Zowɛli 2:18 - LAWA A BOO SONBORE 2011

¹⁸ Dɛnaa Lawa tá a gána lɛ narɛ á kiɛ̃, a minin lɛn makara kũ.

LAWA A BOO SONBORE

¹⁸ Dɛnaa Lawa tá a gána lɛ narɛ á kiɛ̃, a minin lɛn makara kũ.

Zowɛli 2:18 ပူးပေါင်းရင်းမြစ်များ

Kiin2 19:31

A giala min mɛnɛn bɛ re goɛ̃, ǹ tá re soe Zeruzalɛmu, Yiikoonaan mɛnɛn bɛ re goɛ̃, ǹ tá re gisĩ *Siɔn kele la. Dɛnaa Lawa a kɔn narɛ gole lɛ n die bɛ zɛnɛɛ.

Loen 103:13

Min bɛ́ a nɛnyaanan makara doɛ̃ lɔn, Dɛnaa Lawa dɔ na a nyɛ́ɛbaaman wolen makara doɛ̃ miɛ̃.

Loen 103:17

Min mɛnɛn bɛ́ nyɛ́ɛ biɛ Dɛnaa Lawa nɛ, a kɔn-narɛɛ a nyɛɛ bɛn wɔ paǹ li wa. A n bɛn narɛ miɛ̃ biikoo tumaa li. Min mɛnɛn bɛ́ a lɛ kɔ kɔn la kɛ tamaɛ, ǹ ná a dí-pɛn tamaɛ, á die a bǐɛ̃baa kɛ nyɛɛ bɛn nɛnyaanan nɛnyaanan wɔ paǹ li.

Izayii 37:32

Hiĩ, min mɛnɛn yii goã koo, bɛn tá re soe Zeruzalɛmu. Min mɛnɛn nə n si gɛ̀ la, bɛn tá re golee lon Siɔn kele la. Dɛnaa Lawa Pàãyiidɛnaa a miãgoã-bɔ kɛ bɛ́ re diɛ sii mɛn zɛnaa ganaa, bɛ n ka kɛ nɛ.»

Izayii 42:13

Dɛnaa Lawa nə n zoɛ̃ woe ka sɔraasi foo kaka-a bɛ́ lɔn. Foo tãbaa na a nɛ ka zia-baali zanbia bɛ́ lɔn. A n gɔ̀lɔ̀baa ǹ lɛ-dɛ we, a n ziabaa ǹ lɛ dɛ gole we, a n boe a zɔ́ɔn la.

Izayii 60:10

Tiin man die n kungɔnɔn kɛn doe, ǹ kiin nə dí nya n nɛ. Maa foo yoo gɔ́ɔ̃ nɛ, má dɔlɔ bɔ n ganaa. Sɛnɛ, maa makara-doɛ̃ taman yii, man maa kɔn-narɛɛ nyɛɛ n nɛ.

Izayii 63:15

Dɛnaa Lawa, n toa lon n giã ǹ bǎã sonbore siĩn-siĩn kɛ nɛ, n ga sii kɛ ganaa die wɔ gialaa. N kɔn-narɛɛ gole ke wɔa paǹ li, bɛ á maa kəni? N pàã gole kɛ á maa? Wɔ yii ba n makara doɛ̃ laanka n bǐɛ̃baa kɛ ganaa wɔa paǹ li doo wa.

Izayii 63:9

Ǹ nɔmaan kɛn tumaa gɔ́ɔ̃ nɛ, a dɔ nɔmaa. Lawa a dia dí-a wole mɛn bɛ́ golee ne a yɔrɔ-a, bɛ lɛ dinmaa na á ǹ kirisibaa. A kɔn-narɛɛ laanka a makara-doɛ̃ kɛ taman yii, á ǹ si á ǹ kaa. Ǹ sii tumaa gɔ́ɔ̃ nɛ, á n dɔ ǹ lɛ, á goã kunun ǹ ni lɛawaan kɛn tumaa gɔ́ɔ̃ nɛ ǹ nə́ kiɛ̃.

Zeremii 31:20

Efrayimu n maa nɛgiĩ lɛa, ma n narɛ taãn-taãnɛ. Ma á narɛ á la yii ni. Bɛ lɛ nɛ, biikoo tumaa li, bɛ̀ máa boo diɛ a ganaa, maa taasiɛ n doa nɛ a ganaa. A sii n ma foo-n parsiini. Sonbore a makara n ma ganaa taãn-taãnɛ. Dɛnaa Lawa a da ǹ boo ne.

Busii pɛ 3:22

Dɛnaa Lawa a bǐɛ̃ a nyɛɛ wa. A minin narɛɛ dɔ ba n lɛ doɛ wa.

Zakarii 1:14

Lona dia dí-a wole mɛn bɛ́ boo diɛ ka ma nɛ, á n toa ma ganaa mà ma boo kɛ pɛ: Dɛnaa Lawa Pàãyiidɛnaa n kɛ pii: «Maa Zeruzalɛmu narɛ ǹ gɔn tá baraa, ka *Siɔn kele sonbore kɛ nɛ.

Zakarii 8:2

«Dɛnaa Lawa bɛ́ boo mɛn pii á ke: Maa *Siɔn narɛ ǹ gɔn tá baraa taãn-taãnɛ. Bɛa kɔn-narɛɛ kɛ lɛ n kuĩ ma gɔ́ɔ̃ nɛ, ka tɛ bɛ́ lɔn.»

Luku 15:20

Bɛ kio, á yoo á wusoo á woo ǹ di a piɛ. A bɛ́ tiãlɛa, ǹ di yɛ, a makara kũ. Á baa si á woo nɛ lɛ kũ, á n sɔɔ a nɛ.

Timəə dí-pɛn 32:16

Izirayeli minin lɛn man nə́ kɔ lawa kɔsɔn lɛ, ǹ nə́ Lawa da miãgoã bɔ ganaa, ǹ dinin man nə́ sii bɔbɔnɛɛ zɛnaa, ǹ ná a foo da yoo ganaa.

Timəə dí-pɛn 32:36

Dɛnaa Lawa din nə die a minin lɛn sii yɔrɔ boe. Bɛ̀ á yɛ mà ǹ pàã nya ǹ mɛn waáraa, dɔmalɛ wole ná a ba ǹ lon wa, foo doa ǹ bǎã ná a ba ǹ lon wa, á re wusii a makara bɔ a dí-nyalin lɛn ganaa.

Timəə dí-pɛn 32:43

Tɔrɔn lɛn, ka n nyɛnyɛɛ kun ka Dɛnaa a zaman nɛ. A giala, a n die a dí-nyalin lɛn gɛ̀ dòo boe, a n die dɔlɔ diɛ a zɔ́ɔn lɛn mìi ni. Sɛnɛ, á re a gána lɛ laanka a minin lɛn sii baraan sawɛɛ.

Zaaki 5:11

Wɔ nə ǹ laakalɛɛ, a giala, ǹ nə́ sii si ǹ ganaa. Táa ka Zɔbu a sii simaa boo ma. Dɛnaa màn mɛn kɔ la bɛ kio, táa ka á bɛ dɔ doɛ̃. A giala, Dɛnaa a bǐɛ̃baa laanka a makara-doɛ̃ á gole.

Sii yɔrɔ-bɔlen 10:16

Tɔrɔ kɔsɔn lawan kɛn, ǹ nə́ bɛn goa ǹ nə́ ǹ bɔ ǹ dinin li, ǹ nə́ dí nya Dɛnaa Lawa nɛ. Izirayeli minin nə goã nɔmaa mɛn we, Dɛnaa Lawa boo la á bɛ si a ganaa doo á belebɔ-n wa.