Zozoe 13:3 - LAWA A BOO SONBORE 2011

³ A n siɛ Sikɔɔrɔ tà kɛ ganaa baa sii kiɛ̃ Ezipti gána yɔrɔ-a, a wo yǎa Ekrɔn lɛkoro-a, gɔsɛ a lɛ̀gɔn la. Bɛa bǎã lɛ doamaa nɛ a Kanaan minin kɛn bǎã baa. Filisiti minin kii sooro kɛ na á goã walan: Gaazaa kiwi wɔ nɛ, Asidɔdi kiwi wɔ nɛ, Asikalɔn kiwi wɔ nɛ, Gaadi kiwi wɔ nɛ, Ekrɔn kiwi wɔ nɛ, ka Avii tɔrɔn kɛn nɛ.

LAWA A BOO SONBORE

³ A n siɛ Sikɔɔrɔ tà kɛ ganaa baa sii kiɛ̃ Ezipti gána yɔrɔ-a, a wo yǎa Ekrɔn lɛkoro-a, gɔsɛ a lɛ̀gɔn la. Bɛa bǎã lɛ doamaa nɛ a Kanaan minin kɛn bǎã baa. Filisiti minin kii sooro kɛ na á goã walan: Gaazaa kiwi wɔ nɛ, Asidɔdi kiwi wɔ nɛ, Asikalɔn kiwi wɔ nɛ, Gaadi kiwi wɔ nɛ, Ekrɔn kiwi wɔ nɛ, ka Avii tɔrɔn kɛn nɛ.

Zozoe 13:3 ပူးပေါင်းရင်းမြစ်များ

Siin Giala 10:6

Kaamu a nɛnyaanan man ka Kuusu ni, ka Misirayimu ni, ka Puutu laanka Kanaan nɛ.

Siin Giala 15:18

Bɛ lɛ a pinaa, Dɛnaa lɛ kɔ kɔn la doa kɔn ka Abramu ni, á pɛ-n kɛnɛn: «Man die gána kɛ lɛ koe n din tɔrɔn la, a saa Ezipti a tà ganaa, a wo Efrati tà gole kɛ yaa:

Kiin1 8:65

Salomɔn laanka Izirayeli minin tumaa bɛa zɔ́n lɛ zɛnaa kun bɛa biikoo lɛ li. Ǹ nə́ goã zaman gole lɛa, ǹ nə́ bɔ gána lɛ paǹ tumaa ganaa, ǹ nə́ daa n sɔkɔn. A n siɛ Lebo-Amaati kiwi ganaa, gɔsɛ a lɛ̀gɔn la a da Ezipti a lɛ̀ giala gɔn la tà kɛ yaa, gusin a lɛ̀gɔn la. Ǹ nə́ zɔ́n lɛ zɛnaa Dɛnaa Lawa yɔrɔ-a lɛawaa fúlusii: Lɛawaa sɔbaa bɔrɔ bɛ kio doo lɛawaa sɔbaa.

KZS1 13:5

Davida tɔ́n Izirayeli minin tumaa sɔkɔn, a saa Ezipti a lɛ̀giala gɔn la tà kɛ ganaa yǎa Lebo-Amaati, gɔsɛ a lɛ̀gɔn la, màn mɛn bɛ́ toɛ ǹ wo Lawa a goo lɛ saa Kiriati-Yarimu ǹ da nɛ.

Izayii 23:3

Ǹ bɛ́ màn mɛn diɛ Niili tà lɛ-a, ǹ bɛ́ màn mɛn kuri a lɛ-a, bɛ lɛ na á goã Sidɔn a naforo lɛa. Sidɔn na á goã tɔrɔn pii kɔ ǹ bǎã lɛa.

Zeremii 2:18

Sisia kəni, n wo Ezipti là n ka wàa nɛ, N wo Niili tà mi? Ma nə́ n woo Asiirii là n wàa nɛ, Ma nə́ n woo Efrati tà mi?

Timəə dí-pɛn 2:23

Avii tɔrɔn kɛn sɛn mɛnɛn nə goã Gaazaa gána nɛ, Kafutɔɔrɔ minin man nə́ goã ǹ nə́ bɛn dɛ, ǹ nə́ giã ǹ bǎã nɛ.

Zozoe 13:13

Sɛnɛ, Izirayeli minin lɛn nə Gesuuru minin kɛn laanka Maakaa tɔrɔn kɛn loo wa. Bɛ lɛ n ke, Gesuuru minin lɛn laanka Maakaa tɔrɔn lɛn nə́ giã Izirayeli minin lɛn bii, yǎa á daa kaa pelo lɛawaa kɛ lɛ.

Sii yɔrɔ-bɔlen 16:5

Filisiti minin kiin nə́ woo lɔ lɛ li, ǹ nə́ pɛ nɛ: «N da Sansɔn gɔ́ɔ̃ li n ga a ganaa, wàa-n toɛ a pàã n gole kɛnɛn, wɔsɛn bɛ́ re boe la lɔn wɔ kũ wɔ yii, wɔ a pàã nya, ga bɛ li. Wɔsɛn gogoonmaa tá re wɔrɔ duu goon ka paabiɛ koe n la.»

Sii yɔrɔ-bɔlen 3:3

Bɛa tɔrɔn lɛn nə́ ke: Filisitin kii sooro kɛa gána minin manɛ, Kanaan gána minin tumaa nɛ, Sidɔn kiwi minin ni, ka Ivii tɔrɔn mɛnɛn bɛ́ ǹ nə́ goã giã-n Liban kelen kɛn la, a saa Baali-Ɛrmɔn kele ganaa a wo yǎa Lebo-Amaati kiwi a wɔ ǹ bǎã nɛ.

Samayeli1 5:1

Filisiti minin bɛ́ ǹ nə́ Lawa a goo lɛ si, ǹ nə́ n toa nɛ Ebɛn-Ezɛrɛ ǹ nə́ woo ne Asidɔdi.

Samayeli1 5:10

Ǹ nə́ Lawa a goo lɛ dia Ekrɔn. Sɛnɛ, Lawa a goo lɛ bɛ́ á dɔ Ekrɔn lɔn gɔrɔ, Ekrɔn minin lɛn nə́ n lɛ dɛ bɛ̀ ǹ nə́ pii: «Ka n ka daa ka Izirayeli a Lawa a goo lɛ nɛ wɔsɛn li mà ka wɔsɛn dɛ wɔ gã, wɔsɛn laanka wɔa zaman nɛ?»

Samayeli1 5:8

Ǹ lɛ dɔ Filisiti minin kiin tumaa ganaa mà ǹ da ǹ lɛ sɔkɔn ǹsɛn li. Ǹ nə́ tɔń pɛ ǹ nɛ: «Wɔsɛn man die Izirayeli a Lawa a goo kɛ biɛ lɔn?» Ǹ nə́ n toa: «Izirayeli a Lawa a goo lɛ doamaa nɛ a wo Gaati kiwi.» Bɛ kio, ǹ nə́ woo ka Izirayeli a Lawa a goo lɛ nɛ walan.

Samayeli1 6:4

Filisiti minin lɛn nə́ nɔ̀n da: «Wɔ doa nɛ wɔ wàa kɔ la, wɔa sii baraa sawaa ǹ wúlu màn lɛa.» Ǹ nə́ tɔ́n nə ǹ lɛ si: «Filisiti minin kiin lɛn dinin bɛ́ lɔn min sooro, ka màn nyín sooro zɛnaa ka sana nɛ, gɔ̀nɔn kokoree busu a konboe lɛa, ka kɛ́n sooro nyín zɛnaa ka sana nɛ. A giala, a din fuu goon na á goã ka tumaa mìi ni ka kaa kiin ni.