Zeremii 8:6 - LAWA A BOO SONBORE 2011

⁶ Má n too kɔ ǹ lon taãn-taãnɛ. Ǹ bɛ́ boo mɛn diɛ mìi ba la wa. Ǹ kɔn ba wusii a sii bɔnɛɛn kio wa. Ǹ kɔn ba nɔ̀n diɛ a din la ka a zɛnaa ǹ sii-n wa. Ǹ tumaa n baa sii ka sùin bɛ́ lɔn ziabaa ǹ bǎã nɛ.

LAWA A BOO SONBORE

⁶ Má n too kɔ ǹ lon taãn-taãnɛ. Ǹ bɛ́ boo mɛn diɛ mìi ba la wa. Ǹ kɔn ba wusii a sii bɔnɛɛn kio wa. Ǹ kɔn ba nɔ̀n diɛ a din la ka a zɛnaa ǹ sii-n wa. Ǹ tumaa n baa sii ka sùin bɛ́ lɔn ziabaa ǹ bǎã nɛ.

Zeremii 8:6 ပူးပေါင်းရင်းမြစ်များ

Zɔbu 10:2

Man die pii Lawa nɛ: N baran dɔlɔ bɔ ma-a wa! Ma zɛ̀rɛbaa ǹ mìi pɛ ma nɛ!

Zɔbu 34:31

Min tá boe la a pɛ Lawa nɛ mà asɛ a sii baraa zɛnɛɛ doo wa?

Zɔbu 34:32

Mà asɛ bɛ́ a tɔn màn mɛn dɔ̃ wa, mà Lawa din bɛ nyaa asɛ nɛ. Mà bɛ̀ asɛ sii baraa zɛnaa lɛlɛ, mà asɛ a tii a ganaa doo wa.

Loen 14:2

Dɛnaa Lawa nə́ n toa lon a ga minbuiinin ganaa, a n giɛ bɛ̀ yiridɛnaa goon tá ǹ bii, bɛ̀ yiridɛnaa tá ǹ bii, á n giɛ Lawa li.

Izayii 30:18

A da yaa, Dɛnaa Lawa á re yui, a na a bǐɛ̃ nyaa ka nɛ, á re a foo basiɛ̃baa nyɛɛ ka nɛ. Sonbore, Dɛnaa Lawa n Lawa pepere lɛa. Min mɛnɛn foo bɛ́ doa nɛ a ganaa, bɛn foo á re kɔɔ̃n koe.

Izayii 57:17

Izirayeli a zɛ̀rɛ laanka a din foo siin kɛn nə́ ma foo yoo, bɛ lɛ nɛ má dɔlɔ da la. Ma ba li ma yɛ doo wa. Sɛnɛ a too kakabaa taman yii, a n tɔn koe a din foo siin lɛ.

Izayii 59:16

Á yɛ mà min kɔn banban, mà min kɔn ba gòã kũ diɛ wa, bɛ́ tɔwaa baa a ganaa. Bɛ lɛ nɛ, a din tá re sii zɛnɛɛ. A peperebaa lɛ na á pàã kɔ la.

Zeremii 23:25

Lawa a boo gii-dalin bɛ́ soɛ boon mɛnɛn diɛ ka ma tɔ nɛ, ma á miɛ. Maǹ pii: «Má n narɛ, má n narɛ!»

Zeremii 3:5

Man nɔ̀n diɛ n din la: «A foo n tɔn yoo-n ma li duduu? A ba re a foo-yoo kɛ kurii masɛ ganaa wa?» N da ǹ boo n ka bɛ nɛ, sɛnɛ, n nə n tɔn woe nyɛɛnɛ sii baraa zɛnɛɛ.

Zeremii 5:1

Ka wo bǎã tumaa nɛ, Zeruzalɛmu a ziin la, ka ga sɔnbɔraa nɛ, ka nɔ̀n da, Ka ga a bǎã dadaran nɛ, Bɛ̀ ka min goon yɛ, pepere, bɔlɔgoondɛnaa lɛa, ma á re makara boe Zeruzalɛmu ganaa kəni.

Ezekieli 18:28

Bɛ̀ a din dɔ̃ sɛn mà asɛ a zɛnaa ǹ siin lɛn tumaa n baraa, bɛ̀ á wusoo a kio, sàabaa ba la wa, a yii á re goɛ̃ koo, a re giɛ̃ wa.

Ezekieli 22:30

Má ga min li ǹ bii, min mɛn bɛ́ re boe la a kungɔn dɔ a kiwi lɛ lɛnpɛnɛ nɛ, hinlaa a golee kungɔn lɛ a yala koo bǎã kɛ nɛ ma nyɛɛnɛ, gána lɛ a lɛa, màn mɛn bɛ́ toɛ ma baran gána lɛ yu wa. Sɛnɛ, ma min goon din yɛ wa.

Danayeli sɛ́wɔ 9:11

Izirayeli minin tumaa nə́ n dí-pɛ lɛ da ǹ kio. Ǹ nə́ kanaa, ǹ nə n too kɔ n lon wa. Bɛ lɛ nɛ, bɔ̀n da ǹ siin laanka lɛn baraa bíi mɛn boo bɛ́ kiɛ̃-n Lawa a dí-nyali Muizu a dí-pɛn sɛ́wɔ kɛ nɛ, bɛn nə́ daa kaa wɔ la, a giala, wɔ n wɔ́ sii baraa zɛnaa n nɛ Lawa.

Misee 7:2

Min sonboren nə́ nya ǹ nə́ n bɔ gána lɛ nɛ, min pepere din ba minbuiinin bii doo wa, ǹ ba taasiɛ kɔsɔ we wa, yǎa gɛ̀-dɛ. Didie n kuu koe ǹ miã-a, mà asɛ gɔn dɔ-a.

Sofonii 3:7

Má pɛ ma din ni: Sisia, kiwi lɛ á die ma guguru koe, á re n too koe maa doroon li. Bɛ̀ á miɛ̃, ma a re maa dɔlɔn kɛn boe a ganaa doo wa, ma a re a bɔ̀n biɛ doo wa. Sɛnɛ, haayii! Kiwi lɛ a minin man nə́ n gòã yii fuu saa ǹ nə́ kaa sii baraa nɛ.

Azee 1:5

Kanna kəni masɛ Dɛnaa Lawa Pàãyiidɛnaa n pii: Sii mɛn bɛ́ ka yii, ka ǹ taasɛ bɛ-a taãnɛ.

Azee 1:7

Á ke masɛ Dɛnaa Lawa Pàãyiidɛnaa n pii kɛnɛn. Sii mɛn bɛ́ die ka-a, ka n taasɛ ka ga a giala li taãnɛ.

Malakii 3:16

Sɛnɛ, min mɛnɛn bɛ́ Dɛnaa Lawa lɛ sii, bɛn nə́ boo da kɔn ǹ dinin bii ni. Dɛnaa Lawa nə́ n too kɔ ǹ lon, á ǹ boo diɛ ma. Min mɛnɛn bɛ́ a pàã doɛ̃ ǹ ná a lɛ sii, ǹ nə́ bɛn tɔ kiɛ̃ sɛ́wɔ nɛ ǹ nə́ koa a yɔrɔ-a.

Piɛrɛ2 3:9

Dɛnaa nə n lɛ kɔ ka a daa boo mɛn nɛ, a bie n nyɔnyoɛ bɛa zɛnaa li, ka min tɛnɛn bɛ́ taasɛ lɔn wa. Sɛnɛ, a nə́ n foo kuĩ, á ka dinin sii sii a ganaa, a giala, a giɛ li mà min kɔ́n bɔ̀n baa wa, sɛnɛ, a n giɛ li minin tumaa wusoo ǹ sii baraan kio, ǹ da Lawa ganaa.

Sii-nyaan 9:20

Sɛnɛ, minbuiin gialakun mɛn goã, ǹ nə́ ǹ gã koen kɛn lɛn gɔ́ɔ̃-n wa, bɛa minin kɛn lɛn nə wusoo ǹ nya ǹ dín kio wa. Ǹ nɔ̀ɔnɔn guguru koe laanka dì wúlu boe lɛ da wa. Ǹ dinin man nə́ bɛa dìn lɛn zɛnaa ka sana nɛ, ka wɔrɔ nɛ, ka zan nɛ, ka kɔlɔ nɛ, ka gɔn nɛ. Ǹ yii a wɔlɔ yii wa, ǹ too a boo miɛ wa, ǹ ba tɔ we doɛ̃ wa.