1Gelindo 2:6 - Hudani Kielien

⁶ Ingiezhoma, xinyan jiere qiendasan kunlade bijien aghelini jianjizho. Eneshi duyai agheli pusho, duyai qienlini bareizhi widachen kunlai agheliye pusho.

1Gelindo 2:6 ပူးပေါင်းရင်းမြစ်များ

Matai 13:22

Eghesun dunda luisanshi kielienyi chenliewoma, duyai munan gieku, baer miise kielienyi jigheidazhi yama sou dawo.

Matai 19:21

Ersa hhende kieliewo, "Chi man qiendaghaku duran bise echidene bisanlane man huizhi nanxin kunlade ogi. Ingiese chii boubei asiman jiere wo. Ingiedene irezhi mii dagha."

Matai 5:48

Ingiese asiman jieredu Adatai onqien biku mutun taye onqienshi."

Lujia 16:8

Ezhanni gou witu gonjiai jienzhaini kuaiwo. Ene duyani kunla goyadene shiqin banjise gonni kunlase jienzha wo."

1Gelindo 1:28

Huda duya jieredu kunla uzhezhi xiniesan, henjisan, yama witu kunlai sunghuzhi winetulai widaghazho.

1Gelindo 12:8

Niezhan kunlade Shenlinyi tungo giezhi tebieji aghelitu kielienyi ogizho. Niezhan kunlade nie Shenlinyi tungo giezhi tebieji erlin kielieku nenli ogizho.

1Gelindo 14:20

Gaijiula, sumulaku jiere ga kun bu gholu. Doghun shiqin jiere yeliwa gholuzhi sumulaku jiere fugie kun gholu.

1Gelindo 2:1

Gaijiula, eqighandei bi tai hhende echizhi Hudai mimii chonjikude seighan kielien, aghelighala ese giezho.

1Gelindo 2:13

Bijienye enelai jianjikude kunni agheli sughasan kielienghala ese giezho, Shenlin sughasanghala giezho. Ruhhertu shiqinlai ruhhertu kielienghala mejieghane.

1Gelindo 2:8

Ene aghelini duyani qienli bareichen kunla dunda mejiechen nieda uwo. Hhela mejiezhoshi famatu Ezhanyi shizijia jiere ulie ghadane.

1Gelindo 3:1

Gaijiula, bi eqighandei tande kielien kieliekude tai ruhhernughun danlagha dazhi beyenughun danlaghazho. Mexihai miende tai yeliwa mutun uzhezho.

2Gelindo 1:12

Bijien duyade giekude, tebieshi tanre laiwon giekude Huda ogisan zhijieji shixinji zhugheghala giezho. Kunni jienzhaghala ese giezhi Hudai nenjienghala giezho. Enende bijienyi lianxin ganzhen beine. Ingiezhi giesande bijien goyane kuaine.

2Gelindo 13:11

Gaijiula, zuihoude kielieye, ta bayasundu. Onqientu kun gholuzhi bijien surughasei chenlie. Maodun bu khizhezhi heqishi. Ingiese oreku winetu, pinnantu Huda chan tanre hhantu wo.

2Gelindo 4:3

Bijien chonjisan gouxioxii khaghazhoshi widachen kunlade khaghazho.

2Gelindo 4:4

Ene duyai Ibilisi enezighan xianxin ulie giechen kunlai nudunyi sugho gholughazhi gouxioxii gonni ese chanlaghazho. Ene gouxioxide Mexihai famani kieliezho. Mexihashi Hudai yanzi wo.

Ifuso 2:2

Hhe shihoude ta ene duyai xigonyi daghazhi asimanyi doghun lilianyi gonjisan hhei daghazhi zui dunda udu daozho. Hhe jiushi kielienyi ulie chenliechen kunlai sudoro wilie giesan ruhher wo.

Geloxi 1:28

Bijien hhei chonjizhi olon aghelighala jien kunyi jingao giezhi jien kunde surughakushi jien kunyi Mexihai miende hendaghazhi Hudai melie beilaghane giezho.

Geloxi 4:12

Mexiha Ersade hoji danlasan tai hhendeduku kun Ibafu tande kielien asazho. Hhe chan tande oluzhi xiacha giezhi onxian giese ta Hudai isi jiere man hulunshizhi xianxin gieku duruzhi beizhi undanlase giezho.

Xibolai 5:14

Zinie fugiedasanla khidunni ijiene. Hhelai lienjizhi daose gouni, roni fenji shidane.

Xibolai 6:1

Ingiese matan Mexihani daolii kaishi giekui khuinane jiedene, fugughaku wilielai geizhen gieku, Hudai xianxin gieku, xilini surughaku, kha teizhi onxian gieku, fugusan kun aminne oluku, zuihou shenpan gieku enezighan jichulai pse bu daidene hulunshikude daiye.

Yagebu 3:15

Ene aghelishi asiman jierese iresan pusho. Duya, nefuxin, sheitanse iresan wo.

Yagebu 3:2

Matan dajiala go fanmiende cowu fanjine. Nie kun kielien jiere yama cowu ulie fanjise hheshi hulun kun wo. Goya hunshenne man kunzhi gie shidane.

1Beduru 5:10

Nenjien durusan Huda, Mexihai tungo giezhi tai uruzhi hhei chanqiku famade ireghasan hhe zhanshi jiere shouku giesan tai qinsi hulunshighazhi khiduzheghane, lilian ogizhi undanlaghane.