Zeremii 7:29 - LAWA A BOO SONBORE 2011

²⁹ Dɛnaa Lawa pɛ: Zudaa a zaman, ń mìi ka sɔsɔrɔ kɛ kuru, n zũ, ǹ mɛn lɛ bɛ́ nyɛɛ mà maǹ nə́ n bɔ ǹ nə́ n koa ma din wɔ lɛa. Gɛ̀ loen lɔ tenten mìi kooro-an kɛn la. N miãlɛ tumaa ma foo yoo. Ma ba n li doo wa, Má n tii.

LAWA A BOO SONBORE

²⁹ Dɛnaa Lawa pɛ: Zudaa a zaman, ń mìi ka sɔsɔrɔ kɛ kuru, n zũ, ǹ mɛn lɛ bɛ́ nyɛɛ mà maǹ nə́ n bɔ ǹ nə́ n koa ma din wɔ lɛa. Gɛ̀ loen lɔ tenten mìi kooro-an kɛn la. N miãlɛ tumaa ma foo yoo. Ma ba n li doo wa, Má n tii.

Zeremii 7:29 ပူးပေါင်းရင်းမြစ်များ

Kiin2 17:20

Dɛnaa Lawa Izirayeli tɔrɔn lɛn tumaa tii. Á sìi da ǹ ganaa, á ǹ wɔ basaã-kɔlen gɔn, á tɔ́n nɔmaa á ǹ loo, á ǹ bɔ a yɔrɔ-a ka sɔɔsɔɔ.

Zɔbu 1:20

Foo-ziziɛ̃ gɔn, Zɔbu yoo á ná a mɔnaa kũ á toɛ̃, á n mìi kɔɔ̃. Bɛ kio, á na á kaa tán a lɛ la, a n pii kɛnɛn:

Izayii 22:12

Bɛa pinaa kɛ nɛ, Dɛnaa Lawa Pàãyiidɛnaa na á goã li mà ka wuu pɛ, ka n lɛ dɛ, ka n mìi kɔɔ̃, ka gɛ̀ koa ǹ mɔnaan wɔ.

Zeremii 12:7

Má n la bɔ maa kion ganaa, màn mɛn bɛ́ maa wɔ lɛa, má bɛ toa walan. Zaman ke má n narɛ taãn-taãnɛ, ma nə ǹ we ǹ zɔ́ɔn gɔn.

Zeremii 14:19

Dɛnaa Lawa, ń Zudaa daa sonbore? *Siɔn tìĩ bɔ n nyin ni? Fuu mɛn bɛ́ a nyɛɛ wa, a n siɛ lɔn n tá bɛ diɛ wɔ mìi ni? Wɔ nə n yii diɛ là nyantoro la, sɛnɛ màn kɔn banban bǐɛ̃ lɛa wa. Wɔ nə n yii diɛ wɔa busu á nya la, sɛnɛ, nyɛ́ɛ n die!

Zeremii 16:6

Kiãn laanka min kooron tá re giɛ̃ gána lɛ nɛ. Ǹ ba re ǹ biĩ wa. Min kɔn ba re ǹ gɛ̀ wuu pii wa. Min kɔn ba re n gɔ̀nɔn tɔtoɛ̃ hinlaa a n mìi ka kɔɔ̃ wa.

Zeremii 3:2

N yii saa lon, n nə n yɔrɔ dia tentenen kɛn la n ga. Tenten goon din tá yii ǹ bii mà n nə n naarɛbaa zɛnaa la wa? Ka diə gole a mu gòo-kɔlin bɛ́ lɔn, N nə́ n goã giã-n tán zii lɛkoro-a, n yii diɛ n sanan la. Ń gána lɛ gɔgɔrɛ kɔ ka n kɔrɔbaa kɛ nɛ, ka n giã ǹ gɔn baraa nɛ.

Zeremii 3:21

Lɛ-dɛ n boe kele mìi ni, Izirayeli minin manɛ. Maǹ wuu pii ǹ nə́ gú diɛ. A giala, maǹ nə́ zii baraa saa, ǹ yiri bɔ ka Dɛnaa Lawa, ǹ Lawa nɛ.

Zeremii 47:5

Gaazaa kiwi, minin mìi n kɔɔ̃ nɛ, maǹ gɛ̀ koɛ. Asikalɔn kiwi, min tumaa nə́ n lɛ tã. Kasɛn kɛn giã-n nyankɔrɔ lɛ kɛ nɛ, ka ǹ die ka gɔ̀nɔn tɔtoɛ̃ yǎa biĩ kəni?

Zeremii 48:37

Giĩn nə́ n mìi kɔɔ̃, ka ǹ lɛtoro ka nɛ. Ǹ nə́ n gɔ̀nɔn tɔtoɛ̃, ǹ nə́ gɛ̀ koa ǹ mɔnaan wɔ.

Zeremii 6:30

Maǹ bɛa minin kɛn lɛn bíi: "wɔrɔ bɔbɔnɛɛ". A giala, maǹ màn bɔbɔnɛɛ lɛa Dɛnaa Lawa yɔrɔ-a.

Zeremii 9:10

Man die Zeruzalɛmu biɛ kɛbɔlɔ gole lɛa, tolokan susu ǹ bǎã lɛa. Man die Zudaa kiwin bɔyɛɛ, ma ǹ baa kɛbɔlɔ lɛa, min ná a giã a-n doɛ̃ wa.

Zeremii 9:16

Dɛnaa Lawa Pàãyiidɛnaa a da ǹ boo á ke: Ka n yiri kɔ li, ka lɔ wuu-pɛlen bíi. Ǹ mɛnɛn bɛ́ a yɔrɔ doɛ̃ parsiini, ka bɛn bíi.

Busii pɛ 5:22

Ma nə n wɔ daa lenlen ya? N foo na á yoo wɔ li á la yii ni?

Ezekieli 19:1

Dɛnaa Lawa tɔ́n pɛ ma nɛ mà ma foo ziziɛ̃ ǹ loe kɛ lɔ Izirayeli minin nyɛɛnaandɛnan kɛn wɔ paǹ li:

Ezekieli 28:12

«Minbuiin a nɛ, foo ziziɛ̃ ǹ loe lɔ Tiiri kiwi lɛ la. N pɛ ǹ nɛ, mà masɛ Dɛnaa Lawa n kɛ pii: Nsɛ lɛ a sii tumaa lɛ na á goã piɛ̃ nɛ, n sii-doɛ̃ ke, bɛ dɔ kɔn, n siĩnbaa kɛ dɔ lɛ pã.

Amɔɔsi 5:1

Amɔɔsi tɔn pɛ: Izirayeli minin lɛn, ka n too kɔ boo kɛ li, ka n too kɔ gɛ̀ loe kɛ li, ma á loe kaa wɔ paǹ li:

Misee 1:16

Zeruzalɛmu minin lɛn, ka n mìi kɔɔ̃. Ka zèwon bɛ́ lɔn, ka nyan ka toa ka mìi-n wa, kaa là-paparɛɛ taman yii, kaa nɛnyaanan kɛn lɛn lɛa, ka tá ǹ narɛ. A giala, maǹ die ǹ goɛ, ǹ wo ǹ ne bɛ̀rɛbaa ǹ bǎã nɛ, ǹ wɔlɔ lui ka ganaa.

Matiə 12:39

Yezu tɔ́n pɛ ǹ nɛ: – Pelo min babaraan, Lawa bɔlɔ tii wolen kɛn man giɛ kaãbaa ǹ sii li! Kaãbaa ǹ sii kɔ́n ba re n nyɛɛ ka nɛ, a kiɛ̃ Lawa a boo gii-dali Zonaasi wɔ kɛ la wa.

Matiə 16:4

Pelo min babaraan, Lawa bɔlɔ tii wolen kɛn ka n giɛ kaãbaa ǹ sii li! Kaãbaa ǹ sii kɔ́n ba re n nyɛɛ ka nɛ, a kiɛ̃ Lawa a boo gii-dali Zonaasi wɔ kɛ la wa. Bɛ kio, á kiɛ̃ á ǹ toa walan.»

Matiə 23:36

Man taãn pii ka nɛ: Bɛa gɛ̀-dɛn kɛn lɛn tumaa a dɔlɔ á die pelo minbuiinin lɛn kuĩ!

Matiə 3:7

Zaã bɛ́ á yɛ ǹ mɛn waáraa, mà *Fariziɛ̃ gigiã laanka *Sadusɛɛ̃ gigiã á die asɛ li, mà asɛ batɛmu da ǹ ganaa, a na á pɛ ǹ nɛ: «Ka kɔrɔka tɔrɔn kɛn! Die na á pɛ ka nɛ, mà Lawa a foo busu ǹ kiri gole mɛn bɛ́ die, mà ka á boe la ka baa si ka la bɛ la?

Nya ǹ dín 2:40

Piɛrɛ boo gigiã kɔsɔn da á Lawa a boo nyaa nɛ, á minin lɛn dɔn nyankɔ, á pɛ ǹ nɛ: «Ka baa si, ka n bɔ busii kɛ li die mɛnɛɛ min kɔkɔrɔn kɛn la.»

Timəə dí-pɛn 32:5

Maǹ nə́ n dinin ziziɛ̃, Lawa sii bie wa, bɛa sìi nə ǹ dinin ganaa, ǹ ba a nɛnyaanan lɛa wa min gɛsɛ manɛ, min kɔkɔrɔn manɛ.