Zowɛli 1:10 - LAWA A BOO SONBORE 2011

¹⁰ Wurun nə́ ziziɛ̃ tán mànan foo ziziɛ̃. A giala, belee ziziɛ̃, duvɛ̃ banban doo wa, nyɔɔ banban doo wa.

LAWA A BOO SONBORE

¹⁰ Wurun nə́ ziziɛ̃ tán mànan foo ziziɛ̃. A giala, belee ziziɛ̃, duvɛ̃ banban doo wa, nyɔɔ banban doo wa.

Zowɛli 1:10 ပူးပေါင်းရင်းမြစ်များ

Siin Giala 4:12

Ta n din kɔsɔ lɔn, n ba re màn kɔ́n yii a-n doo wa. N tá re goɛ̃ bibiə̃ wole lɛa, gùli lɛa, biikoo tumaa li kanaa gɔ́ɔ̃ nɛ.»

Izayii 15:6

Nimirimu a pɛrɛ kɛ piɛ̃. Da tumaa gã, buu banban. Màn buruu kɔn banban.

Izayii 24:11

Ziin la, minin manə n lɛ-dii duvɛ̃ li. Nyɛnyɛɛ banban doo wa. Foo kɔɔ̃nbaa soo á n bɔ gána lɛ nɛ.

Izayii 24:7

Duvɛ̃ dii kiɛɛrɛ kɔ, *rezɛ̃ da pàã nya. Min mɛnɛn foo goã kɔɔ̃nɛ, bɛn man gini.

Zeremii 12:11

Sonbore, maǹ nə́ bɔyaa ǹ nə́ baa gána ziziɛ̃ lɛa, piɛ̃-n ka gɛ̀ koa nɛ. Ma yɔrɔ-a, bǎã tumaa n diə gole lɛa. Gána lɛ tumaa ziziɛ̃. A min kɔn din yii li ǹ sii lɛa wa.

Zeremii 12:4

Gána lɛn die goɛ̃ koe ne yǎa biĩ kəni? Wurun man die goɛ̃ tán gere lɛa yǎa biĩ? Tɔɔn laanka bàanan man bɔ̀n biɛ minbuiin nɛn baraabaa taman yii. Maǹ pii: «Sii mɛn bɛ́ re wɔ yii, Dɛnaa Lawa yii ba re bɛ yii wa.»

Zeremii 48:33

Foo kɔɔ̃n laanka nyɛnyɛɛ mɛn goã Moabu a wurun laanka Moabu gána tumaa nɛ, bɛ papaã. Duvɛ̃ kaa ǹ màn nɛ, duvɛ̃ banban. Min banban á n rezɛ̃ tɔrɛ bɛ̀ a n loe loe wa, ǹ loe foofoon kɛn lɛ kuru.

Ozee 4:3

Bɛ lɛ n ke, lɛ̀ gere á re koe gána lɛ nɛ. A minin tumaa, don mànan dɔn laanka bàanan nɛ, bɛn tá re pɛrɛ mu boro gɔn. Yìsi mu li ǹ zɔ̀nɔn kɛn dɔn dinin tá re papaɛ̃.

Ozee 9:2

Sɛnɛ, ǹ bɛ́ belee mɛn duwii, ǹ bɛ́ nyɔɔ mɛn boe, bɛ kɔ́n ba re ka yii kiɛ̃ wa. Duvɛ̃ dii ke a re kiɛ ka foo la wa.

Zowɛli 1:12

*Rezɛ̃ dan nə́ tutusi, gɔ́rɔ dan nə́ bɛbɛnɛ. Grenadie da nɛ, tamaran da nɛ, da nɛ-kɔle tumaa don, ǹ tumaa gã. Min kɔn foo a kɔɔ̃n wa.

Zowɛli 1:5

Yɔ-mili babaraan lɛn, ka yoo ka n lɛ da wuu ni. Duvɛ̃-milin lɛn, ka tumaa nə n lɛ dɛ koe! A giala, ǹ nə́ duvɛ̃ dii kɛ nafɔ̃ ǹ nə́ bɔ ka lɛ-a.

Zowɛli 2:19

Dɛnaa Lawa ná a minin lɛn nyankɔ si á kɛ pɛ ǹ nɛ: «A bɛ́ miɛ̃, ma á re wusii ma belee kɔ ka la, ka duvɛ̃ laanka nyɔɔ nɛ. Ka á re kiɛ̃ ka bɛn nɛ. Ma a re toɛ sìi ka kũ tɔrɔ kɔsɔn bii doo duduu wa.

Lawa a wúlu-bɔlen 26:20

Ka pàã n die nyɛɛ kooro. Ka a re tán dí nyɛɛ ka màn kɔn yɛ a-n doo wa, gána lɛ a dan dɔn ba re nɛ koe doo wa.

Abakuku 3:17

Á ke, gɔ́rɔ dan ba buũ koe doo wa. *Rezɛ̃ da ba nɛ koe doo wa. Nɛ ba *olivie da la doo wa. Màn-bii kɔn ba boe wurun ni wa. Sère goon din ba sèren kion wa. Dii ba zìã-n wa.

Azee 1:11

Má lɛ̀ gere kɔ gána lɛ nɛ, kaa kele mìin ni, má lɛ̀ gere da kaa *belee wuru-n, rɛzɛ̃ wɔ nɛ ka *olivie wɔ nɛ. Màn mɛn tumaa bɛ́ boe tán la minbuiin nɛ ka tɔɔn wɔ lɛa, ka ka bɛ́ dí mɛn din tumaa nyɛɛ ka ka gɔn nɛ, ma lɛ̀ gere kɔ bɛ tumaa ganaa.

Malakii 2:3

Ma á re n gɔn wɛɛ ka tɔrɔn kɛn ma-n gɔrɔ. Kasɛn kɛn kəni, man die tɔɔn bù kiɛ ka yɔrɔ nɛ, ka tɔɔn mɛnɛn lɛn dɛ kaa zɔ́nɔn kɛn biikoo li. Man die kasɛn lɛ koe kun ka bɛn nɛ.