Zowɛli 1:19 - LAWA A BOO SONBORE 2011

¹⁹ Dɛnaa Lawa, ma nə n lɛ dii n din li. Tɛ á ke á tɔɔn buu sɔ̃ ǹ bǎã lɛ kũ don, tɛ lɛ da tumaa kũ don.

LAWA A BOO SONBORE

¹⁹ Dɛnaa Lawa, ma nə n lɛ dii n din li. Tɛ á ke á tɔɔn buu sɔ̃ ǹ bǎã lɛ kũ don, tɛ lɛ da tumaa kũ don.

Zowɛli 1:19 ပူးပေါင်းရင်းမြစ်များ

Loen 50:15

Bɛ̀ fuu dɔ n ganaa ǹ mɛn pinaa, ma bíi wɔ, ma á re n kirisibiɛ, n tá re ma guguru koe.

Loen 91:15

Bɛ̀ á lɛ dia ma la, ma á re n nyii la. Bɛ̀ fuu yɛ, ma á re goɛ̃ kun ni. Ma á re boe ma da, ma gugurubaa kɔ la.

Zeremii 14:4

Bǎã tumaa nɛ, tán nə́ n dɛ, a giala, la kaa wa. Bɛ lɛ nɛ, buu-kɔsɔlin foo ziziɛ̃, ǹ nə́ n mìi kuməə.

Zeremii 3:9

A na á naarɛbaa lɛ zɛnaa kun ka dìn mɛnɛn bɛ́ kɔlɔ hinlaa gɔn lɛa. A naarɛbaa baraa lɛ taman yii, á gána lɛ gɔgɔrɛ kɔ.

Zeremii 9:10

Man die Zeruzalɛmu biɛ kɛbɔlɔ gole lɛa, tolokan susu ǹ bǎã lɛa. Man die Zudaa kiwin bɔyɛɛ, ma ǹ baa kɛbɔlɔ lɛa, min ná a giã a-n doɛ̃ wa.

Zeremii 9:9

Kelen mìi ni, man wuu pii, má n gini. Man gɛ̀ loe loe gána lɛ a tɔɔn lɛduə̃ ǹ bǎã nɛ. A giala, tɛ ná a tumaa kũ. Min kɔn ba boe walan wa. Tɔɔn bìn diɛ á boe walan doo wa. Ǹ tumaa sasawaa, bàanan nɛ ka tɔɔ gialakunun tumaa nɛ, ǹ goon din banban.

Zowɛli 2:3

Bɛ̀ ǹ nə́ n yɔrɔ dia bǎã mɛn nɛ, ka tɛ n kuĩ die. Bɛ̀ ǹ nə́ bɔ bǎã mɛn nɛ, ka tɛ na á bɔ walan. Ǹ bɛ́ ǹ tɔn daa wa, gána lɛ na á goã ka Edɛn dù gɔrɔ kɛ bɛ́ lɔn. Sɛnɛ ǹ kiɛ̃ kio, á n baa ka maǹ nə́ don dɛ. Màn kɔn ba liɛ ǹ la wa.

Amɔɔsi 1:2

Amɔɔsi na á goã kɛ pii: Dɛnaa Lawa nə n toɛ *Siɔn kele la á n wɔɔsaa we, a nə n toɛ Zeruzalɛmu kiwi á n paraa we. Tɔɔn-lɛduə̃lin tɔɔn lɛduə̃ ǹ bǎãn kɛn nə́ ziziɛ̃, Karmɛli kele mìi kɛ bǎã gere baa.

Amɔɔsi 7:4

Dɛnaa Lawa lɛ màn mɛn nyaa ma-n doo, bɛ á ke: Dɛnaa Lawa lɛ na á lɛ dia tɛ la, á n dɔlɔ boe ne. Tɛ lɛ a gusuũ tán mu gole kɛ piɛ̃, a n gána gialaa kuĩ.

Misee 7:7

Sɛnɛ, masɛ, ma nə n yii diɛ Dɛnaa Lawa la. Man Lawa din duĩ, maa kirisibaali, maa Lawa á die maa lɛ-dia miɛ.

Luku 18:1

Yezu boo giməə kɔ́n da a kialandɛnan manɛ, á nyaa ǹ nɛ mà min doamaa nɛ, a Lawa nyankɔ biikoo tumaa waáraa, a gù ná a giɛ̃ wa.

Luku 18:7

Sanparɛ ka Lawa nɛ, min mɛnɛn bɛ́ Lawa wɔn lɛa, ǹ ná a nyankoe tèlò-n ka penleen ne, a ba re bǐɛ̃ zɛnɛɛ bɛn man wa? A ba re n nanaɛ a n dɔ ǹ lɛ wa?