3 Eneshi gouni wo. Mai jiuichen Huda bayasune.
Ruhhermi mii jiuichen Hudade oluzhi bayasuzho.
Mexihani ingiezhi shunjisan kunde Huda bayasune, kunlaye kuaine.
Ersa Mexihani kouizhi gou wilielai olon giedene kuaiku, zanjikuni Hudade ogi giezho.
Made yanyanji wine, da feiliezho. Ta Ibafuqii tungo giezhi made khughosanlai bi jienliedene kuruzho. Eneshi Huda bayasuzhi jienlieku andatu mure wo.
Ingiedene ta udu daokude Ezhanyi pei shidaku mutun giezhi yandeliuzhe hhei bayasugha, yanyanji gou wilie jiere olon jiego khizheghazhi Hudai olon tani.
Ingiese gaijiula, zuihoude kielieye, Ezhan Ersai miende bijien tai xiahua giezhi tande sughazhi kielieye. Ta bijiense surusan mutun Hudai bayasughazhi gie. Ta ijin giezhoma, pse ologhoni izhigie gie.
Mai jiuichen Huda, matan xiwon giesan Mexiha Ersai minlinyi zunjizhi Mexiha Ersade shitu danlasan Baolo
Enende oluzhi matan khishulazhi xiacha giezho. Ingiekushi mai xiwon chanqiku Hudade wo. Hheshi soyuji kunlai jiuichen, tebieshi xianxin giesan kunlai jiuichen wo.
Guafude kewon sunzi bise xien giedene xioshun olukui sughazhi ada anane qinni beigha. Eneshi Hudai bayasughakui wo.
Huda mai jiuizhi zhiguide urukushi matan giesanghala pusho, hhe goya jihua, nenjienghalane giesan wo. Ene nenjienshi Mexiha Ersai tungo giezhi duyai zhayaghasanse melie matande ogisan wo,
Gouni gieku, nieniedene ogikui bu mata. Imutu xienjide Huda xiqi wo.
Zui fanjidene eghikui rennai giese yan kuaikui wine? Gouni giedene shouku giekui rennai giese Hudai melie kuaikui wine.
Taye amitu tashi mutun nienieji luizhi ruhhertu gie gholu. Ingie zhiguitu buwa danladene Ersa Mexihai tungo giezhi Huda bayasuku mutun jiomuntu mure ogi.
