Zowɛli 2:16 - LAWA A BOO SONBORE 2011

¹⁶ Ka zaman lɛ sɔkɔn, ka kɔn-yɛ gole zɛnaa. Ka min tumaa bíi: min golen ne, nɛ tenən ne, ka nɛnyaanan mɛnɛn dɔn dinin bɛ́ tɔn nyɔ mii. Lɔ tii ǹ zuũ soo a n bɔ kion. Lɔ tii dɔ soo a n bɔ kion.

LAWA A BOO SONBORE

¹⁶ Ka zaman lɛ sɔkɔn, ka kɔn-yɛ gole zɛnaa. Ka min tumaa bíi: min golen ne, nɛ tenən ne, ka nɛnyaanan mɛnɛn dɔn dinin bɛ́ tɔn nyɔ mii. Lɔ tii ǹ zuũ soo a n bɔ kion. Lɔ tii dɔ soo a n bɔ kion.

Zowɛli 2:16 ပူးပေါင်းရင်းမြစ်များ

KZS2 20:13

Zudaa zaman tumaa ka ǹ kion minin ni, ǹ lɔn nɛ, ka ǹ nɛnyaanan nɛ, ǹ nə́ golee lon Dɛnaa Lawa yɔrɔ-a.

KZS2 29:5

á pɛ ǹ nɛ: «Giĩn kɛn Levii tɔrɔn lɛa, ka n too kɔ ma lon! Ka n dinin *yoreen kɔ kanna, ka Dɛnaa Lawa, ka digolon Lawa a kion kɛ yoreen kɔ. Màn gɔgɔrɛn mɛnɛn bɛ́ bǎã sonbore kɛ nɛ, ka ǹ yii goa.

KZS2 30:17

Zaman lɛ bii, min gigiã nə n din yoreen kɔ wa. Bɛ lɛ nɛ, min mɛnɛn bɛ́ ǹ nə n dinin yoreen kɔ wa, Levii tɔrɔn nə́ bɛn bǎã saa, ǹ nə́ sère tenən bɔlɔ kuru màn mɛn bɛ́ toɛ ǹ *gɔ̀ bɔ ǹ ganaa Dɛnaa Lawa wɔ lɛa.

KZS2 30:19

min mɛn tumaa bɛ́ giɛ n li ka ǹ foo tumaa nɛ, ǹ sii baraa toa ǹ nɛ, nsɛ Dɛnaa Lawa wɔ digolon Lawa, haalɛ ta ǹ ba yoreen wa ka ǹ doamaa bɛ nɛ ǹ goã yoreen lɔn màn sonboren kɛn lɛa.»

KZS2 35:6

Ka *wúlu màn dɛ kiɛ̃mala ǹ zɔ́n wɔ lɛa. Ka n dinin *yoreen kɔ, ka ka dɔɔ̃n Izirayeli minin wúlu màn yɔrɔ bɔ, ka kɔ Dɛnaa Lawa a landan kɛn lɛ, Muizu nə́ ǹ kɔ ka la lɛlɛ.»

Zɔbu 1:5

Bɛ̀ zɔ́n lɛ kiɛ̃, Zɔbu na a nɛnyaanan lɛn bíi, bɛ̀ a *gɔ̀ bɔ ǹ ganaa. A n yui baayɛlɛ yiisoone, bɛ̀ a tɔɔ dɛ a tã lenlen, a didie a wúlu bɔ nɛ. Zɔbu na á goã zɛnɛɛ miɛ̃ biikoo tumaa li. A giala a na á goã taasɛ, mà kɔntan asɛ a nɛnyaanan lɛn nə́ sii baraa zɛnaa, hinlaa ǹ nə́ wɔ Lawa gasɛ nɛ ka ǹ taasiɛ nɛ.

Loen 19:5

Sɛnɛ, ǹ bɛ́ sii mɛn nyɛɛ, bɛ nə n pɛsɛ̃ tán tumaa la, ǹ da ǹ boo n woe yǎa kanaa paǹ tumaa ganaa. Lawa kion doa lon á kɔ wasa la.

Bɔ bɛ̀rɛbaa nɛ 19:10

Dɛnaa pɛ-n doo: «Wo zaman lɛ li, n na a *yoreen kɔ pelo laanka biɛ̃ nɛ. A pɛ ǹ nɛ, mà ǹ nə ǹ mɔnaan pii,

Bɔ bɛ̀rɛbaa nɛ 19:15

Á pɛ zaman lɛ nɛ: «Ka n yɔrɔ bɔ lɛawaa sɔɔ gɔ́ɔ̃ nɛ. Ka baran n mɔrɔ kaa lɔn ganaa wa.»

Bɔ bɛ̀rɛbaa nɛ 19:22

A laanɛ wúlu-bɔlen mɛnɛn dɔn dinin bɛ́ boe la, ǹ tá n mɔrɛ ma ganaa, ǹ dɔ́n nə *gɔ̀ bɔ ǹ dinin ganaa, màn mɛn bɛ́ toɛ, ma baran yoo ǹ gialaa wa.»

Zowɛli 1:14

Ka lɛawaa bɔ, ka n lɛ sɔɔ bɛ li. Ka zaman bii a tɔ-a, ka min golen lɛ sɔkɔn, ka gána lɛ a minin tumaa nɛ, Dɛnaa, kaa Lawa a kion kɛ nɛ, ka goã-kũ da Dɛnaa Lawa ganaa.

Matiə 21:16

Ǹ nə́ tɔ́n pɛ nɛ: «Ǹ bɛ́ boo mɛn diɛ, táa n tá miɛ.» Yezu tɔ́n pɛ ǹ nɛ: – Ma á miɛ̃. Sɛnɛ, ka tɔn kɛ pɛ Lawa a boo sɛ́wɔ-n duduu wa? «A ná a din tɔ bɔ ǹ boo wɔ nɛnyaan bɔnboɛɛnɛn laanka nɛnyaan tiɛɛ̃nɛn lɛ-n.»

Matiə 9:15

Yezu tɔ́n boo giməə da ǹ nɛ a din wɔ gɔn la á pɛ: «Lɔ tii ǹ zuũ a giaáran tá boe la ǹ nə n yɔrɔ kɔsɛ n lɔ tii ǹ zuũ din toa kunun ǹ ni ya? Haayii. Sɛnɛ, lɛawaa tá re die, ǹ tá re lɔ tii ǹ zuũ boe ǹ bii, ǹ tá re n lɛ soɛ bɛa biikoo li.»

Korɛnti1 7:5

Ka nyan nə n piã ka kɔn nɛ wa, yǎa bɛ̀ ká pɛ kɔn nɛ, ka ń zoɛ̃ mà ka Lawa nyankɔ biikoo tɛn li. Sɛnɛ bɛ kio, ka ǹ wusii ka kaa kun a giala yii li. Bɛ̀ bɛ bie wa, boo ma din la baã tɔn kiɛ̃ a ka kũ, *Sɛtaan boo la a ka bebere.

Zozoe 7:13

Yoo n *gɔ̀ bɔ zaman lɛ ganaa. N die n pɛ ǹ nɛ mà ǹ gɔ̀ bɔ ǹ dinin ganaa biɛ̃ ǹ taman yii. A giala, masɛ Dɛnaa Lawa lɛ, Izirayeli minin Lawa lɛa, ma din ni má pɛ máa ma ǹ kurəə mànan mɛnɛn goa ganaa, máa bɛ kɔn tá ǹ dinin Izirayeli minin kɛn lɛn bii. Ǹ ba boe la ǹ nə n yɔrɔ da ǹ zɔ́ɔn lɛn la doɛ̃ wa, yǎa ǹ bɛa màn kɛ lɛ boe ǹ boe ǹ bii.

Zozoe 8:35

Muizu boon mɛnɛn tumaa pɛ Zozoe ne, bɛa boo lɛ a goon goã, mà Zozoe na á pɛ Izirayeli zaman lɛ yii-n wa. Ǹ lɔn nɛ, ǹ nɛnyaanan nɛ, tɔrɔ kɔsɔn mɛnɛn dɔn dinin bɛ́ ǹ bii, á pɛ ǹ tumaa yii ni.

Samayeli1 16:5

Man die wúlu màn koe Dɛnaa Lawa la, bɛ lɛ nɛ ma daa. Ka *gɔ̀ bɔ ka dinin ganaa, ka kiɛ̃ ka wo wúlu bɔ kun ka masɛ nɛ. Samayeli gɔ̀ bɔ Zesee laanka a nɛnyaanan ganaa, á ǹ bíi wúlu bɔ lɛ ganaa.