Zowɛli 2:11 - LAWA A BOO SONBORE 2011

¹¹ Dɛnaa Lawa na a zia-baalin lɛn nyɛɛnɛ, a n paraa we. A sɔraasin lɛn man gigiã, ǹ ná a bɔlɔ sii. Dɛnaa Lawa a lɛawaa lɛ, lɛawaa gole ne á nyɛ́ɛ dɔ din diɛ. Die n die n boe a nɛ?

LAWA A BOO SONBORE

¹¹ Dɛnaa Lawa na a zia-baalin lɛn nyɛɛnɛ, a n paraa we. A sɔraasin lɛn man gigiã, ǹ ná a bɔlɔ sii. Dɛnaa Lawa a lɛawaa lɛ, lɛawaa gole ne á nyɛ́ɛ dɔ din diɛ. Die n die n boe a nɛ?

Zowɛli 2:11 ပူးပေါင်းရင်းမြစ်များ

Loen 18:14

Dɛnaa Lawa paraa lon papapã, lon a Lawa gole boo da. La gii kɛ n boe lon kiɛ, a n tɛ pii yɛlɛlɛ yɛlɛlɛ.

Loen 46:6

Lawa n bɛa kiwi lɛ bii, màn kɔn ba bìn diɛ a ganaa wa. Lawa nə n doe lɛ lɛlɛbaanɛ.

Loen 68:18

Lawa a ziabaa ǹ wotoron lɛn man duu gigiã. Dɛnaa Lawa na á yoo Sinayii kele la ka bɛn lɛn nɛ, á daa bǎã sonbore lɛ nɛ.

Izayii 13:4

Ka n too kɔ màn wuu kɛ li boe kelen la: A n ka zaman gole gòã wuu ni. Ka n too kɔ tɔrɔn kɛn lɛ dɛ li, tɔrɔn sɔkɔn ke. Sɔraasin mɛnɛn bɛ́ re woe zia biɛ, Dɛnaa Lawa Pàãyiidɛnaa n giɛ bɛn ganaa.

Izayii 42:13

Dɛnaa Lawa nə n zoɛ̃ woe ka sɔraasi foo kaka-a bɛ́ lɔn. Foo tãbaa na a nɛ ka zia-baali zanbia bɛ́ lɔn. A n gɔ̀lɔ̀baa ǹ lɛ-dɛ we, a n ziabaa ǹ lɛ dɛ gole we, a n boe a zɔ́ɔn la.

Izayii 7:18

Bɛa pinaa kɛ nɛ, Dɛnaa Lawa n die pìi pii, a nyuunun bíi Niili laanka tà a tɔ kɔnlɛ ǹ bǎã kɛ nɛ, ka zoon ne boe Asiirii gána nɛ.

Zeremii 25:30

Dɛnaa Lawa pɛ ma-n doo: Maa boo kɛ da ǹ nɛ, n pɛ kɛnɛn: Dɛnaa Lawa nə n toɛ lon wɔɔsaa we. A kion mɛn bɔ á koa a wɔ lɛa, a nə n toɛ walan n lɛn siɛ lon. A din a bǎã ke, a n paraa we bɛ li. A n paraa we gána lɛ a min tumaa li, ka rezɛ̃ tɔrɛɛ wolen bɛ́ n lɛ dii lɔn.

Zeremii 30:7

Koe n ka kɛ nɛ! Lɛawaa baraa nɛ! A kɔnbɔ ka lɛawaa kɔn nɛ wa! Zakɔba tɔrɔn foo ziziɛ̃ lɛawaa nɛ, sɛnɛ, ǹ tá re kanbiɛ.»

Zeremii 50:34

Sɛnɛ pàã tá ǹ si sii la wole lon. A tɔ n "Dɛnaa Lawa Pàãyiidɛnaa". A n die ǹ zia gii diɛ ka pàã nɛ. Màn mɛn bɛ́ toɛ, a nyɛ́ɛ da Baabilonii ganaa, a yii-nyɛɛ kɔ tán tumaa la.

Ezekieli 22:14

Bɛ̀ ma yoo ka gialaa ǹ mɛn pinaa, táa foo tãbaa laanka pàã á re yii ka lon, ka boo la ka golee? Bɛ̀ masɛ Dɛnaa Lawa boo mɛn da, man bɛ lɛ zɛnɛɛ.

Zowɛli 1:15

Haya! Lɛawaa lɛ a mɛn tɔrɔ-n ke! Dɛnaa Lawa a lɛawaa lɛ diri. A n die n biɛ ka basaã-kɔle a basaã bɛ́ lɔn, boe Pàãyiidɛnaa Lawa li.

Zowɛli 1:6

Tɔrɔ kɔsɔn nə́ daa kɔ maa gána lɛ. Maǹ kakaarɛ, min ba ǹ lɛ doɛ̃ wa, mɔnaa nɛ ka bisin bɛ́ lɔn. Ǹ sɔn kɛn man ka yàra sɔn bɛ́ lɔn, ǹ pàã gɔnɔn kɛn man ka yàra wɔn bɛ́ lɔn.

Zowɛli 2:1

Ka bɛn pɛ *Siɔn nɛ, ka pɛ gole, maa kele sonbore kɛ la. Gána lɛ a minin tumaa gɔ̀nɔn nə bìn diɛ. A giala Dɛnaa Lawa a lɛawaa lɛ n die. A lɛawaa lɛ diri.

Zowɛli 2:2

A pinaa n die wɔlɔ tì biribiri biɛ, min yii a die wɔlɔ yii wa. A n die goɛ̃ wɔlɔ tì lɛa. Á ke tɔrɔ kɔsɔn nə́ kɔn paã ǹ nə́ die. Ka tèlò bɛ́ lɔn, maǹ gigiã, kakaarɛ, ka bisin bɛ́ lɔn. Kɛ miã bin tɔn nə n zɛnaa wa, ǹ miã dɔ din ba re n zɛnɛɛ doo wa.

Zowɛli 2:25

Bisin nɛ muən ne, bisin tenən ne, bisin dadaran laanka tangiəə̃nən ne, kɛn lɛn má ǹ dia die ka gialaa, gigiã ka sɔraasin bɛ́ lɔn, bɛn nə basaã mɛn kɔ ka nɛ, lɛ̀ damata gɔ́ɔ̃ nɛ ma á re bɛ dòo sarɛɛ.

Amɔɔsi 1:2

Amɔɔsi na á goã kɛ pii: Dɛnaa Lawa nə n toɛ *Siɔn kele la á n wɔɔsaa we, a nə n toɛ Zeruzalɛmu kiwi á n paraa we. Tɔɔn-lɛduə̃lin tɔɔn lɛduə̃ ǹ bǎãn kɛn nə́ ziziɛ̃, Karmɛli kele mìi kɛ bǎã gere baa.

Amɔɔsi 5:18

Kasɛn mɛnɛn la bɛ́ kakaɛ̃ Dɛnaa Lawa a lɛawaa kɛa dɔ pinaa li, kaa wɔ n ka bɔ̀n nɛ! Dɛnaa Lawa a lɛawaa lɛ n die wàa koe ka la? Wɔlɔ tì biribiri ni, wɔlɔ fúlu boo bie wa.

Amɔɔsi 5:20

Dɛnaa Lawa a lɛawaa kɛ lɛ, ka á re n boe a nɛ? A n die tèlò biɛ tì biribiri, wɔlɔ fúlu boo bie wa.

Abdiasi 1:15

Á re bǐɛ̃ koe! Dɛnaa Lawa a dɔlɔ bɔ ǹ lɛawaa diri. Tɔrɔn tumaa sii tá a nɛ. Ka dɔn nə zɛnaa lɔn, a n die n zɛnɛɛ ka dɔn man miɛ̃. Ka baraa mɛn zɛnaa, a sii n die kuĩ ka dinin mìi ni.

Nahumu 1:6

A foo-yoo gɔ́ɔ̃ nɛ, die n boe la a gole a yɔrɔ-a? Die yii n boe la a goã koo a foo-yoo baraa kɛ gɔ́ɔ̃ nɛ? A foo-yoo n ka tɛ bɛ́ lɔn, wɔlɔ tumaa kuĩ, haalɛ gɛ̀fu din nə yɔyɔrɛ a nyɛɛnɛ.

Malakii 3:2

A daa ǹ lɛawaa kɛn die kuu biɛ die ne. Bɛ̀ á soo ka yɔrɔ-a, min tá re boe la a golee lon a gòãn la? A n ká fɔlɔ yole a tɛ bɛ́ lɔn ka sɔmaa damɛɛ á ke lɔn.

Minin nimi 24:23

Balaamu wusoo doo á bɔ boon kɛn nɛ kɛnɛn á ǹ pɛ: Bɛ̀ Lawa bɛa siin kɛn lɛn zɛnaa, Bɔ̀n nɛ! Die yii n boe la a goã koo?

Tesaloniki1 4:16

Bɛ̀ Lawa din zii kɔ ǹ mɛn pinaa, lon a dia dí-a wolen goledɛnaa lɛn tá re boe, Lawa a bɛn wuu á re boe, Dɛnaa dinmaa á re boe lon a daa. Min mɛnɛn nə gã bɛ̀ ǹ nə́ golee-n *Krita li, bɛn yii á re kiɛ bibinaanɛ.

Sii-nyaan 18:8

Bɛ lɛ a lɛa nɛ, koen mɛnɛn tumaa bɛ́ a wɔ lɛa, ǹ tá re die kiɛ la pinin goon toto: busu ni, gɛ̀-koa nɛ, bòo ne, ka tɛ mɛn bɛ́ re kuĩ. A giala Dɛnaa Lawa mɛn bɛ́ á kiri wɔ a ganaa, Pàãyiidɛnaa nɛ.

Sii-nyaan 6:17

A giala, ǹ minbuiinin zɛnaa ǹ sii yɔrɔ bɔ ǹ lɛawaa gole kɛ na á dɔ. Die n boe la a golee ǹ nyɛɛnɛ?»