Zeremii 8:19 - LAWA A BOO SONBORE 2011

¹⁹ Ka n too kɔ, Maa zaman lɛ nə n toɛ wɔlɔ sɔsɔɔ nɛ, gú diɛ, Maǹ pii: «Dɛnaa Lawa ba *Siɔn doo wa? Kii ba kiwi lɛ n doo wa?» Maǹ nə́ ma foo yoo ka ǹ dìn kɛn nɛ, ka lawa kɔsɔn kɛn nɛ. Wàa na á baa kəni?

LAWA A BOO SONBORE

¹⁹ Ka n too kɔ, Maa zaman lɛ nə n toɛ wɔlɔ sɔsɔɔ nɛ, gú diɛ, Maǹ pii: «Dɛnaa Lawa ba *Siɔn doo wa? Kii ba kiwi lɛ n doo wa?» Maǹ nə́ ma foo yoo ka ǹ dìn kɛn nɛ, ka lawa kɔsɔn kɛn nɛ. Wàa na á baa kəni?

Zeremii 8:19 ပူးပေါင်းရင်းမြစ်များ

Loen 135:21

Ka n toa *Siɔn, ka barka da Dɛnaa Lawa nɛ, asɛ mɛn bɛ́ giã-n Zeruzalɛmu. Aleluya, ka Dɛnaa Lawa tɔ bɔ!

Loen 137:1

Wɔ bɛ́ *Baabilonii tà lɛ-a, bɛ̀ wɔ́ n taasɛ Zeruzalɛmu ni, wɔ n giɛ̃ tán, bɛ̀ wɔ wuu pɛ.

Loen 146:10

Dɛnaa *Lawa a kiibaa ba nyɛɛ wa. *Siɔn kele minin lɛn, a n kaa Lawa lɛa yǎa duduu. Aleluya, ka Dɛnaa Lawa tɔ bɔ! bb

Loen 149:2

Izirayeli minin, ka n nyɛnyɛɛ, a din na á ka zɛnaa. *Siɔn minin, ka baa zɔ́n lɛa, a din lɛ n kaa kii lɛa.

Loen 31:6

Dɛnaa Lawa, masɛ n ma din sii toɛ n gɔn. N din nə́ ń ma bɔ sii ni, Lawa bɔlɔgoondɛnaa.

Izayii 1:4

Nsɛ, sii baraa-zɛnaali tɔrɔ, n sii baraan nə́ la yii ni, n wɔ n ka bɔ̀n nɛ! Nɛnyaan gòãn dii wole, tɔrɔ babaraa, ka n dɔ̀ɔ̃ wɔ Dɛnaa Lawa nɛ! Ká Izirayeli a Lawa sonbore kɛ bɔlɔ tii, ka n gòãn dii a ganaa.

Izayii 12:6

Nsɛ mɛn bɛ́ giã-n *Siɔn, foo kɔɔ̃nbaa ǹ lɛ dɛ ka n foo tumaa nɛ, a giala, min mɛn bɛ́ kunun n ni, á gole Izirayeli a Lawa sonbore kɛ nɛ.

Izayii 13:5

Dɛnaa Lawa laanka min mɛnɛn bɛ́ re a foo-yoo kɛa dɔlɔ boe, maǹ boe bǎã sɔsɔɔ nɛ, tán lɛ dan ganaa. Maǹ die gána lɛ tumaa yui.

Izayii 33:22

Dɛnaa Lawa n wɔ nyɛɛnaan-bɔle lɛa. A din nə wɔa kiri-kuruli lɛa. Dɛnaa Lawa n wɔa kii lɛa. A din nə wɔ kirisibiɛ.

Izayii 39:3

Bɛ kio, Lawa a boo gii-dali Izayii daa kii Ezekiasi li, á nɔ̀n da la: «Minin kɛn man nə́ wàa boo da n nɛ? Maǹ boe maa?» Ezekiasi ná a lɛ si: Maǹ boe *Baabilonii, gána sɔsɔɔ nɛ, ǹ nə́ daa n yii kɔ ma ganaa.

Izayii 52:1

N yii kaa, n yii kaa, n pàã nyaa *Siɔn. N mɔnaa sonboren wɔ Zeruzalɛmu, nsɛ kiwi sonbore. A giala, tiin ni ka min mɛnɛn bɛ́ gɔ̀dɛnan lɛa, bɛn gòã á re miɛ n li doo wa.

Zeremii 10:15

Ǹ ba màn kɔn lɛa wa. Maǹ yaa dinsɔɔ̃ diɛ. Ǹ dɔlɔ pinaa, ǹ tumaa á re papaɛ̃.

Zeremii 14:19

Dɛnaa Lawa, ń Zudaa daa sonbore? *Siɔn tìĩ bɔ n nyin ni? Fuu mɛn bɛ́ a nyɛɛ wa, a n siɛ lɔn n tá bɛ diɛ wɔ mìi ni? Wɔ nə n yii diɛ là nyantoro la, sɛnɛ màn kɔn banban bǐɛ̃ lɛa wa. Wɔ nə n yii diɛ wɔa busu á nya la, sɛnɛ, nyɛ́ɛ n die!

Zeremii 14:9

Ma nə n kɔnbɔ ka giĩ pàãwɛɛnaa nɛ, ka zia-baali mɛn bɛ́ a boe la a min kirisibaa wa. Bɛ n siɛ lɔn kəni? A da yaa Dɛnaa Lawa, n tá kun ka wɔ nɛ. N din tɔ n wɔ la, n nyan nə n la bɔ wɔ ganaa wa!

Zeremii 2:5

Dɛnaa Lawa bɛ́ màn mɛn pii, á ke: Ka digolon tá sã goon yii ǹ ma zɛ̀rɛ baa nɛ? Ǹ nə́ n wɔlɔ lui ma ganaa, ǹ nə́ koe dìn lɛ, ǹ mɛnɛn bɛ́ ǹ ba màn kɔn lɛa wa, ǹ dininmaan dɔn nə́ màn kooron baa.

Zeremii 27:10

Ǹ bɛ́ boo mɛn diɛ ka nɛ, soɛ nɛ. Bɛ̀ ka n too kɔ ǹ lon, ka wɔlɔ á re sɔsɔɔ koe kaa gána ganaa. Hiĩ, man die ka pɛsɛ̃ bǎã yii ni, ka gã walan.

Zeremii 31:6

Ǹ kɔn pinaa, wɔlɔ-lɛduə̃lin tá re n lɛ dii Efrayimu kele la ǹ pɛ: Ka yoo wɔ n ta *Siɔn, Dɛnaa Lawa wɔa Lawa li!

Zeremii 32:30

A kũ ǹ tenmaa waáraa ganaa, sii mɛn bɛ́ bɔnɛɛ ma yii li, Izirayeli minin laanka Zudaa minin man nə́ bɛ lɛ zɛnaa. Ǹ zɛnaa ǹ siin tumaa n ma foo yui. Dɛnaa Lawa a da ǹ boo ne.

Zeremii 7:19

«Maǹ baraa zɛnɛɛ masɛ nɛ? Haayii! Maǹ zɛnɛɛ ǹ dinin manɛ. A doamaa nɛ a sìi da ǹ dinin ganaa.» Dɛnaa Lawa a da ǹ boo ne.

Zeremii 8:20

Kaa-piɛ nya, tɛ̀fuu waáraa kiɛ̃, á ke wɔ tɔn kirisibaa wa.

Zeremii 9:16

Dɛnaa Lawa Pàãyiidɛnaa a da ǹ boo á ke: Ka n yiri kɔ li, ka lɔ wuu-pɛlen bíi. Ǹ mɛnɛn bɛ́ a yɔrɔ doɛ̃ parsiini, ka bɛn bíi.

Ezekieli 48:35

Kungɔn mɛn bɛ́ re kiwi lɛ lɛnpɛnɛ, a sasabaa n die goɛ̃ gùrù yii duu fulukiwisi (18 000). A kũ bɛa pinaa lɛ ganaa, kiwi lɛ tɔ n die goɛ̃ ka kɛ nɛ: "Dɛnaa Lawa tá kànaa".

Abdiasi 1:17

Sɛnɛ, min mɛnɛn bɛ́ re baa sii ǹ la, bɛn tá re n duri *Siɔn kele kɛ la, á re wusii a kele sonbore baa. Zakɔba tɔrɔn tá re wusii, ǹ nə ǹ bǎã si ǹ zɔ́ɔn la.

Misee 4:9

Zeruzalɛmu, là-paparɛɛ bɛ́ á dɔ n-a, wàa na á baa n tá n lɛ dii kanna, ka lɔ nɔnɔ-a n nɔ̀ɔrɔ koe? N kii lɛ na a banban doo wa? N doroli lɛ na á gã?

Sofonii 3:15

Zɛ̀rɛ mɛn tumaa bɛ́ ka bɔlɔ-a, Dɛnaa Lawa bɛ bɔ, á kaa zɔ́ɔn kaa baa la. Dɛnaa Lawa, Izirayelin kii tá kun ka ka nɛ. Ka nyan nyɛ́ɛ baa bɔ̀n nɛ doo wa.

Zakarii 2:9

Dɛnaa Lawa a da ǹ boo á ke: Ma dinmaa á re goɛ̃ ma tan ka tɛ kungɔn bɛ́ lɔn kiwi lɛ lɛnpɛnɛ. Ma á re maa tɔ golebaa nyɛɛ kiwi lɛ bii.»

Nya ǹ dín 14:15

«Wàa na á baa ka tá siin kɛn zɛnɛɛ? Wɔsɛn dɔn man minbuiinin lɛa ka ka bɛ́ lɔn. Wɔsɛn bɛ́ boo kɔɔ̃n mɛn pii ka nɛ, bɛ n ka kɛ nɛ, wɔsɛn wáa ka n bɔ kɛa dì kooron kɛn kio, ka wusoo ka da Lawa yiikoonaa kɛ ganaa, Lawa mɛn bɛ́ á lon laanka tán zɛnaa, ka yìsi mu ni ka a gɔ́ɔ̃gɔ́ɔ̃ ǹ màn tumaa nɛ.

Timəə dí-pɛn 31:17

Bɛa pinaa kəni, ma foo á re yui ǹ li. Ma á re ǹ toɛ walan, man yɔrɔ bɔyaa ma bɔ ǹ la. Bɛa biikoo li, tɔrɔ kɔsɔn tá re ǹ dii. Bɔ̀n gigiã laanka nɔmaa dadaran tá re doe ǹ ganaa. Ǹ tá re pii bɛa pinaa kɛ lɛ nɛ: «Bɛ̀ ń bɛa bɔ̀n gigiã kɛ yaa wɔ yii, wɔa Lawa lɛ na a ba kun ka wɔ-n doo wa.»

Sii-nyaan 2:1

Yezu pɛ ma nɛ: «Sɛ́wɔ kɛ kiɛ̃ n dia Efɛɛzin Lawa a sɔmɔ a lon a dia dí-a wole la: Masɛ mɛn bɛ́ leere sɔbaa n ma gusin ni, má n tɔ we sana bolon koa ǹ bǎã sɔbaa bii, man pii ka nɛ: