Zeremii 8:14 - LAWA A BOO SONBORE 2011

¹⁴ Waa na á baa wɔ á tán kànaa? Ka wɔ n lɛ sɔkɔn wɔa kiwi tamaa wole sonboren kɛn nɛ, wɔ n yii da gɛ̀ la, a giala, wɔa Lawa, Dɛnaa Lawa n zoɛ̃ li a wɔ dɛ. A n wɔ kiɛ sèwò mii ganaa. A giala wɔ n wɔ́ sii baraa zɛnaa nɛ.

LAWA A BOO SONBORE

¹⁴ Waa na á baa wɔ á tán kànaa? Ka wɔ n lɛ sɔkɔn wɔa kiwi tamaa wole sonboren kɛn nɛ, wɔ n yii da gɛ̀ la, a giala, wɔa Lawa, Dɛnaa Lawa n zoɛ̃ li a wɔ dɛ. A n wɔ kiɛ sèwò mii ganaa. A giala wɔ n wɔ́ sii baraa zɛnaa nɛ.

Zeremii 8:14 ပူးပေါင်းရင်းမြစ်များ

Samayeli2 20:6

Davida tɔ́n pɛ Abisayii ni: «Kanna kəni, Bikrii a nɛgiĩ Sebaa bɛ́ re màn mɛn zɛnɛɛ wɔsɛn manɛ, bɛ á re baraa koe, a la Abusalɔn wɔ kɛ nɛ. N dinmaa yoo, n maa dí-nyalin kɛn kũ, n Sebaa kio loo, màn mɛn bɛ́ toɛ, a baran duru ǹ bǎã kaka yɛ kiwi kɔn nɛ, n yaa kiɛ̃ papaɛ̃ wɔ la wa.»

Loen 39:2

Man má pɛ, máa man die yiri boe ma din li, màn mɛn bɛ́ toɛ, ma baran boo da ma sã wa. Bɛ̀ min baraan kɛn tá ma yɔrɔ-a lɔn, man die karafɔ we ma lɛ-n.

Loen 69:21

Sɔ ma foo ziziɛ̃, yǎa á busu baa ma ganaa. Man yii da, máa min kɔn tá re sii lɛ doɛ̃ ma la, sɛnɛ, màn kɔn. Man yii da ma foo-taãli la, sɛnɛ, ma min yɛ wa.

Izayii 47:5

Giã tán, n nə n lɛ tã kiĩni Baabilonii kiwi. N duru wɔlɔ tì li. A giala, ǹ ba re n bíi "gánan kii lɔ" doo wa.

Zeremii 14:20

Dɛnaa Lawa, wɔ á doɛ̃ wáa wɔ́ sii baraa zɛnaa. Wɔ á wɔ digolon siɛ̃n doɛ̃. Wɔ́ sii baraa zɛnaa n nɛ.

Zeremii 14:7

Bɛ̀ wɔa sii baraan tá zɛ̀rɛ diɛ wɔ la, Dɛnaa Lawa n din tɔ taman yii, sii zɛnaa. Sonbore, wɔa sãn nə́ mɔnaa. Wɔ n zɛ̀rɛdɛnan lɛa n wɔ paǹ li.

Zeremii 23:15

Bɛ lɛ nɛ, Dɛnaa Lawa Pàãyiidɛnaa á kɛ pii Lawa a boo gii-dalin paǹ li: Man die liɛ kɔɔsɛ koe ǹ la ǹ sɔ̃, ma sèwò kɔ ǹ la ǹ mi. A giala Zeruzalɛmu a Lawa a boo gii-dalin lɛn man ka mu yala gɔ̀dɛnaa bɛ́ lɔn, n daɛ gána lɛ tumaa la.

Zeremii 3:25

Ka waa tán sìi li. Wɔa yii gugurubaa papaã. A giala, wɔ laanka wɔ digolon man wɔ sii baraa zɛnaa, Dɛnaa Lawa wɔa Lawa ganaa, a kũ wɔa tenmaa waáraa ganaa a da pelo yaa. Wɔ n too kɔ Dɛnaa Lawa wɔa Lawa a da ǹ boon li wa.

Zeremii 35:11

Sɛnɛ, Baabiloniin kii Nebukadenezɔɔrɔ bɛ́ á yoo gána lɛ gialaa, wɔ́ taasiɛ wɔ kɛnɛn: Á soɛ wɔ ganaa wɔ wo Zeruzalɛmu màn mɛn bɛ́ toɛ wɔ kanbaa *Baabilonii gána a sɔraasin laanka Siirii gána wɔn ganaa. Sisia, wɔ n giã-n kiwi lɛ gɔ́ɔ̃ nɛ.»

Zeremii 9:14

Á bǐɛ̃ kɔ, masɛ Dɛnaa Lawa Pàãyiidɛnaa, Izirayeli a Lawa bɛ́ boo mɛn diɛ, á ke: Líɛ mɛn bɛ́ kɔɔsɛ, man die bɛ biɛ ǹ màn-bii lɛa, ma ǹ da sèwò mii ganaa.

Zeremii 9:15

Tɔrɔn mɛnɛn bɛ ǹ dininmaan laanka ǹ díin nə ǹ dɔ̃ wa, man die ǹ pɛsɛ̃ bɛn bii. Ma á re zia yiɛ ǹ ganaa, ma ǹ yii dɛ lenlen.»

Busii pɛ 3:19

N taasɛ maa fuu kɛ laanka maa nɔmaa kɛ nɛ, maa foo ziziɛ̃ laanka màn kɔɔsɛ kɛ nɛ.

Lawa a wúlu-bɔlen 10:3

Muizu tɔ́n pɛ Aarɔn nɛ: kɛ lɛ a lɛa nɛ, Dɛnaa Lawa tɔ́n boo da á pɛ kɛnɛn: Min mɛnɛn bɛ́ n mɔrɛ ma ganaa, man li, bɛn nə maa Lawabaa kɛ dɔ̃, man li máa ǹ ma guguru kɔ zaman kɛ tumaa yɔrɔ-a. Aarɔn nə n lɛ da boo-n wa.

Amɔɔsi 6:10

Ǹ dɔɔ̃n goon tá re die ǹ geren goɛ, a ǹ bɔ kion lɛ nɛ, a wo ǹ tã. Min mɛn yii bɛ́ tɔn koo, durii-n kion lɛ gɔ́ɔ̃ li, á re nɔ̀n diɛ bɛa dɛnaa la: «Min kɔsɔ tá kunun n ni ya?» Bɛ á re a lɛ sii: «Min kɔsɔ banban!» Á re pii-n dɔn: «N lɛ tã koe! A giala, Dɛnaa Lawa tɔ kɛ a n pii pelo wa.»

Abakuku 2:20

Dɛnaa Lawa sɛ na a kion sonbore kɛ nɛ. Tán tumaa nə́ n lɛ tã a nyɛɛnɛ!

Zakarii 2:13

Sonbore, man die yui tɔrɔn kɛn gialaa. Min mɛnɛn nə goã ǹ bɛ̀rɛn lɛa, bɛn tá re ǹ dɔn kokoe.» Bɛ̀ bɛ nə́ n zɛnaa, ka á re doɛ̃ ka bɛ nɛ, mà Dɛnaa Lawa Pàãyiidɛnaa na á ma dia.

Matiə 27:34

Ǹ nə́ duvɛ̃ lɔlɔkɔn ka yii tii ǹ màn kɔɔsɛ kɔ́n nɛ walan, ǹ nə́ kɔ Yezu la mà a mi. Sɛnɛ, a bɛ́ a ná a nɛ̀n da, a lɛ kɔ á mi wa.

Timəə dí-pɛn 29:18

Bɛ̀ min mɛn dɔ́ bɛa liɛ ǹ boon lɛn ma, yǎa a taasɛ a din gɔ́ɔ̃ nɛ, mà asɛ wɔ na á bǐɛ̃ kɔ, á n pii: «Ma bɛ́ má n tã, má kɔ ma din a taasiɛ lɛ, maa sii tumaa á ke á bǐɛ̃ kɔ!» Sonbore, tán mɛn bɛ́ basiɛ̃ nɛ, mu boro a bɛ ganaa doo wa.

Timəə dí-pɛn 32:32

Wɔa zɔ́ɔn lɛn man ka Sodɔmu minin kɛn bɛ́ lɔn, maǹ ka Gomɔɔrɔ minin kɛn bɛ́ lɔn. Ǹ zɛnaa ǹ sii lɛ n ka sèwò bɛ́ lɔn, ǹ nya ǹ dí lɛ n kɔɔsɛ.