2 Bakolinto 4:1 - Soli New Testament

¹ Lesa munkumbo shakendi latupa ncito, neco nkatwela kubwela munyuma sobwe.

2 Bakolinto 4:1 ပူးပေါင်းရင်းမြစ်များ

Luka 18:1

Lino Yesu walabambila beshikwiya bakendi mukoshano, pakuyanda kubeyisha kwambeti bapailenga lyonse kwakubula kubwelela kunyuma.

1 Bakolinto 3:5

Inga Apolo niyani? Paulo niyani? Twense tobasebenshi ba Lesa balamubonesha nshila ya kushoma muli Yesu Klistu. Uliyense lasebensenga ncito Mwami njalamupa.

1 Bakolinto 7:25

Lino kwamba pa makani abatana beba ne kwebwa ngomwalalemba, ndiya mulawo wa Mwami sobwe. Nsombi ndamwambilinga kwelana ne kuyeya kwakame pakuba muntu washomeka muluse lwa Mwami.

2 Bakolinto 3:12

Cebo ca kupembelela kwamushobo uyu, ekulatwambishinga kwakubula buyowa.

2 Bakolinto 3:6

Nsombi nendi eukute kutupa ngofu shakwambeti tube basebenshi ba cipangano ca lino lino ico cabula kubambwa ne Milawo yalembwa, nsombi ne Mushimu Uswepa pakwinga Milawo yalembwa ikute kuleta lufu, Mushimu Uswepa ukute kupa buyumi butapu.

2 Bakolinto 4:16

“Neco nkatukute kutyompwa, nikukabeti mibili yetu ilabolonga cindi conse, muntu wamukati nendi latambulunga ngofu busuba ne busuba.

2 Bakolinto 5:18

Lesa ewalenseci kwambeti kupitila mu lufu lwa Klistu, afwe twalikuba balwani tube banendi, ne kutupa ncito yakuleta bantu nabambi kulyendiye kuba banendi.

Bagalatiya 6:9

Neco katutalema kwinsa bintu byaina, pakwinga pacindi celela nitukatebule na tubula kulefuka.

Baefenso 3:13

Neco ndamusengengeti kamutatyompwa cebo ca mapensho ngondamupengelenga, kupenga kwakame ni kwambeti mucanemo bwinishi.

Bafilipi 4:13

Ngandicikonsha kulangana ne bwikalo bonse bulico kupitila mungofu nshakute kumpa Klistu.

2 Batesalonika 3:13

Nomba amwe mobansebame, kamutalema kwinsa bintu byaina.

1 Timoti 1:13

Nikukabeti ndalikusampula Lesa nekupensha bantu ba Lesa, nsombi Lesa walanyumfwila nkumbo pakwinga paliya ncendalikwishiba nkandalikukute lushomo sobwe.

Bahebeli 12:3

Kamuyeyani bintu mbyalapitamo, ncobalamupata bantu babwipishi. Neco kamutanyumfwa butolo nambi kutentuka sobwe.

1 Petulo 2:10

Kaindi nkamwalikuba bantu bakendi Lesa, nsombi lino njamwe bakendi. Kaindi nkamwalikwishiba sha Lesa, nomba lino mulatambulu nkumbo shakendi.

Kuyubulula 2:3

Wekalikana cali, ulapengelenga ame nsombi nkolabwelelenga kunyuma sobwe.