Zeremii 7:26 - LAWA A BOO SONBORE 2011

²⁶ Sɛnɛ, ka n too kɔ ǹ lon wa, ka n too da wa. Ka mìi n laa nɛ, kaa bɔnɛɛbaa la ka digolon wɔ nɛ.

LAWA A BOO SONBORE

²⁶ Sɛnɛ, ka n too kɔ ǹ lon wa, ka n too da wa. Ka mìi n laa nɛ, kaa bɔnɛɛbaa la ka digolon wɔ nɛ.

Zeremii 7:26 ပူးပေါင်းရင်းမြစ်များ

Kiin1 14:22

Sii mɛn bɛ́ baraa Dɛnaa Lawa yii li, Zudaa minin nə́ bɛ zɛnaa. Ǹ sii baraan mɛnɛn zɛnaa, bɛn nə́ Dɛnaa Lawa da miãgoã bɔ ganaa á la sii baraan kɛn tumaa nɛ, ǹ digolon nə́ zɛnaa.

Kiin1 14:9

Min mɛnɛn tumaa kiɛ̃ n nyɛɛnɛ, ń dí baraa nya á la bɛn manɛ. Ń yoo n nə n daa guguru kɔ ǹ mànan la n nə ǹ zɛnaa ka màn nyínin ni fɔlɔ lɛa, ń ma foo busu. N ma dinmaa lɛ sɛ zũ kio.

Kiin2 17:14

Sɛnɛ, ǹ nə n too kɔ wa. Ǹ nə́ n too laa ka ǹ digolon wɔ bɛ́ lɔn, ǹ digolon mɛnɛn lɛn bɛ́ ǹ goã ǹ nə́ golee ǹ Lawa, Dɛnaa Lawa lɛ li wa.

Kiin2 17:15

Ǹ ná a landa boon lɛn toa walan ka lɛ kɔ kɔn la boon kɛn dɔ nɛ, á doa kɔn ka ǹ digolon ne. A ǹ yiri gisĩ ka siin mɛnɛn nɛ, ǹ zɛnaa boo n kaka a gɔn, ǹ nə́ bɛn dɔn toa walan. Maǹ nə́ baa si màn kokooron kio, á ke ǹ dɔn nə́ màn kooron baa. Gánan mɛnɛn nə ǹ lɛnpɛnɛ, maǹ nə́ bɛn sii zɛnaa ǹ gɔn saa, a da yaa, Dɛnaa Lawa goã á n gɔn waa ǹ nɛ mà ǹ baran bɛa gánan lɛn gòɛ̃ saa wa.

KZS2 30:8

Kanna kəni, ka nyan nə n gòan dii ka kaa díin wɔ bɛ́ lɔn wa, ka n dinin kɔ Dɛnaa Lawa la, ka wusoo ka da Lawa a kion kɛ nɛ, á bɔ á koa a din wɔ lɛa duduu. Ka Dɛnaa Lawa kaa Lawa guguru kɔ, màn mɛn bɛ́ toɛ a na a foo-yoo baraa kɛ saa a bɔ ka la.

KZS2 33:10

Dɛnaa Lawa na á goã boo diɛ Manaasee ne kun ká a zaman nɛ, sɛnɛ ǹ goà n yiri koɛ li wa.

KZS2 33:23

Sɛnɛ, a n din boɛɛn kɔ Dɛnaa Lawa yɔrɔ-a ka ǹ di bɛ́ á zɛnaa lɔn wa. Asɛ din wusoo doo á sii baraa zɛnaa á la ǹ di Manaasee ne.

Nehemii 9:29

Ń goã miɛ ǹ ganaa mà ǹ wusoo ǹ nə n dí-pɛ lɛ wɔ ǹ gɔn lɛ, sɛnɛ ǹsɛn nə́ ń dinin gole kɔ, ǹ nə n too kɔ n gɔn waa ǹ boon lɛn ganaa wa. N sii yɔrɔ bɔ ǹ boon mɛnɛn bɛ́, bɛ̀ min mɛn nə́ ǹ si, ǹ nə́ toɛ ǹ dɛnaa n liɛ, ǹ nə́ n piã ka bɛn nɛ. Ǹ nə́ n kɔkɔrɔ suĩ, ǹ nə́ n too laa, ǹ nə n too kɔ wa.

Suusun 29:1

Min mɛn bɛ́ a lɛ koe doroo ganaa wa, sàabaa ba la wa, á re ziziɛ̃ bǎã goon ne.

Izayii 48:4

Ma á doɛ̃, ka ǹ tɔrɔ too kakaan lɛa. Ka wìi n fɔlɔ bàlà lɛa, ka mìi n laa nɛ ka zan bɛ́ lɔn.

Izayii 5:4

Má n parsii tumaa bɔ maa rezɛ̃ wuru kɛ taman yii, ma ba boe la ma kiɛ̃ kɛ la doɛ̃ doo wa. Má goã n yii diɛ rezɛ̃ nɛ sonbore la, sɛnɛ, rezɛ̃ da lɛ na á nɛ pipiã kɔ. Bɛ giala n ka wàa-n kəni?

Zeremii 11:8

Sɛnɛ, ǹ nə n too kɔ wa, ǹ yiri bɔ wa. Maǹ nə́ kɔ ǹ dinin foo a baraabaa kɛ lɛ. Bɛ lɛ nɛ, lɛ kɔ kɔn la ǹ boon lɛn, ǹ nə́ ǹ boo la ǹ nə́ tamaa wa, a laanɛ má n gɔn waa ǹ nɛ, man má yoo ǹ gialaa bɛ lɛ taman yii.»

Zeremii 16:12

Kasɛn zɛnaa ǹ sii bɔnɛɛ kɔ á la ka digolon wɔ nɛ. Didie tumaa nə n parɛɛ a din a taasiɛ baraan ganaa, a ba n too koe maa da ǹ boo li wa.

Zeremii 17:23

Ǹsɛn nə n too kɔ wa, ǹ nə n too da wa. Ǹ nə́ n mìi laa, ǹ nə́ n piã ka maa gɔn waa nɛ, ǹ lɛ kɔ a ganaa wa.»

Zeremii 19:15

– Dɛnaa Lawa Pàãyiidɛnaa, Izirayeli a Lawa a da ǹ boo á ke: «Ma dɔlɔn mɛnɛn boo da kiwi kɛ wɔ paǹ li ka a lɛkoro-a kiwin ni, man die yui ǹ gialaa ka bɛn nɛ. A giala, kiwi minin lɛn mìi n laa nɛ. Maǹ nə n piɛ̃ ǹ ba n too koe maa da ǹ boon li wa.»

Zeremii 22:21

N goã yii-nyɛɛ la ǹ mɛn waáraa, má boo da n nɛ, sɛnɛ ń ma lɛ si ń pɛ: «Ma ba n too koe wa.» N nə́ n zɛnaa miɛ̃ lɛn, a kũ n tenmaa waáraa ganaa, n bin nə n too kɔ ma lon wa!

Zeremii 25:3

– A kũ Amɔn a nɛgiĩ Zoziasi a kiibaa lɛ̀ fulusɔɔbaa ǹ wɔ ganaa Zudaa gána mìi la a da pelo yaa, man má goã timii la ma á Dɛnaa Lawa a boo diɛ ka nɛ. A lɛ̀ fuəwensɔɔ n ka kɛ nɛ ma á boo diɛ ka nɛ, sɛnɛ, ka n too kɔ ma lon wa.

Zeremii 25:7

Sɛnɛ, ka n too kɔ ma lon wa. Dɛnaa Lawa a da ǹ boo ne. Ka ǹ ká sii làfu zɛnaa, ká ma foo yoo ka kaa dì nyín zɛnaan kɛn nɛ, kɛn lɛn koe boe ka ganaa.»

Zeremii 26:5

Ka n too kɔ maa dí-nyali, Lawa a boo gii-dalin kɛn lon. Má goã má ǹ dia ka la gunyin damata sɛnɛ, ka n too kɔ ǹ lon wa.

Zeremii 29:19

Man bɛ zɛnɛɛ a giala, ǹ nə n too kɔ maa boon ganaa wa. Masɛ Dɛnaa Lawa a da ǹ boo ne. A da yaa, má maa dí-nyalin, maa boo gii-dalin dia ǹ la gunyin damata, sɛnɛ ǹ nə n too kɔ ǹ lon wa. Masɛ Dɛnaa Lawa a da ǹ boo ne.»

Zeremii 3:13

Sɛnɛ, n zɛ̀rɛ si. N nə́ n gòãn dii masɛ ganaa, Dɛnaa Lawa, n Lawa ganaa, ń baa si paǹ tumaa li, dìn kio, da tìtìn giulun, n nə n too kɔ ma lon wa.» Dɛnaa Lawa a da ǹ boo ne.

Zeremii 32:23

Ǹ nə́ wɔ a nɛ, ǹ nə́ si ǹ nə́ baa ǹ wɔ lɛa. Sɛnɛ, ǹ nə n too kɔ n lon wa, ǹ kɔ n daraan lɛ wa, ǹ kɔ n dí-pɛn lɛ wa. Bɛ lɛ nɛ pelo, koe kɛ tumaa á boe ǹ ganaa.

Zeremii 34:14

Man má pɛ ǹ nɛ: Kànaa ka lɛ̀ sɔbaa, didie doamaa nɛ a ǹ dɔɔ̃n Ebrəə min toa walan, ǹ mɛn lɛ nə n din sã ka la. Lɛ̀ sɔrɔ gɔ́ɔ̃ nɛ, a n die goɛ̃ kaa bɛ̀rɛ lɛa, sɛnɛ, a lɛ̀ sɔbaabaa ǹ wɔ li ka ǹ dɛnaa toa walan.» Sɛnɛ, ka digolon nə n too kɔ ma lon wa, ǹ nə n yiri kɔ maa boon li wa.

Zeremii 35:15

Biikoo tumaa li, má maa dí-nyalin maa Lawa a boo gii-dalin dia ka la. Kɔn kio ganaa, maǹ nə́ goã pii ka nɛ: «Didie tumaa na a giã ǹ gɔn baraa kaa. Ka sii zɛnaa a yɔrɔ li. Ka nyan kɔ dì kɔsɔn lɛ ka ǹ guguru kɔ wa. Ma gána mɛn kɔ ka laanka ka digolon la, ka á re boe la ka giã bɛ-n kəni.» Sɛnɛ, ka n too da wa, ka n too kɔ ma lon wa.

Zeremii 35:17

Zeremii pɛ doo: – Bɛ lɛ nɛ, Dɛnaa Lawa Pàãyiidɛnaa, Izirayeli a Lawa á kɛ pii: «Zudaa minin ka Zeruzalɛmu minin, ma goã má koe mɛn boo da, man die bɛ lɛ boe ka ganaa. A giala, má boo da ka nɛ, sɛnɛ ka n too kɔ ma lon wa. Ma lɛ dia ka la, sɛnɛ ka n nyəə wa.»

Zeremii 44:16

«Ń bɛ́ mà n man boo diɛ wɔ nɛ ka Dɛnaa Lawa tɔ nɛ, wɔsɛn ba re n too koe n lon wa.

Zeremii 5:3

Dɛnaa Lawa, n bie giɛ sonbore taãn li wa? Ń nə́ ǹ dɛ, sɛnɛ a wɔ ǹ ganaa wa. Ń bɔ̀n da ǹ ganaa, sɛnɛ, ǹ nə́ n piã ka n doroon ne. Ǹ nə́ n mìi laa ka kɔlɔ bɛ́ lɔn, ǹ nə́ n piã mà ǹ ba die n li wa.

Zeremii 6:10

Ma doamaa nɛ ma boo da die ne? Ma doamaa nɛ man gɔn waa die ne, a n too kɔ ma lon? Ǹ too tiɛ̃maa nɛ, ǹ ba n too koe doɛ̃ wa. Ǹ laadoo bie ka Dɛnaa Lawa a boo-n wa. Ǹ ba li wa.

Zeremii 6:17

Má minin bɔ má ǹ koa máa ǹ nə n gɔn waa ǹ nɛ: «Bɛ̀ ka sère gɔ̀lɔ̀ bɛn wuu ma, ka yiri bɔ.» Sɛnɛ, ǹ nə́ pɛ: «Wɔ laadoo bie wa.»

Zeremii 7:24

Sɛnɛ, ǹ nə n too kɔ wa, ǹ nə n too da wa. Ǹ nə́ golee li mà ǹsɛn man koe ǹ taasiɛ bɔbɔnɛɛn lɛn lɛ, ka ǹ foo a baraabaa kɛ nɛ. Màn mɛn tá a ganaa ǹ nə n yɔrɔ dia ma la, maǹ nə́ n dɔ̀ɔ̃ wɔ ma nɛ.

Zeremii 9:13

Maǹ nə́ n mìi laa. Ǹ díin man nə́ Baalin nyaa ǹ nɛ. Maǹ nə́ kɔ bɛa dìn lɛn lɛ.

Ezekieli 12:2

«Nsɛ minbuiin a nɛ, n bɛ́ giã-n tɔrɔn mɛnɛn bii, piã-wɔlen manɛ. Yiin tá ǹ lon, sɛnɛ, maǹ nə n piɛ̃, ǹ ba giɛ ǹ nɛ wa. Toon tá ǹ lon, sɛnɛ maǹ nə n piɛ̃, ǹ ba n too koe wa. A giala, piã-wɔle din taãn-taãnɛn manɛ.

Ezekieli 12:3

Nsɛ minbuiin a nɛ, n too kɔ! N mànan sɔkɔn, ka wo bɛ̀rɛbaa ǹ bǎã-n wole a mànan bɛ́ lɔn. N soo penleen tiɛɛ̃nɛ ǹ dinin yii ni, n woo. N die n soo n nə n bɔ bǎã kɛ nɛ, n wo bǎã kɔsɔ nɛ ǹ dinin yii ni. Kɔntan ǹ tá re doɛ̃ ka bɛ nɛ, màn ǹsɛn man piã-wɔlen lɛa.

Ezekieli 20:30

Bɛ lɛ taman yii, kɛ pɛ Izirayeli tɔrɔn lɛn manɛ: «Masɛ Dɛnaa Lawa gole n kɛ pii: Haya! Ka bɛ́ ká ka digolon giã ǹ gɔn saa, ká kɔrɔbaa zɛnaa kun ka ǹ dì bɔbɔnɛɛn kɛn nɛ, ka n ká *gɔ̀ da ka dinin ganaa.

Danayeli sɛ́wɔ 9:6

N dí-nyalin mɛnɛn nə goã n boo gii diɛ, wɔ n too kɔ bɛn lon wa. Ǹ dinin lɛn man nə́ boo da wɔa kiin manɛ, wɔa goledɛnan nɛ, wɔ digolon laanka gána lɛ a zaman tumaa nɛ, ka n din tɔ nɛ.

Ozee 11:7

Maa zaman lɛ gɔn nə tɔn paraa nɛ ǹ piã ǹ siin lɛn ganaa. Maǹ nə́ ǹ bii woe lon, sɛnɛ ǹ kɔn ba yui wa.

Zakarii 7:11

Sɛnɛ, minin nə́ n piã ǹ nə n too kɔ wa. Ǹ nə́ n dɔ̀ɔ̃ wɔ, ǹ nə́ n toon tã màn mɛn bɛ́ toɛ ǹ nyan màn kɔn ma wa.

Malakii 3:7

A kũ ka digolon waáraa ganaa, ka kɔ maa daraan lɛ wa, ka ǹ lɛ si wa. Ka wusoo ka da masɛ li, ma á re wusii ma kaa wɔ baa. Ma din Dɛnaa Lawa Pàãyiidɛnaa n má pɛ. Ka n pii: «Wɔ n siɛ lɔn wɔ wusoo wɔ da n li?»

Matiə 21:38

Sɛnɛ, wuru dí-nyalin lɛn bɛ́ ǹ nə́ yɛ die, ǹ nə́ pɛ kɔn nɛ: «Haya, a kíɛ̃-saali lɛ á ke. Ka daa, wɔ dɛ, wɔ wuru lɛ si.»

Matiə 23:32

Haya! Ka digolon nə sii mɛn giala kɔ, kasɛn nə n doa ka a lɛ pã!

Nya ǹ dín 7:51

Itian mà ǹ ganaa: Ka mìi á kaka, ka foo á kaka, ka too dɔ á kaka! Baraabaraa ka nə n piɛ̃ ka Lawa a Yiri Fu kɛ nɛ. Ka tumaa n goon ka ka digolon lɛn nɛ.

Rɔmu minin 2:5

N too á kaka koe! N nə́ n piã ka Lawa a bǐɛ̃baa kɛ nɛ. Bɛ lɛ taman yii, n doamaa bɛ-n ka dɔlɔ mɛn nɛ, n ná a yɔrɔ boe koɛ n din ni, Lawa a kiri-kurii pinaa, bɛ á re gole koe doo a la yii ni. Bɛa pinaa kɛ nɛ, Lawa á re a kiri kɛ a peperebaa nyɛɛ min tumaa yɔrɔ-a, ka foo-busii gole ne.

Timəə dí-pɛn 8:20

Bɛ̀ ka kaa Lawa, Dɛnaa Lawa lɛ si wa, ka á re papaɛ̃ ka tɔrɔ kɔsɔn kɛn bɛ́ lɔn, Dɛnaa Lawa nə́ ǹ papaɛ̃ ǹ boe ka nyɛɛnɛ.