4 Bijiende ijiezhi ochiku qienli uwonu?
Mo yose kuabao, ghua jien, mahei, zhugun bu barei. Wilie giechen kunla ijiuni indan jienliekuni wo.
Ta alinie giede souse izhigie nie giede sou. Kunla yan ochizhi ijiekuni ogise yan kere. Eneshi wilie giechen kunde ogikuni enbene.
Bi kiemai antan, miengu, jienni nienhei giezhi ese daozho.
Mii kieliesan kunlade bi goyane ingiezhi huine.
Hudai kielienyi surusan kun surughasan kunde goude dunxilai man ogikuni wo.
Bijien Mexihani shitu danlachenlade tai melie qienli winema, goyane taye hao, kunlaye hao kuaighane ese giezho. Bijien tai dunda renyi zhugheghala ana kesilane qiezheku mutun giezho.
Gaijiula, bijien khishulazhi shouku giesei ta mejiene. Bijien tande Hudai gouxioxini chonjikude ta kiemade achan ulie ogine giezhi xieni udu wilie giezho.
