Zowɛli 2:23 - LAWA A BOO SONBORE 2011

²³ Kasɛn, Siɔn minin lɛn, Dɛnaa Lawa taman yii, kaa Lawa lɛ, ka bɛ̀ baa, ka n nyɛnyɛɛ. Á re bǐɛ̃ koe ka-a ka la bibinaa nə taãlen kio. Bɛ̀ la a kaa biikoo dɔ, á re la koe ka la a biikoo li. Ká a bɛ́ ke á goã zɛnɛɛ lɔn lɛlɛ.

LAWA A BOO SONBORE

²³ Kasɛn, Siɔn minin lɛn, Dɛnaa Lawa taman yii, kaa Lawa lɛ, ka bɛ̀ baa, ka n nyɛnyɛɛ. Á re bǐɛ̃ koe ka-a ka la bibinaa nə taãlen kio. Bɛ̀ la a kaa biikoo dɔ, á re la koe ka la a biikoo li. Ká a bɛ́ ke á goã zɛnɛɛ lɔn lɛlɛ.

Zowɛli 2:23 ပူးပေါင်းရင်းမြစ်များ

Kiin1 8:36

n toa lon, n nə ǹ lɛ si, n nə n dí-nyalin laanka n zaman Izirayeli minin sii baraan toa ǹ nɛ. Ǹ doamaa bɛ́ nɛ ǹ kɔ zii sonbore mɛn lɛ, ǹ kaa bɛ la. La kaa gána lɛ nɛ, gána mɛn lɛ bɛ́ ń kɔ n zaman lɛ la kíɛ̃ lɛa.

Zɔbu 33:23

Sɛnɛ, bɛ̀ lon a dia dí-a wole goon yɛ la, zɛlɛ goon toto, lon a dia dí-a wole duu damata bii, á minbuiin nɛ da zii pepere la,

Zɔbu 37:13

Bɛ̀ a tá li a dɔlɔ bɔ kanaa ganaa, hinlaa a bǐɛ̃ zɛnaa nɛ, a n labaran lɛn boe a ǹ dia.

Loen 104:34

Dɛnaa Lawa, maa loe kɛ die a kɔɔ̃n kɔ n ganaa! A giala n din nə ma foo kɔɔ̃n koe.

Loen 147:8

A din nə labaran koe lon lɛ. A din nə la mu zɛnɛɛ tán wɔ lɛa, a din nə buu diɛ bɔ ganaa kelen la.

Loen 149:2

Izirayeli minin, ka n nyɛnyɛɛ, a din na á ka zɛnaa. *Siɔn minin, ka baa zɔ́n lɛa, a din lɛ n kaa kii lɛa.

Loen 28:7

Dɛnaa Lawa n ma pàã lɛa, a din nə ma tamaali lɛa. Má n foo doa a din ganaa, á n dɔ ma lɛ. Ma nə n nyɛnyɛɛ ka ma foo tumaa nɛ. Man die loe loe ma a tɔ bɔ nɛ.

Loen 32:11

Ka toa ka foo kɔɔ̃n kɔ Dɛnaa Lawa a lɛa, min peperen lɛn, ka n nyɛnyɛɛ. Ka min sonboren lɛn tumaa, ka foo kɔɔ̃nbaa ǹ lɛ dɛ!

Loen 84:6

Min mɛnɛn bɛ́ doɛ̃, mà ǹsɛn pàã n ka n din ni, bɛn foo á re kɔɔ̃n koe. Zii saa a wo n li n goɛ̃ bɛn foo ne.

Suusun 16:15

Bɛ̀ kii yaa wɔ, bɛ n yiikoonaabaa lɛa. A bǐɛ̃baa n ka la bibinaa bɛ́ lɔn.

Izayii 30:21

N tá re boon kɛn miɛ n kio: «N bɛ́ n kɔnbɔ n zii mɛn saa, n wo n gusin hinlaa n gɔsɛ, á ke.»

Izayii 30:23

Ka bɛ-n kəni, Dɛnaa Lawa á re la kiɛ màn nàn kɛ la, n da. N bɛ́ re màn-bii mɛn boe tán nɛ, á re goɛ̃ mɔnaa nɛ, a n kɔɔ̃n dɔn. Bɛa pinaa kɛ nɛ, n tɔɔn tá re woe buu soɛ̃ tɔɔn buu sɔ̃ ǹ bǎã gole kɛ nɛ.

Izayii 41:16

N tá re ǹ sui, piɛ̃ nə ǹ goa a wo ǹ ne. Piɛ̃ gole á re ǹ pɛsɛ̃ paǹ tumaa li. Sɛnɛ nsɛ, n tá re n lɛ dii ka foo kɔɔ̃n nɛ, Dɛnaa Lawa taman yii. Izirayeli a Lawa sonbore kɛ á re n foo kɔɔ̃n koe.

Izayii 61:10

Dɛnaa Lawa taman yii, ma foo á kɔɔ̃nɛ á la yii ni. Ma nə n nyɛnyɛɛ maa Lawa a lɛa. Taãn nɛ, a nà a kirisibaa kɛ koe ma lɛ ká mɔnaa bɛ́ lɔn. A peperebaa ke, a n bɛ pɛnɛ ma ganaa ka mɔnaa gole bɛ́ lɔn. Man má kɔnbɔ ka kɔn-wɔle tii ni, á zɔ́n mɔnaa gɔn yii a mìi-a ka Lawa a wúlu-bɔle bɛ́ lɔn, hinlaa, ka lɔ tii bɛ́ lɔn á nyaǹ mànan wɔ.

Zeremii 3:3

Bɛ lɛ nɛ, la kaa wa, la nyɔɔbaa kaa wa. Sɛnɛ n nə n too kaka kɔ, n kɔrɔbaa zɛnaa n woo ne. N nə́ n piã ka n sã nɛ.

Zeremii 5:24

Ka a pii dɔn dinin: «Ka daa wɔ nyɛ́ɛ baa Dɛnaa Lawa, wɔa Lawa yii-n wa, asɛ mɛn bɛ́ la mu koe wɔ la a biikoo li, a bibinaa laanka a nyɔɔbaa. Lɛ̀ woo lɛ̀, a n lɛawaan boe koɛ wɔ nɛ kaa-piɛ wɔ lɛa.»

Busii pɛ 4:2

A n siɛ lɔn, *Siɔn minin kɛn, yii n boe ǹ li ka sana yoreen bɛ́ lɔn, ǹ nə́ ǹ biɛ ka donkolon kooro bɛ́ lɔn fuũn nə́ bɔ.

Ezekieli 34:26

Ma á re barka diɛ gána kɛ ganaa, ka maa kele kɛ lɛkoro lɛ-a bǎãn nɛ. La mu mɛn bɛ́ barka da maa ǹ wɔ lɛa, ma á re toɛ bɛ kaa a biikoo li.

Ozee 6:3

Ka daa wɔ ga Dɛnaa Lawa li, ka n doa wɔ dɔ̃. Dɛnaa Lawa a daa ke a sàabiɛ wa, a n ka lɛ̀ a waa bɛ́ lɔn. A n die die wɔ li ka la á ke kiɛ lɔn, ka la giala nyɔmɔɔ á ke tán basɛ̃ lɔn.

Lawa a wúlu-bɔlen 26:4

Bɛ̀ ka zɛnaa miɛ̃, lan mɛnɛn bɛ́ ka laadoo bǐɛ̃ koe, ma á die toɛ, bɛn nə kaa a biikoo li. Tán-kɔsiɛ á die bǐɛ̃ koe, dan dɔn tá re nɛ koe.

Amɔɔsi 4:7

Ma din nə má goã má ka nu ka la nɛ, bɛ̀ mui sɔɔ n kanaa, kaa-piɛ dɔ. Má la kaa kiwi goon ne, má kiwi goon toa kooro. La na á goã kiɛ wuru goon ne, bɛ̀ lɛ̀ gere n wuru lɛ a kɔsɔ kɛ gialaa.

Zakarii 10:1

Ka la mu nyɔɔbaa nyankɔ Dɛnaa Lawa la, a din nə die ka la nɛ. Á re la gigiã koe ka la, kaa wuru gɔ́ɔ̃gɔ́ɔ̃ ǹ mànan nə siĩn kɔ.

Zakarii 10:7

Efrayimu minin foo n die tã koe, ka zia-baali zanbian bɛ́ lɔn. Ǹ foo n die kɔɔ̃n koe, ka maǹ nə́ duvɛ̃ mi. Ǹ nɛnyaanan tá re bɛ yii, maǹ die goɛ̃ ǹ foo n kɔɔ̃nɛ, ǹ nə n nyɛnyɛɛ Dɛnaa Lawa taman yii.

Zakarii 9:13

Man die Zudaa gána biɛ maa ziabaa ǹ sa lɛa, ma Efrayimu baa a kiɛ lɛa. Siɔn, man die n nɛnyaanan diɛ Grɛki minin gialaa. Maǹ die goɛ̃ ma gɔn ka zia-baali a gɔya sa bɛ́ lɔn.»

Zakarii 9:9

*Siɔn kiwi, bɛ̀ baa ka n we tumaa nɛ! Zeruzalɛmu minin, ka foo kɔɔ̃nbaa ǹ lɛ dɛ! Ga, n kii n die n li. A n pepere, gɔ̀lɔ̀ lɛa, a nə n din boɛɛn koe. A na á dii dundun la, dundun nɛ la, dundun dan a nɛ.

Nya ǹ dín 14:17

Sɛnɛ, á n din nyaa ka a bǐɛ̃ zɛnaan nɛ biikoo tumaa li, a giala á la mu bɔ lon á kɔ ka la, á lɛ̀ sonboren kɔ ka la, á màn-bii gigiã kɔ ka la ka foo kɔɔ̃nbaa nɛ.»

Timəə dí-pɛn 11:14

á re kaa gána lɛ a la kiɛ a biikoo li, a la bibinaan laanka a giala-nyɔmiɛ̃ kɔ ka la. Bɛ á re toɛ kaa tán-kɔsiɛ mànan nə bǐɛ̃ kɔ, ka *belee laanka duvɛ̃ yɛ, ka nyɔɔ nɛ.

Timəə dí-pɛn 28:12

Dɛnaa Lawa á re a lon sonbore kɛ lɛ buĩ ka nɛ, a la mu gisĩ kaa gána lɛ la a kɔnpɛ ka a biikoo ne, a barka da kaa nya ǹ dí tumaa ganaa. Kasɛn man die giɔ̀mɔ diɛ tɔrɔ kɔsɔn ganaa, ka dininmaan ba re giɔ̀mɔ siɛ tɔrɔ kɔsɔn lon wa.

Timəə dí-pɛn 32:2

Maa doree kɛ n kiɛ ka la bɛ́ lɔn, maa boo kɛ n gisĩ ka pele bɛ́ lɔn, ka la gole bɛ́ lɔn kiɛ wuru-n, ka kaasuun bɛ́ lɔn buu ganaa.

Filipi minin 3:1

Kanna kəni, ma dɔɔ̃nɔn lɛn, ka n nyɛnyaa Dɛnaa wɔ gɔ́ɔ̃ nɛ. Bɛ̀ ma boo da ka nɛ, má n wusii timii la, a kaka ma ganaa wa, á soɛ kasɛn dɔn wɔ paǹ li.

Filipi minin 3:3

Bɛ̀ kurii wolebaa a lɛa nɛ, wɔsɛn lɛn man kurii wole taãnan lɛa, ǹsɛn bie wa; a giala wɔsɛn man dí nyɛɛ Lawa nɛ, ka a din Yiri ni, wɔ nə n foo doɛ Yezu *Krita ganaa, wɔ n wɔ ba n foo doɛ minbuiinin kanaa sii-zɛnaan ganaa wa.

Filipi minin 4:4

Ka n nyɛnyaa kaa tá kun ka Dɛnaa-n kɛ gɔ́ɔ̃-n baraabaraa! Man wusii pii, máa ka n nyɛnyaa!