Zeremii 9:11 - LAWA A BOO SONBORE 2011

¹¹ Sii-dɔ̃li tan a n boe la a siin kɛn giala ma? Bɛ̀ Dɛnaa Lawa boo da ǹ dɛnaa nɛ, gána lɛ ziziɛ̃ mìi mɛn ganaa, tɛ kũ ka yɔrɔ mɛn nɛ min ná a kiɛ̃ a-n doɛ̃ dinin wa, a bɛ giala pɛ.

LAWA A BOO SONBORE

¹¹ Sii-dɔ̃li tan a n boe la a siin kɛn giala ma? Bɛ̀ Dɛnaa Lawa boo da ǹ dɛnaa nɛ, gána lɛ ziziɛ̃ mìi mɛn ganaa, tɛ kũ ka yɔrɔ mɛn nɛ min ná a kiɛ̃ a-n doɛ̃ dinin wa, a bɛ giala pɛ.

Zeremii 9:11 ပူးပေါင်းရင်းမြစ်များ

Nehemii 4:2

Ǹ tumaa tɔ́n yoo ǹ nə́ ǹ wɔ kaa kun, mà man die zia biɛ Zeruzalɛmu ganaa ǹ bɔ̀n da a ganaa.

Loen 107:43

Bɛ̀ min mɛn tá li a sii dɔ̃, a die a n yiri koa bɛa siin kɛn lɛn tumaa li, a dɔ̃ ma Dɛnaa Lawa a bǐɛ̃ lɛ na a tan yǎa duduu.

Loen 44:19

Wɔ gɔ́ɔ̃ nə n bɔyaa, wɔ́ wusoo wɔ kio-n wa, wɔ gòã talaa wɔ́ n zii da wa.

Loen 79:1

Asaafu a loe goon ne. Lawa! Tɔrɔ kɔsɔn nə́ daa n bǎã lɛ kũ, ǹ nə́ si. Ǹ nə́ *gɔ̀ lɔ n Guguru Kɔ ǹ Kion sonbore kɛ ganaa, ǹ nə́ Zeruzalɛmu yu, ǹ nə́ baa kɛbɔlɔ kooro lɛa.

Izayii 13:22

Kuruun tá re lɛ biɛ a sanabolon kɛn nɛ, tolokan nə lɛ baa a kion sonboren kɛn nɛ. Baabilonii a lɛawaa giala nyɔmɔɔ dɔ á nya, a lɛawaa giala nyɔmɔɔ lɛ diri foɛɛ̃ nɛ.

Izayii 25:2

Ń kiwi lɛ baa kɛbɔlɔ lɛa, bɛa kiwi tamaa wole lɛ, ń wuru lenlen. Tiin kiwi tamaa wole lɛ, bɛa kiwi biɛ doo wa. A re wusii a n dɔ doo duduu wa.

Izayii 34:13

Nyan tewonən tá re piɛ̃ kion sonboren ne. Buu nyandɛnan laanka koronkoron tá re n koe ǹ kiwi tamaa ǹ kungɔnɔn lɛ. Á re tolokan laanka bɛndan giã ǹ bǎã biɛ.

Izayii 44:26

Sɛnɛ, man toɛ maa dí-nyalin boon nə yɔrɔ yɛ. Maa dia dí-a wolen nə boo mɛn da, man toɛ bɛ yɔrɔ yɛ. Man kɛ pii Zeruzalɛmu a paǹ li: «Ǹ tá re wusii ǹ giã n nɛ doo.» Man kɛ pii Zudaa kiwin wɔ paǹ li: «Ǹ tá re wusii ǹ ka dɔ.» Hiĩ, ǹ tá re wusii ǹ kaa kɛbɔlɔn dɔ doo.

Zeremii 1:15

Man die lɛ diɛ gɔsɛ a lɛ̀gɔn la gána tɔrɔn kɛn tumaa la. Masɛ din Dɛnaa Lawa a da ǹ boo ne. Ǹ tá re die, ǹ kiin lɛn gogoomaa á re kii dankan koɛ tán Zeruzalɛmu a kiɛnlɛ yɔrɔ-a. Ǹ tá re a kungɔnɔn lɛnpɛnɛ, ǹ yoo Zudaa kiwin tumaa gialaa.

Zeremii 10:22

Ka n too kɔ màn wuu kɛ-a die. Sii lɔlɔkɔn gole ne boe gɔsɛ a lɛ̀gɔn la. A n die Zudaa kiwin biɛ kɛbɔlɔ lɛa, tolokan susu ǹ bǎã lɛa.

Zeremii 16:10

Bɛ̀ n boon kɛn tumaa da zaman lɛ nɛ ǹ mɛn waáraa, kɔntan min tá re nɔ̀n diɛ n la a pɛ: «Wàa na á baa Dɛnaa Lawa koe kɛ miã da wɔ mìi ni? Wɔ n wɔ sii baraa zɛnaa? Wɔa sã n ka wàa nɛ Dɛnaa Lawa, wɔa Lawa ganaa?»

Zeremii 25:11

Gána lɛ din kuturu á re kɛbɔlɔ biɛ, bǎã bɔbɔnɛɛ lɛa. Tɔrɔn kɛn tumaa n die goɛ̃ Baabiloniin kii a pàã giulun yǎa lɛ̀ pɔsɔbaa.»

Zeremii 25:18

A na á n giala kɔ Zeruzalɛmu ganaa, ka Zudaa kiwi kɔsɔn nɛ, ǹ kiin laanka ǹ nyɛɛnaandɛnan nɛ. Bɛa kiwin lɛn nə́ kɛbɔlɔn baa, bǎã bɔbɔnɛɛn lɛa. Kɛ doamaa nɛ a ǹ kaa nyɛ́ɛbaa ǹ lɛ-dɛ gole ganaa, a sii a kɔnboe baa lɛ ǹ baraa bíi a paǹ li. Bɛ lɛ n ke n zɛnɛɛ pelo.

Zeremii 26:18

Ezekiasi a kiibaa waáraa Zudaa gána mìi la, Lawa a boo gii-dali goon goã a tan Moresɛti min lɛa a tɔ n Misee. Á pɛ Zudaa zaman tumaa-n kɛnɛn: Dɛnaa Lawa Pàãyiidɛnaa n kɛ pii: «*Siɔn nə die n biɛ ka wuru gɔ́ɔ̃ kooro bɛ́ lɔn, hiĩ, Zeruzalɛmu n die kɛbɔlɔ biɛ. Lawa a kion a tenten ke, bɛ n die nyan tewon biɛ.»

Zeremii 26:9

A n siɛ lɔn n tá pii ka Dɛnaa Lawa tɔ nɛ mà Lawa a kion kɛ n die n ziziɛ̃ ka Siiloo wɔ kɛ bɛ́ lɔn! Mà Zeruzalɛmu n die bɔ̀n biɛ, ǹ na a zaman goa ǹ bɔ a nɛ.» Min mɛn tumaa goã Lawa a kion lɛ nɛ, ǹ tumaa yoo Zeremii gialaa.

Zeremii 34:22

Sɛnɛ, man die wusii ma da ǹ nɛ Zeruzalɛmu, ǹ yoo a gialaa, ǹ kũ, ǹ tɛ da a ganaa. Zudaa kiwin tá re diə gole biɛ, min ná a ba ǹ nɛ wa.» Dɛnaa Lawa a da ǹ boo ne.

Zeremii 4:27

Dɛnaa Lawa bɛ́ boo mɛn diɛ, á ke: Gána lɛ tumaa á re n bɔyɛɛ a diə gole baa, sɛnɛ, ma a re ziziɛ̃ lenlen wa.

Zeremii 44:2

– Dɛnaa Lawa Pàãyiidɛnaa, Izirayeli a Lawa n kɛ pii: «Ma koen mɛnɛn da Zeruzalɛmu laanka Zudaa kiwin tɛnɛn mìi ni, táa ka bɛn yɛ. Pelo, ǹ tumaa kɛbɔlɔ baa, min goon din ba ǹ nɛ wa.

Zeremii 49:33

Asɔɔrɔ kiwi á re tolokan susu ǹ bǎã biɛ, kɛbɔlɔ lɛa yǎa duduu. Min goon ba re goɛ̃ kaa kiwin ni wa, minbuiin nɛ goon din ba re goɛ̃ ǹ nɛ wa.

Zeremii 50:3

Tɔrɔ goon nə boe gɔsɛ a lɛ̀gɔn li die Baabilonii gialaa. A n die Baabilonii gána biɛ kɛbɔlɔ lɛa. Min goo din ba re goɛ̃ a-n wa. Minbuiinin ni, tɔɔn nɛ, ǹ tumaa n die baa sii, ǹ tumaa á re papaɛ̃.

Zeremii 51:37

Man die Baabilonii kiwi bɔyɛɛ, ma baa kɔlɔ da kɔn la lɛa, Á re tolokan giã ǹ bǎã biɛ. Nyɛ́ɛ á re minin kuĩ. Ǹ tá re nyɛ́ɛ da ǹ lɛ biɛ, min kɔn ba re giɛ̃ kiwi lɛ-n wa.

Zeremii 8:22

Da banban Galaati a n la paparɛɛ nyɛɛ wa? Dɔɔtɔrɔ ba walan doo wa? Wàa na á baa maa zaman lɛ a baayɛrɛ a nyɛɛ wa?

Busii pɛ 1:4

Zeruzalɛmu a ziin tumaa n gɛ̀ koɛ. Min kɔn ba koe ǹ lɛ, a da zɔ́n zɛnaa doo wa. A bǎã dadaran tumaa kooromaa nɛ. A Lawa a wúlu-bɔlen man gini. A nɛlɔn foo ziziɛ̃maa nɛ. Kɛ kɔsɛ *Siɔn kiwi ganaa!

Busii pɛ 2:2

Dɛnaa Lawa ná a din a zaman a kionən tumaa yu. Makara doɛ̃ din yɛ a-n wa. Zudaa a kiwin mɛnɛn bɛ́ tamaa-n sɔnbɔraanɛ, á bɛn yu a foo-yoo baraa kɛ gɔ́ɔ̃ nɛ. Á gána lɛ laanka a kiin tumaa nɔɔ, á ǹ kaa, á sìi da ǹ ganaa.

Busii pɛ 3:47

Nyɛ́ɛ laanka gɔ̀nɔn bìn diɛ nɛ, bɛn man wɔ yii, kɔnlɛ ka basaã nɛ ka koe ne.

Lawa a wúlu-bɔlen 26:32

Masɛ dinmaa n die ka lui lenlen ma ka bɔ gána lɛ nɛ. Kaa zɔ́ɔn mɛnɛn bɛ́ re die giɛ̃ a nɛ, bɛn dinin tá re n kaãbiɛ.

Misee 1:6

Dɛnaa Lawa mà Samarii kiwi kɛ á die don biɛ. A kɛbɔlɔ á die *rezɛ̃ da zumu ǹ wuru biɛ. Ma á die a dɔǹ kɔlɔn lɛn birikəĩ, ma ǹ kaa nyankɔrɔ basa kɛ nɛ. Ma á die wurii yǎa a gòã daa ǹ bǎã kɛ nɛ.

Misee 3:12

Bɛ lɛ na á toa, ka dinin kɛn lɛn taman yii, Zeruzalɛmu á die kɛbɔlɔ biɛ, ǹ tá re Siɔn kele kɛ kɔsɛ wuru lɛa, kion bǎã lɛ a kele lɛ á re daã biɛ.

Misee 6:16

Ɔmuri a landa sii kɔrɔn kɛn, a nɛ Akaabu a kion minin zɛnaa ǹ sii gɛsɛn kɛn tumaa, ka gɔn nə paraa-n bɛn lɛn ganaa. Bɛ lɛ a lɛa nɛ, ma á die kaa gána lɛ yui. Kaa kiwi minin kɛn, ǹ tá re bɛn diɛ yaa lɛa. Sìi sii mɛn bɛ́ re maa zaman lɛ yii, a guĩ á re doe ka ganaa.

Timəə dí-pɛn 29:23

Tɔrɔn tumaa n die pii bɛa biikoo li: «Wàa na á baa, Dɛnaa Lawa gána kɛ baa kɛnɛn? Wàa mɛn sii na á da bɛa foo-yoo gole kɛ ganaa?»

Sii-nyaan 18:2

Á n lɛ dɛ ka lɛn gole ne, á pɛ: «*Baabilonii lɛ mɛnaa! Baabilonii kiwi gole lɛ mɛnaa ka bolobolo! Kanna, a bǎã nə́ n baa nɔ̀ɔn baraan giã ǹ bǎã lɛa, yiri baraan tumaa a duru ǹ bǎã lɛa, bàan gɔ̀dɛnaa gìĩ-bɔle-an tumaa a giã ǹ bǎã lɛa.