Zowɛli 2:26 - LAWA A BOO SONBORE 2011

²⁶ Ka á re màn bii sɔnbɔraanɛ ka kã ka á re loe loe, ka masɛ Dɛnaa Lawa, kaa Lawa lɛ tɔ bɔ nɛ. Ma din nə má kaãbaa ǹ siin zɛnaa ka nɛ, sìi á re maa zaman kɛ kuĩ doo duduu wa.

LAWA A BOO SONBORE

²⁶ Ka á re màn bii sɔnbɔraanɛ ka kã ka á re loe loe, ka masɛ Dɛnaa Lawa, kaa Lawa lɛ tɔ bɔ nɛ. Ma din nə má kaãbaa ǹ siin zɛnaa ka nɛ, sìi á re maa zaman kɛ kuĩ doo duduu wa.

Zowɛli 2:26 ပူးပေါင်းရင်းမြစ်များ

Siin Giala 33:11

ma da bǐɛ̃baa ǹ màn mɛn kɔ n la, lɛ kɔ n bɛ dɔ si. A giala, Lawa na á ma gɔ. Ma laadoo bɛ́ màn mɛn tumaa ganaa, a tumaa tá ma lon.» Zakɔba nə́ n laa Ezawu ganaa, yǎa á lɛ kɔ á mànan lɛn si.

Nehemii 9:25

Ǹ nə́ kiwi dadara kungɔndɛnan kũ ǹ nə́ ǹ si, ka tán bǎã sonbore ne. Ǹ nə́ kionən si ǹ nə́ ǹ baa ǹ wɔ lɛa. Bɛa kionən lɛn man piɛ̃ nɛ ka gɔn màn tɔrɔ tumaa nɛ, ǹ nə́ tù foɛ̃n si tán ǹ nə́ ǹ baa ǹ wɔ lɛa, ka *rezɛ̃ dan nɛ, ka *olivie dan nɛ, ka da nɛ-kɔle gigiã nɛ. Ǹ nə́ màn bii, ǹ nə́ kã, ǹ nə́ kasã, ǹ nə́ goã kanaa a nɔnɔ̀ɔbaa lɛ li, n bǐɛ̃ gole lɛ barka nɛ.

Loen 103:5

A din nə ma toe ka màn sonboren ne, á n ma biɛ min ten lɛa, pàã n ma lon, ka giogialatã bɛ́ lɔn.

Loen 116:7

Sisia, ma foo basã kəni, a giala, Dɛnaa Lawa bǐɛ̃ zɛnaa ma nɛ.

Loen 13:6

Masɛ, masɛ nə n foo doɛ n din a kɔn-narɛɛ gole kɛ ganaa. Ma nə n nyɛnyɛɛ, n kirisibaa kɛa lɛa. Dɛnaa Lawa, n bǐɛ̃ mɛn zɛnaa ma nɛ, man die loe loe ma n tɔ bɔ nɛ.

Loen 22:26

Dɛnaa Lawa, n din a bǐɛ̃baa na á toa, ma á n tɔ boe zaman gole kɛ bii. Man lɛ kɔ n la ka wúlu mànan mɛnɛn nɛ, ma á re bɛn koe n la n nyɛ́ɛbaama-n wolen yɔrɔ-a.

Loen 37:19

Bɛ̀ nɔmaa biikoo dɔ, sìi á re ǹ kuĩ wa. Bɛ̀ bòo kɔ lɛawaan mɛnɛn li, ǹsɛn tá re kiɛ̃.

Loen 67:5

Gánan lɛn minin die ǹ nə n nyɛnyɛɛ, ǹ loe lɔ, a giala, n din lɛ n tɔrɔn mìi la. Kanaa kɛ gɔ́ɔ̃ nɛ, n din nə ǹ nyɛɛnaan boe ka peperebaa nɛ. Doa

Loen 72:18

Barka Dɛnaa Lawa, Izirayeli a Lawa. N dinsɔɔ̃ n kaãbaa ǹ sii zɛnɛɛ.

Suusun 13:25

Min mɛn bɛ́ sii sonbore zɛnɛɛ, á re màn-bii a kã. Sɛnɛ, min mɛnɛn bɛ́ sii baraa zɛnɛɛ, bɛn tá re bòo koe.

Loe kɔɔ̃n kɔɔ̃n 5:1

Haya le! Mianɛn, maa nɛniɛ, má daa wɔ maa dù gɔrɔ lɛ nɛ, man die maa *miíri nyɔɔ gìĩ kɔɔ̃nɔn sɔlɛɛ, man die maa zoo nyɔɔ kɔɔ̃n bii, man die maa duvɛ̃ laanka maa bɔ̀nyaa mii. Maa giaáran lɛn, ka màn bii, maa giaáran lɛn, ka màn mi, ka mi, a wɔ ka yii ni.

Izayii 25:1

Dɛnaa Lawa, n din ni maa Lawa lɛa. Ma nə n guguru koe, máa n tɔ boe. Ń sii dadaran zɛnaa, n nə ǹ mɛnɛn taasɛ haalɛ bibi. N nə́ ǹ zɛnaa ka peperebaa laanka bɔlɔgoondɛnaabaa nɛ.

Izayii 29:22

Bɛ lɛ nɛ, Dɛnaa Lawa mɛn Abrahamu kirisibaa, bɛa boo á ke á diɛ Zakɔba tɔrɔn manɛ: «Kanna, Zakɔba tɔrɔn foo a re ziziɛ̃ doo wa, sìi ba re ǹ kuĩ doo wa.»

Izayii 45:17

Sɛnɛ, Dɛnaa Lawa n Izirayeli a zaman kirisibiɛ. A na a kirisibiɛ yǎa duduu. Sìi á re koe ka lɛ wa sɔ a re n koe ka-a doo wa. Haayii, duduu wa.

Izayii 49:23

Kiin tá re n nɛnyaanan toe. Kii a nɛlɔn tá re màn-bii koe ǹ la. Ǹ tá re n musin koɛ tán-a n yɔrɔ-a, ǹ nyanlɛ n doa-n tán, ǹ nə n guguru kɔ. N tá re doɛ̃ ka bɛ-n kəni, mà ma din nə Dɛnaa Lawa lɛa. Min mɛnɛn dɔn bɛ́ n foo doɛ masɛ ganaa, sìi á re ǹ kuĩ wa.

Izayii 54:4

N nyan nyɛ́ɛ baa wa. Sìi á re n kuĩ doo wa. N yiri nyan nə n lɔlɔkɔn wa. Ǹ ba re sɔ koe n ganaa doo wa. Sìi mɛn goã n ganaa n tenmaa waáraa, n yiri á re boe ka bɛ nɛ. N yiri á re boe ka sɔn kɛn nɛ ǹ nə́ goã kiɛ n la bɛ̀ n bɛ́ giɔɔrɔ lɛa.

Izayii 55:2

Màn mɛn bɛ́ a min toe wa, a n siɛ lɔn ka á wɔrɔ ziziɛ̃ bɛ ganaa? Màn mɛn bɛ́ a min kiɛ̃ wa, a n siɛ lɔn ka á n dinin nɔmɛɛ bɛ taman yii? Ka n too kɔ ma lon taãnɛ. Ka bɛ nɛ, ka á re màn-bii sonbore yii ka bii, ka màn-bii kɔɔ̃n-kɔɔ̃n bii.

Lawa a wúlu-bɔlen 25:19

Kaa tán-kɔsiɛ á die bǐɛ̃ koe, ka màn bii ka kã, ka n giã-n gána lɛ nɛ, ka yiri n bǎã goon ne.

Lawa a wúlu-bɔlen 26:26

Bɛ̀ má ka nu ka màn-bii ni ǹ mɛn waáraa, lɔ fù á re paɛ̃ kùsì goon toto ganaa, ǹ nə ǹ màn-bii zɛnaa la. Lɔn lɛn tá re màn-bii lɛ zoɛ̃, bɛ̀ ǹ tɔn kɔ ka la. Ka á re bɛ lɛ bii, sɛnɛ, ka a re kiɛ̃ wa.

Lawa a wúlu-bɔlen 26:5

Ka bɛ́ re màn mɛn yii, ka á re bɛ duwii, yǎa a woe doe rezɛ̃ ma waáraa ganaa. Ka bɛ́ re rezɛ̃ mɛn dɔ yii, ka á re bɛ niɛ̃, yǎa a woe doe *belee diɛ waáraa ganaa. Ka á re màn bii ka kã. Ka á re boe la ka giã kaa gána lɛ nɛ, ka yiri n bǎã goon ne.

Misee 6:14

Kasɛn kɛn, ka á re màn bii, ka n ka a kiɛ̃ wa. Ka nàn tá re pipi bòo gɔn. Ka bɛ́ re màn mɛn koɛ ka gɔn li, bɛa re goɛ̃ wa. Ka bɛ́ re màn mɛn tamaɛ, ma á re toɛ zia bɛ bii.

Sofonii 3:11

Bɛa pinaa lɛ nɛ, maa zaman sii baraa mɛn tumaa zɛnaa, ǹ sii woo sii zɛnaa masɛ nɛ, bɛa sìi ba re ǹ kuĩ doo wa. Bɛa biikoo li kəni, min mɛn tumaa bɛ́ ka bii ǹ nə́ n dinin gole koe, ma á re bɛn lui ma ǹ bɔ ka bii, nsɛ, maa zaman, n tɔ nə n din gole kɔ kɛ kaa kəni, n bɔ maa kele sonbore kɛ la.

Zakarii 9:15

Dɛnaa Lawa Pàãyiidɛnaa á re a zaman tamɛɛ. Ǹ tá re boe ǹ zɔ́ɔn la, ǹ nə ǹ baragii kɔlɔn yɔyɔrɛ. Ǹ tá re màn mii, ǹ bìn diɛ gole wɔ ka yɔ bɛ min yii ganaa lɔn. Ǹ tá re piɛ̃ ka *wúlu màn mà bɛ́ lɔn paan nɛ, hinlaa ka mà mɛn bɛ́ ǹ kaa *wúlu bɔ ǹ bǎã karan ganaa.

Zakarii 9:17

Ǹ foo á re kɔɔ̃n koe parsiini! Ǹ tá re siĩn koe parsiini! *Belee á re pàã koe nɛ tenən la, duvɛ̃ dii pàã kɔ nɛlɔ tenən la.

Rɔmu minin 10:11

A giala, Lawa a boo n pii: «Min woo min, á n foo doa Lawa ganaa, sìi á re bɛa dɛnaa kuĩ wa.»

Rɔmu minin 5:5

Sàabaa ba bɛ la wa. Lawa ba wɔ daɛ wa. A tá wɔ narɛ. A na á kɔn-narɛɛ gole dɔ da wɔ foo ne, ka Yiri Fu kɛ barka nɛ, a din kɔ wɔ la.

Rɔmu minin 9:33

Ká a bɛ́ á n kiɛ̃ lɔn: «Man kion gòã daa ǹ kɔlɔ koɛ *Siɔn, minin daa ǹ kɔlɔ nɛ, sɛnɛ, min woo min nə́ n foo doa a ganaa, sìi a re bɛa dɛnaa kuĩ wa.»

Timəə dí-pɛn 11:15

Á re toɛ buu pã kaa donən ne, kaa tɔɔn wɔ lɛa. Ka á re màn bii ka kã.

Timəə dí-pɛn 12:12

Ka á re n nyɛnyɛɛ kaa Lawa, Dɛnaa Lawa lɛ yɔrɔ-a walan, ka dinin ni, kaa nɛgiĩn laanka kaa nɛlɔn nɛ, kaa bɛ̀rɛgiĩn laanka kaa bɛ̀rɛlɔn nɛ, ka *Levii tɔrɔn kɛn nɛ, giã nɛ kaa kiwin ni. A giala, ǹ goã ǹ nə́ bǎã kɔ Levii tɔrɔn lɛn la ǹ wɔ lɛa ka bii wa.

Timəə dí-pɛn 12:18

Kaa Lawa, Dɛnaa Lawa din bɛ́ re bǎã mɛn boe, yǎa ka soɛ̃ walan a din yɔrɔ-a: ka dinin ni, kaa nɛgiĩn laanka kaa nɛlɔn nɛ, kaa bɛ̀rɛgiĩn laanka kaa bɛ̀rɛlɔn nɛ, ka Levii tɔrɔn kɛn nɛ, giã nɛ kaa kiwin ni. Ka dí mɛn tumaa nya, ka á re n nyɛnyɛɛ kaa Lawa, Dɛnaa Lawa yɔrɔ-a walan bɛa lɛa.

Timəə dí-pɛn 12:7

Ka á re màn bii kaa Lawa, Dɛnaa Lawa din yɔrɔ-a walan ka n nyɛnyɛɛ, ka dinin laanka kaa kion minin ni. A giala, ka bɛ́ re n gɔn diɛ dí woo dí ganaa, Dɛnaa Lawa á re bɛ bǐɛ̃ koe.

Timəə dí-pɛn 8:10

Ka á re màn bii walan ka kã. Ka goã bɛ̀ ka barka da kaa Lawa, Dɛnaa Lawa lɛ nɛ, gána sonbore kɛa lɛa, á kɔ ka la.

Timote1 6:17

A pɛ n laa kanaa kɛ a pàãman ganaa, mà ǹ baran n dinin gole kɔ wa. A pɛ ǹ nɛ dɔn, mà ǹ baran n foo doa naforo nya wolen kɛn ganaa wa, sɛnɛ, mà ǹ nə n foo doa Lawa ganaa. Asɛ lɛ n bǐɛ̃ màn tumaa koe wɔ la gigiã, màn mɛn bɛ́ toɛ, ǹ là yɛ wɔ ganaa.

Zaã1 2:28

A bɛ́ miɛ̃ kəni, maa nɛnyaanan lɛn, ka toa ka goã kun ka Krita nɛ, ń giɛ, wɔ á goɛ̃ piɛ̃-n ka foo-doa nɛ, a din-nyaa biikoo li, sìi baran wɔ kũ a daa pinaa, wɔ wɔlɔ lui a ganaa wa.