Zeremii 7:20 - LAWA A BOO SONBORE 2011

²⁰ Bɛ lɛ nɛ, Dɛnaa Lawa pɛ: «Man die maa foo-yoo baraa kiɛ kiwi kɛ la, a minin ni a tɔɔn nɛ, kɔnlɛ ka a dan laanka a tán kɔsiɛ mànan nɛ. Á die n biɛ ka tɛ bɛ́ lɔn a ná a nimi wa.»

LAWA A BOO SONBORE

²⁰ Bɛ lɛ nɛ, Dɛnaa Lawa pɛ: «Man die maa foo-yoo baraa kiɛ kiwi kɛ la, a minin ni a tɔɔn nɛ, kɔnlɛ ka a dan laanka a tán kɔsiɛ mànan nɛ. Á die n biɛ ka tɛ bɛ́ lɔn a ná a nimi wa.»

Zeremii 7:20 ပူးပေါင်းရင်းမြစ်များ

Kiin2 22:17

Ka bɛ́ ka ma toa walan, ka da yon gìĩ kɔɔ̃n tã guguru kɔ ǹ mànan kɔsɔn manɛ, ka ma foo yoo ka kaa nya ǹ dín ni, bɛ lɛ nɛ ma foo yoo bǎã kɛ lɛ li, ma foo lɛ ná a die wɛɛ wa.

Izayii 10:17

Dɛnaa Lawa ke Izirayeli a wɔlɔ fúlu lɛa, á re tɛ biɛ. A sonborebaa kɛ n die tɛ biɛ, a nyan tewonən kɛn kũ, a ǹ nya lɛawaa goon toto.

Izayii 42:25

Bɛ lɛ nɛ, Dɛnaa Lawa na a foo yoo baraa kɛ kaa ǹ la, ka zia baraa nɛ. Bɛa zia lɛ tɛ da ǹ paǹ yii ganaa a ná a lɛnpɛnɛ nɛ, sɛnɛ, Izirayeli na a giala ma wa; á kũ, sɛnɛ a baa a parsii lɛa wa.

Izayii 66:24

Bɛ̀ ǹ tá soe kiwi lɛ nɛ, min mɛnɛn nə goã ǹ nə́ n gòã dii ma ganaa, ǹ tá re bɛn gere yii tán. Nyuunun mɛnɛn bɛ́ ǹ soɛ̃, bɛn ba re giɛ̃ duduu wa. Tɛ mɛn bɛ́ ǹ kuĩ, bɛa nimi wa. Bɛ ǹ die goɛ̃ sii bɔbɔnɛɛ lɛa minbuiin nɛ tumaa ganaa.

Zeremii 11:16

Má goã má tɔ kɔ a ganaa máa "*olivie da, luu tì, nɛ sonbore koe biikoo yii li". Sɛnɛ, bìn diɛ gole goon gɔ́ɔ̃ nɛ, ma tɛ da a luun ganaa, a gùrùn tumaa yiyiɛ.

Zeremii 12:4

Gána lɛn die goɛ̃ koe ne yǎa biĩ kəni? Wurun man die goɛ̃ tán gere lɛa yǎa biĩ? Tɔɔn laanka bàanan man bɔ̀n biɛ minbuiin nɛn baraabaa taman yii. Maǹ pii: «Sii mɛn bɛ́ re wɔ yii, Dɛnaa Lawa yii ba re bɛ yii wa.»

Zeremii 14:16

Ǹ boon kɛn pɛ min mɛnɛn manɛ, zia laanka bòo n die ǹ dɛnan dii. Ǹ dinin ni, ǹ lɔn nɛ, ǹ nɛgiĩn ni, ǹ nɛlɔn nɛ, ǹ gere n die goɛ̃ tán bǎã tumaa nɛ Zeruzalɛmu a zii mìin ni. Min kɔn ba re yii a ǹ bĩ wa. Ǹ baraan mɛnɛn zɛnaa, man die bɛ lɛ diɛ ǹ mìi ni.»

Zeremii 17:27

Sɛnɛ, bɛ̀ ka n too kɔ ma lon wa, bɛ̀ ka susu ǹ pii koa maa wɔ lɛa wa, bɛ̀ ka guĩ da ka mìi ni, bɛ̀ ka bɔ ka Zeruzalɛmu a kiɛnlɛn nɛ, bɛ̀ á n baa miɛ̃, man die tɛ diɛ kiwi lɛ ganaa. Á re Zeruzalɛmu a kion sonboren kɛn kuĩ, a ná a nimi wa.»

Zeremii 17:4

Ma goã má gána mɛn lɛ kɔ n la kíɛ̃ lɛa, n doamaa nɛ n bɛ toa walan. N tá re n zɔ́ɔn bɛ̀rɛ biɛ gána nɛ, ń bɛ́ n ba gána mɛn din doɛ̃ wa. Hiĩ, ka ǹ ka maa foo yoo tɛ bũ, a n die kuĩ miɛ̃ yǎa duduu.

Zeremii 18:23

Nsɛ Dɛnaa Lawa, ǹ bɛ́ sii mɛn yɔrɔ boe màn mɛn bɛ́ toɛ ǹ ma nyin bɔ, ń tá bɛ doɛ̃ taãn nɛ. N nyan nə ǹ sii baraan toa ǹ nɛ wa! N nyan nə ǹ siɛ̃n tuturu wa! Toa ǹ mɛnaa n yɔrɔ-a! N foo-yoo pinaa, yoo ǹ gialaa!

Zeremii 21:12

Davida a sumu minin lɛn, Dɛnaa Lawa a boo á ke: Baayɛlɛ woo baayɛlɛ, ka kiri pepere wɔ. Ǹ bɛ́ mɛnɛɛ min mɛnɛn la, ka ǹ gɔsɛ ka ǹ bɔ mɛnaa ma la wolen gɔn. Bɛ bie wa, maa foo-yoo baraa kɛ n die yui ka gialaa ka tɛ bɛ́ lɔn. A n die màn tumaa kuĩ, min kɔn ba re boe la a nimi wa kaa zɛnaa ǹ sii baraan kɛn lɛa.

Zeremii 42:18

Zeremii pɛ doo: – Dɛnaa Lawa Pàãyiidɛnaa, Izirayeli a Lawa n kɛ pii: «Má maa foo-yoo baraa kaa Zeruzalɛmu minin la. A din yɔrɔ goon la, bɛ̀ ka woo Ezipti gána nɛ, man maa foo-yoo baraa kɛ kiɛ ka dɔn la. Ka bɛ nɛ, ǹ tá re ka biɛ sii a kɔnboe lɛa, bɛ̀ ǹ tá re lɛn baraa bíi, ǹ sii bɔbɔnɛɛ boo da, ǹ nyɛ́ɛ da min ganaa ka sìi da ǹ sii ni. Ka a re kaa gána kɛ yii doo duduu wa.»

Zeremii 44:6

Bɛ lɛ nɛ má maa foo-yoo baraa kaa Zudaa kiwin laanka Zeruzalɛmu a ziin la. Ǹ nə́ kɛbɔlɔn baa, diə bǎã lɛa ka ka yii bɛ́ a ganaa lɔn pelo.»

Zeremii 6:11

Ma piɛ̃maa-n ka Dɛnaa Lawa a foo-busii ni. Ma a boe la ma kũ ma foo n doo wa. Bɛa foo-yoo lɛ sawaa nɛnyaanan la zii la, kɔnlɛ ka nɛ tenən tumaa nɛ. Ǹ tumaa tá re kòso nɛn biɛ, giĩn ni lɔn nɛ, min golen ne ka min zizin ni.

Zeremii 6:12

Ǹ kionən tá re min kɔsɔn wɔ biɛ, kɔnlɛ ka ǹ wurun ni ka ǹ lɔn nɛ. Ma á re n gɔn siɛ gána kɛa minin li. Dɛnaa Lawa a da ǹ boo ne.

Zeremii 8:13

Ka boo taãn nɛ, man die ǹ sàabiɛ lenlen. Dɛnaa Lawa a da ǹ boo ne, rezɛ̃ ba re goɛ̃ *rezɛ̃ da la wa, gɔ́rɔ ba re goɛ̃ gɔ́rɔ da la wa. Ǹ luu á re laɛ. Man die ǹ we kiɛ̃ wolen gɔn.

Busii pɛ 4:11

Dɛnaa Lawa foo yoo á la yii ni, ǹ miã din da yɛ. A na á n yii taã Siɔn kiwi li. Á tɛ da a ganaa, á kiwi lɛ kũ, yǎa a gòã daa ganaa.

Ezekieli 22:22

Wɔrɔ bɛ́ yoe a yo ǹ kùsì-n lɔn, ka dɔn tá re yoe Zeruzalɛmu kiwi lɛ gɔ́ɔ̃-n miɛ̃. Ka á re doɛ̃ ka bɛ lɛ-n kəni mà ma din nə Dɛnaa Lawa lɛa, maa foo-yoo lɛ a dɔlɔ boe ka ganaa.»

Ezekieli 7:12

A pinaa á die, bɛa sàabiɛ wa. Màn-piili baran n nyɛnyɛɛ wa, a sãli dɔ baran n yɔrɔ kɔsɛ wa. A giala, ma foo n yoo-n gána lɛ a minin tumaa li.

Ezekieli 7:14

Bɛn tá re n pii, mà ka n yɔrɔ bɔ, sɛnɛ, min kɔn ba a re yii a wo zia la wa. A giala, ma foo n yoo-n gána lɛ a minin tumaa li.

Danayeli sɛ́wɔ 9:11

Izirayeli minin tumaa nə́ n dí-pɛ lɛ da ǹ kio. Ǹ nə́ kanaa, ǹ nə n too kɔ n lon wa. Bɛ lɛ nɛ, bɔ̀n da ǹ siin laanka lɛn baraa bíi mɛn boo bɛ́ kiɛ̃-n Lawa a dí-nyali Muizu a dí-pɛn sɛ́wɔ kɛ nɛ, bɛn nə́ daa kaa wɔ la, a giala, wɔ n wɔ́ sii baraa zɛnaa n nɛ Lawa.

Lawa a wúlu-bɔlen 26:28

masɛ dɔ á re n parsii boe ka li. Masɛ dinmaa bɛ́ re dɔlɔ babaraa mɛn boe ka ganaa, kaa sii baraan lɛn taman yii, bɛ á re ka doree.

Nahumu 1:6

A foo-yoo gɔ́ɔ̃ nɛ, die n boe la a gole a yɔrɔ-a? Die yii n boe la a goã koo a foo-yoo baraa kɛ gɔ́ɔ̃ nɛ? A foo-yoo n ka tɛ bɛ́ lɔn, wɔlɔ tumaa kuĩ, haalɛ gɛ̀fu din nə yɔyɔrɛ a nyɛɛnɛ.

Sofonii 1:2

Dɛnaa Lawa a da ǹ boo á ke: Man die màn tumaa papaɛ̃ ma bɔ tán la.

Sofonii 1:3

Man die minbuiin nɛn laanka tɔɔn bɔ̀n biɛ. Man die lon a bàanan laanka mu li ǹ zɔ̀nɔn bɔ̀n biɛ, man die min baraan bɔ̀n biɛ, kɔnlɛ ka màn mɛn tumaa bɛ́ minin boe ǹ kiɛ. Man n die minbuiin nɛn papaɛ̃ ma ǹ bɔ tán la. Dɛnaa Lawa a da ǹ boo ne.

Zakarii 7:12

Ǹ nə́ n foo kaka kɔ ka kɔlɔ bɛ́ lɔn. Ǹ nə́ n piã ka Dɛnaa Lawa Pàãyiidɛnaa a dí-pɛ laanka a boon ne, a ǹ mɛnɛn kɔ a lɛlɛ a Lawa a boo gii-dali la a din yiri barka nɛ. Bɛ lɛ nɛ, Dɛnaa Lawa Pàãyiidɛnaa foo yoo parsiini

Matiə 3:12

A n die min sonboren laanka min baraan niɛ̃ a ǹ bɔ kɔn, ka buu-kɔsɔli bɛ́ màn nàn laanka a kaása niɛ̃ á boe kɔn lɔn, màn mɛn bɛ́ toɛ, a na a màn nàn bɔ a kaa dɔǹ nɛ. Sɛnɛ, á die màn kaása kɛ sɛ tiɛ̃ tɛ-n, tɛ mɛn bɛ́ a ba nimi duduu wa.»

Sii-nyaan 14:10

bɛa dɛnaa á re Lawa a foo yoo ǹ duvɛ̃ mii, ǹ mɛn lɛ bɛ́ Lawa a foo yoo gole paan kɛ nɛ, á re fuu yii kiribi tɛ kɛ nɛ, lon a dia dí-a wole sonboren kɛn laanka Sère Nɛ kɛ yɔrɔ-a.