Zowɛli 2:14 - LAWA A BOO SONBORE 2011

¹⁴ Die n doɛ̃, kɔntan á boe la a wusoo a n gɔ́ɔ̃ bɔyaa, a bǐɛ̃ gigiã zɛnaa ka nɛ. Bɛ á re toɛ ka da ka *belee laanka duvɛ̃ nɛ, Dɛnaa Lawa gɔ ǹ wɔ lɛa, kaa Lawa lɛ.

LAWA A BOO SONBORE

¹⁴ Die n doɛ̃, kɔntan á boe la a wusoo a n gɔ́ɔ̃ bɔyaa, a bǐɛ̃ gigiã zɛnaa ka nɛ. Bɛ á re toɛ ka da ka *belee laanka duvɛ̃ nɛ, Dɛnaa Lawa gɔ ǹ wɔ lɛa, kaa Lawa lɛ.

Zowɛli 2:14 ပူးပေါင်းရင်းမြစ်များ

Samayeli2 12:22

Davida tɔ́n pɛ: «Taãn nɛ. Nɛ lɛ yii bɛ́ tɔn koo, má goã n lɛ soɛ, má goã wuu pii. A giala, man má goã pii ma din gɔ́ɔ̃ nɛ máa min ba doɛ̃ wa, máa kɔntan Dɛnaa Lawa á re makara boe ma ganaa, a nɛ lɛ yii toa koo.

Samayeli2 16:12

Kɔntan, Dɛnaa Lawa á re giɛ maa nɔmaa kɛ ganaa, a wusoo a yii-nyɛɛ kɔ ma la, Simeyii a lɛn babaraa bíi kɛ lɛ bǎã nɛ.»

Kiin2 19:4

Asiirii gána a kii sɔraasin goledɛnaa mɛn dia, mà a da sɔ kɔ Lawa yiikoonaa lɛ ganaa, kɔntan, Izayii a Lawa, Dɛnaa Lawa lɛ a die bɛa boon kɛn lɛn tumaa miɛ wa? Kɔntan n Lawa, Dɛnaa Lawa lɛ boon mɛnɛn lɛn ma, a die bɛn dɔlɔ boe wa? Bɛ lɛ nɛ, zaman lɛ a gialakun mɛn bɛ́ tɔn na a tan, Lawa nyankɔ bɛn lɛn lɛa.»

Bɔ bɛ̀rɛbaa nɛ 32:30

A lɛawaa, Muizu pɛ zaman lɛ nɛ: «Ka n ka sii baraa gole taãn-taãn zɛnaa. Sɛnɛ, man die dii kele lɛ la, ma wo Dɛnaa li kanna, kɔntan á re masɛ a nyankɔ sii, a kaa sã toa ka nɛ.»

Izayii 65:8

Dɛnaa Lawa n kɛ pii: Bɛ̀ minin nə́ rezɛ̃ nɛ mərə sonbore yɛ, maǹ pii: «Ka nyan ziziɛ̃ wa» a giala, sàabaa ba la wa, a n die duvɛ̃ kɔɔ̃n biɛ. A din goon ne. Ma dɔ n die zɛnɛɛ miɛ̃, maa dí-nyalin kɛn lɛa. Ma a re ǹ yii tumaa ziziɛ̃ wa.

Zeremii 18:8

Sɛnɛ, ma boo da sii baraan mɛnɛn paǹ li, bɛ̀ zaman lɛ bɛn kaa, ma goã má dɔlɔ mɛn boo da, ma dɔ á re bɛ toɛ walan.

Zeremii 26:13

Kanna kəni, ka kaa giã ǹ gɔn laanka kaa zɛnaa ǹ sii bɔyaa, ka n too kɔ Dɛnaa Lawa, kaa Lawa a bíi wɔ li. Ka bɛ-n kəni, á re a taasiɛn bɔyɛɛ, a koe mɛn boo da, á re bɛ lɛ goɛ a bɔ ka la.

Zeremii 26:3

Kɔntan, ǹ tá re n too koe n lon, ǹ nə n gɔn bɔ ǹ giã ǹ gɔn baraa kɛ nɛ, ka bɛ-n kəni, ma goã máa ma á re dɔlɔ mɛn boe ǹ ganaa, ma á re wusii bɛ kio.

Zowɛli 1:13

Lawa a wúlu-bɔlen lɛn, ka gɛ̀ koa ǹ mɔnaan wɔ, ka wuu pɛ. Kasɛn mɛnɛn bɛ́ *wúlu bɔ ǹ bǎã kɛa dí nyɛɛ, ka n lɛ dɛ. Kasɛn mɛnɛn bɛ́ dí nyɛɛ maa Lawa nɛ, ka n yɔrɔ kɔsɛ, ka lɛ̀ waa nɛ. A giala, minin ba die ka belee laanka duvɛ̃ nɛ Lawa gɔ ǹ wɔ lɛa, Lawa a kion doo wa.

Zowɛli 1:16

Màn-bii lɛ bie á nya wɔ dinin yii-n wa ya? Foo kɔɔ̃nbaa laanka nyɛnyɛɛ lɛ bie á nya Lawa a kion wɔ dinin yii-n wa ya?

Zowɛli 1:9

*Belee laanka duvɛ̃ nɛ, bɛ kɔn ba yii á die Lawa a kion doo Dɛnaa Lawa gɔ ǹ màn lɛa wa. Wúlu-bɔlen mɛnɛn bɛ́ Dɛnaa Lawa a dí nyɛɛ, bɛn foo ziziɛ̃ ka gɛ̀ na á gã ǹ la.

Amɔɔsi 5:15

Ka n piã ka sii baraa nɛ, ka lɛ kɔ sii bǐɛ̃ ganaa. Ka toa sonbore yɛ kiri wɔ ǹ bǎã nɛ. Bɛ̀ ká zɛnaa miɛ̃, kɔntan pàã tumaa a Dɛnaa Lawa á re makara boe Zozɛfu tɔrɔ gialakunun kɛn ganaa.

Zonaasi 1:6

Goo-dabaali lɛ nə n zɔ̃ á daa a li á pɛ nɛ: «Wàa na á baa n tá nyuù we?» Yoo n nə n lɛ dɛ n dì ganaa, kɔntan bɛa lawa kɛ lɛ tá re n yiri koɛ wɔ li, a re toɛ wɔ bɔ̀n baa wa.

Zonaasi 3:9

Min ba boe sii la wa, kɔntan, Lawa bɛ́ mà a n die dɔlɔ mɛn boe, á re wusii ka a kio ne, a ba wɔ dii wa. Bɛ̀ á n baa miɛ̃, wɔ a re bɔ̀n biɛ wa.

Sofonii 2:3

Kasɛn mɛnɛn bɛ́ din gisĩ wolen lɛa tán la, ka n pepere, ka ga Dɛnaa Lawa li. A din nə peperebaa mɛn koa, ka n yiri kɔ bɛ li. Ka ga din gisĩ li. Kɔntan, Dɛnaa Lawa a foo-yoo baraa lɛawaa lɛa pinaa ka á re kanbiɛ.

Azee 2:19

Ta màn tɔrɔ a yii dɔǹ nɛ doo wa, duvɛ̃ da nɛ, gɔ́rɔ da nɛ, grenadie da nɛ, *olivie da nɛ, ta bɛn dɔn dinin nə nɛ kɔ duduu wa, a kũ pelo ganaa, man die maa barka gisĩ ka la.»

Timote2 2:25

Min mɛnɛn bɛ́ a boo liere koe, a doamaa nɛ, a bɛn doroo ka sabarabaa nɛ. Kɔntan, Lawa á die n doe ǹ lɛ, ǹ wusoo ǹ zɛnaa ǹ siin kio, ǹ sonbore dɔ̃.

Zozoe 14:12

Dɛnaa Lawa kele yii mɛn boo da bɛa pinaa kɛ lɛ nɛ, bɛ lɛ kɔ masɛ la kanna kəni. A giala, ń ma a din pinaa kɛ lɛ dɔ nɛ, mà Anaaki tɔrɔn tá walan, mà kiwin dadaran dɔn tá a nɛ, ǹ nə́ kungɔn dɔ, ǹ nə́ ǹ lɛnpɛnɛ nɛ. Kɔntan Dɛnaa Lawa á re n doe masɛ lɛ, ma á re ǹ lui ma ǹ bɔ gána lɛ nɛ, ka Dɛnaa Lawa din bɛ́ á pɛ lɔn.

Samayeli1 6:5

Ka nyínin zɛnaa kaa gɔ̀nɔn kokoree busu lɛ a kɔnboe lɛa. Kɛ́nɛn mɛnɛn dɔn nə́ goã bɔ̀n diɛ kaa gána lɛ-a, ka bɛn dɔn nyín zɛnaa ka gugurubaa kɔ Izirayeli a Lawa la: Kɔntan, á die kaa dɔlɔ bɔma-a lɛ diɛ, ka dinin ni, kaa dìn ni ka kaa gána nɛ.