Zeremii 9:18 - LAWA A BOO SONBORE 2011

¹⁸ Hiĩ, foo busu ǹ loe n boe *Siɔn. «Ebe, wɔ́ ziziɛ̃, sìi nə́ n kɔ wɔ lɛ. Wɔ doamaa nɛ wɔ soo wɔ n bɔ wɔa gána nɛ, a giala, wɔa kionən nə́ kaa.»

LAWA A BOO SONBORE

¹⁸ Hiĩ, foo busu ǹ loe n boe *Siɔn. «Ebe, wɔ́ ziziɛ̃, sìi nə́ n kɔ wɔ lɛ. Wɔ doamaa nɛ wɔ soo wɔ n bɔ wɔa gána nɛ, a giala, wɔa kionən nə́ kaa.»

Zeremii 9:18 ပူးပေါင်းရင်းမြစ်များ

Loen 119:136

Yii mu bɔ ma yɔrɔ nɛ, a giala, ǹ ba n landa boon lɛn tamaɛ wa.

Izayii 22:4

Bɛ lɛ taman yii, man pii ka nɛ: «Ka ma toa walan ma dinsɔɔ̃, ka ma toa walan ma wuu pɛ kɔsɛkɔsɛ. Maa zaman bɔ̀n baa, sɛnɛ, ka nyan pɛ mà ka n ma foo wɛɛ wa.

Zeremii 13:17

Bɛ̀ ka n too kɔ gɔn waa kɛ li wa, man wuu pii ka durii ni kaa din koa kɛ taman yii. Ma yii mu n piɛ̃ kiɛ, a giala, maǹ nə́ Dɛnaa Lawa a zaman goa ǹ nə́ woe ne.

Zeremii 14:17

N bɛ́ re boo mɛn diɛ ǹ nɛ, á ke: Penleen ka tèlò, ma yii mu pã á kaa suuu! Koe gole na á maa zaman yɛ, busulɛ gole ne.

Zeremii 3:24

A kũ wɔa tenmaa waáraa ganaa, wɔa dín nɔmaa a là na á yɛ sìi da ǹ dìn ganaa. N nə́ ǹ sèren si, ǹ bòen ne, ǹ diin ni, ǹ nɛgiĩn laanka ǹ nɛlɔn nɛ.

Zeremii 3:25

Ka waa tán sìi li. Wɔa yii gugurubaa papaã. A giala, wɔ laanka wɔ digolon man wɔ sii baraa zɛnaa, Dɛnaa Lawa wɔa Lawa ganaa, a kũ wɔa tenmaa waáraa ganaa a da pelo yaa. Wɔ n too kɔ Dɛnaa Lawa wɔa Lawa a da ǹ boon li wa.

Zeremii 4:20

Maǹ bɔ̀n dinsɔɔ̃ boo diɛ, gána lɛ tumaa ziziɛ̃. Ǹ nə́ wɔa mɔnaa kionən ziziɛ̃ bǎã goon ne, wɔa duru ǹ bǎãn nə́ papaã gunyin goon.

Zeremii 6:26

Maa zaman, ka gɛ̀ koa ǹ mɔnaa wɔ. Ka n birikəə̃ tii li. Ka gɛ̀ zɛnaa giala kɔ, ka nɛgiĩ goon toto wɔ bɛ́ lɔn. Ka gɛ̀ koa ǹ loe kɔɔsɛ lɔ. A giala, sisia bɛ̀ zɔ́ɔ basaã-kɔle lɛ dɔ ka ganaa.

Zeremii 7:29

Dɛnaa Lawa pɛ: Zudaa a zaman, ń mìi ka sɔsɔrɔ kɛ kuru, n zũ, ǹ mɛn lɛ bɛ́ nyɛɛ mà maǹ nə́ n bɔ ǹ nə́ n koa ma din wɔ lɛa. Gɛ̀ loen lɔ tenten mìi kooro-an kɛn la. N miãlɛ tumaa ma foo yoo. Ma ba n li doo wa, Má n tii.

Zeremii 9:1

ccÁh! Man zoɛ̃ li ma goã diə gole ne, zii tɔ-wɔlen bɛ́ nɛn bɛ̀ ǹ golee bǎã mɛn nɛ. Ma á re maa zaman toɛ walan, ma wo sɔsɔɔ man bɔ ǹ li. Minin giala da kanaa wolen manɛ, Naarɛbaalin manɛ!

Zeremii 9:10

Man die Zeruzalɛmu biɛ kɛbɔlɔ gole lɛa, tolokan susu ǹ bǎã lɛa. Man die Zudaa kiwin bɔyɛɛ, ma ǹ baa kɛbɔlɔ lɛa, min ná a giã a-n doɛ̃ wa.

Zeremii 9:20

«Gɛ̀ n we ka wɔa fenɛtərə ne, a n we wɔa kion sonboren kɛn nɛ, a n nɛnyaanan dii ziin la, a nɛ tenən dɛ bǎã dadaran nɛ.»

Busii pɛ 1:2

Á wuu pɛ á lɛ̀ waa nɛ, a yii mu gisĩ a pàãn ganaa. Min mɛnɛn tumaa goã narɛ, min banban a tá a foo wɛɛ wa. A giaáran tumaa tii. Maǹ a zɔ́ɔn lɛa kanna.

Busii pɛ 2:11

Ma yii nànan nə́ tãtaã wuu gɔn. Ma yiri nə́ n lɔlɔkɔn. Koe mɛn maa zaman yɛ, ma a boe la ma á sii ma ganaa doɛ̃ wa. A giala, mu boro n nɛnyaan bɔnboɛɛnɛn gialaa kiwi lɛ a bǎã dadaraan nɛ.

Busii pɛ 2:13

Man die pii n ni máa lɔn Zeruzalɛmu? Man die n zoɛ̃ kɔn ka die ne? Siɔn kiwi doobaanɛ, man die sii a kɔnboe yii maa ma nyaa n nɛ n foo tɔn waa? N koe lɛ a golebaa n ka yìsi mu bɛ́ lɔn. Die n boe la a n kaka kɔ?

Busii pɛ 2:18

Zeruzalɛmu a zaman nə n lɛ dii Dɛnaa Lawa ganaa. Nsɛ Siɔn, toa n yii mu gisĩ, ka tà mu bɛ́ lɔn, penleen laanka tèlò-n, n nyan nə n susu wa, n nyan nə n lɛ tã wa.

Busii pɛ 3:48

Ma yii mu n suù, baa sii ka mu bɛ́ lɔn, koe kɛa lɛa, maa zaman mìi ni.

Amɔɔsi 5:16

Bɛ lɛ nɛ, Dɛnaa Lawa Pàãyiidɛnaa lɛ n kɛ pii: Zaman paã ǹ bǎã tumaa nɛ, minin tá re gɛ̀ loe loe. Kiɛ̃ ǹ ziin tumaa la, minin tá re n lɛ didi: Má sàabaa wooo, má sàabaa! Ǹ tá re woe lɛ diɛ min la wuru-n, mà a da gɛ̀ wuu pɛ. Ǹ tá re woe gɛ̀ wuu-pɛlen bíi, mà ǹ da loe lɔ gere la.

Luku 19:41

Yezu bɛ́ á diri kiwi lɛ la á yɛ, á wuu pɛ la.