhengiejia fama bikui Huda shentuladene mejieghane giezhi duralawo. Ene mimishi tai sudoro bisan Mexiha wo, jiushi famanide echighaku xiwon wo.

Ifuso 4:32

Huda Mexihai miende tai rouliesan mutun taye renyitu zhugheghala ubali xiizhi nieniene roulie.

Ifuso 4:2

Yandeliuzhe goyane meilade uzhezhi renyide gie. Rennai giezhi oreku zhugheghala nieniedene ranji.

Jialatai 5:22

Shenlinni jiegoshi, oreku, bayasuku, pinnan, rennai, goude gieku, gou zhughe, kekaoni,

Jialatai 3:5

Huda tande Shenlinni ogizhi tai dunda nenlitu shiqin giesanshi ta guijinni zunjikughala onu gouxioxini sonosudene xianxin giekughala wo?

2Gelindo 12:15

Bi tande oluzhi bayasuzhi bisanlane ogizhi lien goyane man ogiku duran wine. Bi tande ye olon orese ta made ye choghon orenu?

2Gelindo 11:11

Yangiezhi? Bi tande ulie orenu? Bi orekui Huda mejiene.

2Gelindo 11:6

Mii koucai hen uwoma, unhua boghoni uwo. Enei bijien gofanmiende olon banfaghala tande zhenmin giewo.

2Gelindo 11:4

Niezhan kunla irezhi bijien ese chonjisan da nie Ersai tande chonjise, pse ta jienliezhi ese daosan buxiantu ruhherni jienliezhi ta jieshou giezhi ese daosan buxiantu gouxioxii jieshou gieghase ta jienliezho!

2Gelindo 7:2

Ta aghui zhugheghala bijienyi jienlie. Bijien kiemai ese kuighazho, kiemai ese heizhi pienyi ese zhanjizho.

2Gelindo 4:6

"Kharanise gon khizhe" giezhi kieliesan Huda Ersa Mexihai khizha jieredu goya famane mejieghaku gonni mai zhughede zhouighazho.

2Gelindo 3:3

Ta minminjishi Mexihani xin wo, bijienyi tungo giezhi huaisan wo. Meshuighala huaisan pusho, chanqiku Hudai Ruhherghala huaisan wo. Tashi jiere ese huaizho, kunni zhughe jiere huaizho.

2Gelindo 2:4

Bi eqighandei zhughedemi otuzhi yuchou giezhi wilazhi tande xin huaikushi tai nango gieghane ese giezho, bi tande matugie oresei mejieghane giezho.

1Gelindo 13:4

Oreku izhi rennai giene, renyi wo, ulie dubiliene, goyane ulie kuaizhi zishi ulie shuaine,

1Gelindo 2:16

"Kien Ezhanyi zhughei mejiene? Kien hhende surughane?" Mai kieliese matande Mexihani zhughe wine.

Loma 12:9

Orekude jianii bu deila. Doghunnii henji, gounii barei.

1Yaheiya 3:18

Kesila, matan orese zi amande bu kieliedene xindun giezhi shixinde gieye.

1Beduru 1:22

Ta zhendaoi shunjizhi goyane ganjinraghazhi kunlade zhenzhenji orezho. Ingiese xiacha giezhi zhughesene nieniedene orendu.

1Qimotai 4:12

Chi nasunchighanshi kunlai meilade bu uzhegha. Kielien kielieku, gieku, oreku, xinyan, ganjin fanmiende xianxin giechen kunlade yanzi uzhegha.

1Qiesalonijia 2:10

Ta xianxin giesan kunlade bijien giesanshi zhigui, gundanni wo, yama kieliekuni uwo. Enende ta ganzhen bei, Hudaye ganzhen beine.

Geloxi 3:12

Tashi Huda sunghusan, zhiguitu, oresan kun wo. Ingiese ta ubali xiiku, gou zhughe, meilade uzheku, renyi, rennai giekui musi.

Ifuso 3:4

Ta onshise bi Mexihani mimii dunjiresanyi mejiene.

Jialatai 3:2

Bi tande jianie shiqin asaye, ta Shenlinni jienliesanshi guijinni zunjikughala onu gouxioxini sonosudene xianxin giekughala wo?

1Gelindo 2:4

Bi kieliezhi chonjikude seighan, aghelitu kielienghala ese giezhi Shenlinni nenlighala zhenmin giezho.

Loma 15:19

Ghudureqi, fugie shiqinyi nenlighala, pse Hudai Ruhheryi nenlighala giesan wo. Bi Mexihai gouxioxii Yelusalense izhi Ililigude man chonji kurughawo.

1Beduru 1:12

Hhela ene wiliei giese goyadene ese giezho, tande oluzhi giesei Huda hhelade mejieghazho. Ene gouxioxishi chonjichen kunla asiman jierese peizhi ireghasan Shenlinyi nenlighala ede tande chonjizhi ogiwo. Ene shiqinlai qienxienlaye hende uzheku duran wo.

Qido 2:7

Chi yan shiqindeliuzhe goyane gouni giezhi yanzi uzhegha. Chi sughakude loushide, renzhende sugha.

2Qimotai 4:2

Chi Hudai kielienyi chonji. Shihou heshi winu uwoliuzhe izhigie gie. Kunlade sughakude hende rennai giezhi geizhen giegha, kheila, pse sughazhi kielie.

2Qimotai 3:10

Ede bi surughasan, bi gieku yanzi, mii ibeiku fanxian, xinyan, rennai gieku, oreku, khidunde beiku,

1Qimotai 5:2

Oqiolusan biereilai anane mutun kielie. Nasunchighan oqitu kunlai eghechijiune mutun zhughene ganjinde teizhi goude kielie.

Geloxi 2:3

Hhei sudoro soyuji agheli, erlinni boubeilai man ghurazho.

1Gelindo 12:8

Niezhan kunlade Shenlinyi tungo giezhi tebieji aghelitu kielienyi ogizho. Niezhan kunlade nie Shenlinyi tungo giezhi tebieji erlin kielieku nenli ogizho.

2Gelindo 1:23

Bi Gelindode pse ese irekushi tande oluzho. Enende Huda made ganzhen bei giezhi bi kielie shidane.

2Gelindo 2:10

Ta kienyi mienliese bi kienyi mienliene. Bi kienyi mienliese Mexihai melie tande oluzhi mienliezho,

2Gelindo 13:10

Ingiese bi tai hhende wikude ene kielienyi tande huaikushi bi tai chanlakudei zhao Ezhan made ogisan qienlighala tande gundude ulie giene giezho. Ene qienli kunni bixindaghaku pusho, hendaghaku wo.

Yagebu 3:17

Zinie asiman jierese iresan aghelishi xien ganjinni wo. Pse heqi, renyi, ranji, olon ubali xiizhi gounii gie, pienxin ulie gie, jiani wikui wo.