Zeremii 9:21 - LAWA A BOO SONBORE 2011

²¹ Nsɛ Zeremii, boo da: Dɛnaa Lawa a da ǹ boo á ke: «Geren man tán ka tɔɔn bù bɛ́ lɔn wuru-n. Ǹ kɔnboe n ka wii mɛn bɛ́ ǹ nə́ kuru ǹ nə́ n la bɔ a ganaa kio min kɔn ná a goɛ wa.»

LAWA A BOO SONBORE

²¹ Nsɛ Zeremii, boo da: Dɛnaa Lawa a da ǹ boo á ke: «Geren man tán ka tɔɔn bù bɛ́ lɔn wuru-n. Ǹ kɔnboe n ka wii mɛn bɛ́ ǹ nə́ kuru ǹ nə́ n la bɔ a ganaa kio min kɔn ná a goɛ wa.»

Zeremii 9:21 ပူးပေါင်းရင်းမြစ်များ

KZS2 36:17

Dɛnaa Lawa Baabiloniin kii da gána lɛ ganaa, á woo a zia baa. Bɛa kii lɛ sɔraasin dɛ yǎa Lawa a kion. Min kɔn makara bie boe a ganaa wa: tɔntɔraa tenən ne, nɛlɔ tenən ne, min yii fuliin ni, ka min zizin ni. Lawa nə́ ǹ tumaa wɔ a gɔn.

Izayii 40:30

Tɔntɔraan dinin tá nɔmɛɛ, ǹ pàã nya. Min kakan dinin tá boe ǹ mɛnaa.

Zeremii 15:7

Má maa zaman pɛsɛ̃, gána lɛ paǹ tumaa nɛ, ka ǹ bɛ́ màn sui lɔn. Má ǹ ziziɛ̃, má ǹ nɛnyaanan bɔ̀n baa. Sɛnɛ, ǹ nə ǹ giã ǹ gɔn bɔyaa wa.

Zeremii 18:21

A bɛ́ miɛ̃, ǹ nɛnyaanan wɔ bòo gɔn, ǹ wɔ gɔya sa gɔn! Ǹ lɔn ba re nɛ yii wa! Ǹ tá re giɔɔrɔn biɛ! Piɛ̃ busu á re ǹ zuũn dii! Ǹ nɛ tenən tá re giɛ̃ zia la!

Zeremii 44:7

Kanna kəni, Dɛnaa Lawa Pàãyiidɛnaa, Izirayeli a Lawa n kɛ pii: «Wàa na á baa ka á baraa kɛ tumaa zɛnɛɛ ka dinin manɛ? Ka ǹ zoɛ̃ li mà ka Zudaa a giĩn dɛ, a lɔn nɛ, a nɛ tenən ne ka a nɛnyaan bɔnboɛɛnɛn nɛ? Ka ǹ li ka bɔ̀nbaa lenlen?

Zeremii 50:30

Bɛ lɛ nɛ, bɛa pinaa lɛ nɛ, a nɛ tenən tá re mɛnɛɛ bǎã dadaran nɛ, a sɔraasin tumaa gã. Dɛnaa Lawa a da ǹ boo ne.

Zeremii 6:11

Ma piɛ̃maa-n ka Dɛnaa Lawa a foo-busii ni. Ma a boe la ma kũ ma foo n doo wa. Bɛa foo-yoo lɛ sawaa nɛnyaanan la zii la, kɔnlɛ ka nɛ tenən tumaa nɛ. Ǹ tumaa tá re kòso nɛn biɛ, giĩn ni lɔn nɛ, min golen ne ka min zizin ni.

Zeremii 6:21

Dɛnaa Lawa bɛ́ boo mɛn diɛ, á ke: Man die màn koɛ tán zaman kɛ nyɛɛnɛ, a ǹ bɔ a ǹ kaa. Ǹ tumaa á re giɛ̃ kun, díin laanka nɛnyaanan nɛ, miãkɛn laanka giaáran nɛ.

Zeremii 7:33

Bɛa geren lɛn tá re zèwon laanka tolokan màn-bii biɛ, min kɔn dɔ a re ǹ lui wa.

Zeremii 8:2

Ǹ tá re bɛa wen lɛn nyɔmiɛ tán bǎã tumaa nɛ, wasa li, mui yɔrɔ-a ka leere damata kɛn nɛ, ǹ nə́ ǹ narɛ, ǹ nə́ dí nya ǹ nɛ, ǹ nə́ kɔ ǹ lɛ, ǹ nə́ n gɔn nɔɔ ǹ la, ǹ nə́ ǹ guguru kɔ. Bɛ lɛ nɛ, min kɔn ba re ǹ wen goɛ a ǹ kaa yala-n doo wa. Sɛnɛ maǹ die mànan bù biɛ tán la.

Zowɛli 2:9

Maǹ nə́ n diɛ kiwi lɛ gɔ́ɔ̃ la, baa sii kungɔnɔn kɛn la, kikiɛ kionən ne. Maǹ we ka fənɛtərən ne ka wurumunun wɔ bɛ́ lɔn.

Amɔɔsi 5:2

Izirayeli minin lɛn nə́ kaa, ǹ ba re yui doo wa. Ǹ tá tán-a, min kɔn banban a tá ǹ goɛ ǹ kiɛ lon wa.

Amɔɔsi 6:9

Bɛ̀ sumu mɛn a minin nə́ n zɔ̃ ǹ nə́ goã fù, bɛa min fù lɛ dɔ á re giɛ̃.

Sofonii 1:17

Dɛnaa Lawa pɛ: Minbuiinin man nə́ sii baraa zɛnaa masɛ nɛ. Bɛ lɛ nɛ, man die koe boe ǹ ganaa. Maǹ die tɔ we ǹ nə́ tatalɛ ka yii tere-an bɛ́ lɔn. Maǹ die ǹ mà kiɛ tán bǎã tumaa nɛ ka tii bɛ́ lɔn. Ǹ gere á re boɛ̃ tán ka yisi bɛ́ lɔn.