Zeremii 8:1 - LAWA A BOO SONBORE 2011

¹ Bɛa waáraa, minin tá re Zudaa kiin wen wɛɛ yala-n, ǹ gána nyɛɛnaandɛnan wɔn nɛ, ǹ Lawa a wúlu-bɔlen wɔn nɛ, ǹ Lawa a boo gii-dalin wɔn nɛ, ka Zeruzalɛmu minin wɔn nɛ. Dɛnaa Lawa a da ǹ boo ne.

LAWA A BOO SONBORE

¹ Bɛa waáraa, minin tá re Zudaa kiin wen wɛɛ yala-n, ǹ gána nyɛɛnaandɛnan wɔn nɛ, ǹ Lawa a wúlu-bɔlen wɔn nɛ, ǹ Lawa a boo gii-dalin wɔn nɛ, ka Zeruzalɛmu minin wɔn nɛ. Dɛnaa Lawa a da ǹ boo ne.

Zeremii 8:1 ပူးပေါင်းရင်းမြစ်များ

Kiin1 13:2

Dɛnaa Lawa boo da ka a boo gii-dali lɛ-n doo, á n toa wúlu bɔ ǹ bǎã lɛ ganaa ka paraa nɛ: – Wúlu bɔ ǹ bǎã! Wúlu bɔ ǹ bǎã! Dɛnaa Lawa n kɛ pii: «Á ke, nɛginin goon tá re yii Davida a sumu-n, a tɔ n die goɛ̃ Zoziasi. Bɛa Zoziasi lɛ tá re wúlu bɔ ǹ bǎã kɛa wúlu-bɔlen dii la, wúlu-bɔlen mɛnɛn lɛn bɛ́ da yon gìĩ kɔɔ̃n tiɛ̃ la. Zoziasi tá re minbuiin nɛ wen tiɛ̃ la.»

Kiin2 23:16

Zoziasi bɛ́ á n yɔrɔ bɔyaa á ga, á gere yalan yɛ tán kele la, á minin dia ǹ nə́ woo bɛa yalan lɛn gere wen waa. Zoziasi bɛa gere wen lɛn tã wúlu bɔ ǹ bǎã lɛ la. Á wúlu bɔ ǹ bǎã lɛ baa màn kooro lɛa bɛa yɔrɔ lɛ la, ka Dɛnaa Lawa goã á ná a boo gii-dali da a pɛ ganaa lɔn, á bɛa siin kɛn boo da.

Kiin2 23:20

Dì wúlu bɔ ǹ bǎãn wúlu-bɔlen mɛnɛn tumaa goã walan, Zoziasi bɛn tumaa dɛ wúlu bɔ ǹ bǎãn lɛn la, á minbuiin wen dɔn tã ǹ la. Bɛ kio, á wusoo á daa Zeruzalɛmu.

Kiin2 9:37

Zezabɛli gere tá re n biɛ ka tɔɔn bù bɛ́ lɔn wuru fúlu bii, Zizereyɛli tán la, yǎa min ba re boe la a pɛ mà Zezabɛli gere n ke wa.»

Loen 53:5

Sii baraa-zɛnaalin kɛn lɛn kɔn yiri na a banban? Ǹ nə́ ke maa minin lɛn gialaa, ǹ soɛ̃ fu, ǹsɛn ba Lawa tɔ pii wa.

Zeremii 14:16

Ǹ boon kɛn pɛ min mɛnɛn manɛ, zia laanka bòo n die ǹ dɛnan dii. Ǹ dinin ni, ǹ lɔn nɛ, ǹ nɛgiĩn ni, ǹ nɛlɔn nɛ, ǹ gere n die goɛ̃ tán bǎã tumaa nɛ Zeruzalɛmu a zii mìin ni. Min kɔn ba re yii a ǹ bĩ wa. Ǹ baraan mɛnɛn zɛnaa, man die bɛ lɛ diɛ ǹ mìi ni.»

Ezekieli 37:1

Dɛnaa Lawa Pàã gisĩ ma la. Á ma bɔ á soo ma nɛ ka a din Yiri kɛ pàã nɛ, á woo ma da tán nyankɔrɔ lɛ kɛ bii. Bɛa bǎã lɛ na á goã piɛ̃-n ka gere wen ne.

Ezekieli 6:4

Ma á re kaa *wúlu màn tã ǹ bǎãn kɛn ziziɛ̃, ma kaa nyɔɔ gìĩ kɔɔ̃n tã ǹ mànan kɛn yu, ma kaa minin kɛn dɛ ma ǹ geren kaa tán kaa dìn kɛn yɔrɔ-a.

Ezekieli 6:5

Má á re Izirayeli nɛgiĩn geren kiɛ tán kaa dìn kɛn yɔrɔ-a, má á re ka wen pɛpɛsɛ̃ ma kaa wúlu bɔ ǹ bǎãn kɛn lɛnpɛnɛ nɛ.

Amɔɔsi 2:1

Dɛnaa Lawa na á pɛ kɛnɛn: Moabu minin kɛn nə́ sii baraa gigiã zɛnaa. Ǹ sii mɛn zɛnaa, á kiɛ̃ a bǎã la. A giala, ǹ nə́ Edɔmu minin kii kɛ wen tã, ǹ nə́ baa ton lɛa. Bɛ lɛ n ke, ma á ǹ zɛ̀rɛ biɛ, ma a re wusii maa da ǹ boo kio wa.