Zeremii 7:19 - LAWA A BOO SONBORE 2011

¹⁹ «Maǹ baraa zɛnɛɛ masɛ nɛ? Haayii! Maǹ zɛnɛɛ ǹ dinin manɛ. A doamaa nɛ a sìi da ǹ dinin ganaa.» Dɛnaa Lawa a da ǹ boo ne.

LAWA A BOO SONBORE

¹⁹ «Maǹ baraa zɛnɛɛ masɛ nɛ? Haayii! Maǹ zɛnɛɛ ǹ dinin manɛ. A doamaa nɛ a sìi da ǹ dinin ganaa.» Dɛnaa Lawa a da ǹ boo ne.

Zeremii 7:19 ပူးပေါင်းရင်းမြစ်များ

Ɛsidrasi 9:7

A kũ wɔ digolon biikoo kɛ ganaa, zɛ̀rɛ gole n wɔ ganaa, yǎa á daa pelo kɛ yaa. Wɔa sii baraan taman yii, wɔsɛn nɛ, wɔa kiin ni, ka wɔa Lawa a wúlu-bɔlen ne, kanaa a kiin nə́ pàã nyaa wɔ nɛ, ǹ nə́ zia da wɔ-a, ǹ nə́ wɔ baa bɛ̀rɛn lɛa, ǹ nə́ wɔa mànan kokoo, ǹ nə́ sìi da wɔ-a, sìi mɛn lɛ á ke tɔn wɔ gialaa pelo.

Zɔbu 35:6

Bɛ̀ ń sii baraa zɛnaa, a mìi gɔ́ɔ̃ ǹ sii á doe Lawa-a ya? Bɛ̀ á kɔɔ̃nɛ, n màn da n piã li. Bɛ n wàa zɛnɛɛ nɛ?

Izayii 1:20

Sɛnɛ, bɛ̀ ka n piã, ka woo nyɛɛnɛ ka n gòãn dii ma ganaa, gɔya sa n die ka bɔ̀n biɛ.» Dɛnaa Lawa na á pɛ.

Izayii 1:24

Bɛ lɛ nɛ, Pàãyiidɛnaa Lawa, Izirayeli a Lawa Kaka a daǹ boo á ke: Koe n ka kɛ nɛ! Ma á re yui gòãn dii wolen kɛn gialaa, ma maa gɛ̀ dòo bɔ maa zɔ́ɔn ganaa!

Izayii 45:16

Min mɛnɛn bɛ́ dì nyínin zɛnɛɛ, sìi laanka sɔ n bɛn wɔ lɛa. Maǹ woe, ǹ mìi n zuməə ne.

Zeremii 15:9

Lɔ mɛn nɛ sɔbaa yɛ, nɔmaa n die bɛ yii, a fɔfoã golee. Penleen tá re tèlò biɛ a ganaa. Sìi nə́ n kɔ lɛ. A yii gugurubaa papaã. Min mɛnɛn yii goã koo, ma á re bɛn dii zia la, ǹ zɔ́ɔn yɔrɔ-a. Dɛnaa Lawa a da ǹ boo ne.

Zeremii 2:17

Bɛ bie n din sii lɛa wa, Izirayeli? Masɛ Dɛnaa Lawa nə n nyɛɛnaan boe, sɛnɛ, n nə́ n la bɔ ma-a.

Zeremii 2:19

N sii baraa mɛn zɛnaa, bɛ die a dɔlɔ baa n ganaa. N bɔlɔgoonbaãdɛnaabaa ke, bɛ die a kũ n din mìi ni. Ka bɛ nɛ, n tá re yii, n na a giala ma, mà la bɔ Dɛnaa Lawa ganaa á bɔbɔnɛɛ, a n kɔɔsɛ taãn-taãnɛ, ka masɛ Dɛnaa Lawa guguru kɔ baã bɛ́ lɔn. Masɛ Dɛnaa Lawa Pàãyiidɛnaa a da ǹ boo ne.

Zeremii 20:11

Sɛnɛ, Dɛnaa Lawa n kun ka ma nɛ. A n zia biɛ ka pàã gole ne maa lɛa. Min mɛnɛn bɛ́ boe ma yii ni, bɛn tá re boe ǹ mɛnaa. Ǹ ba re boe sii kɔn la ǹ zɛnaa ma-n wa. Sìi á re n koe ǹ lɛ, a giala, ǹ pàã dɔ ma li wa. Ǹ sìi lɛ n die goɛ̃ miɛ̃ yǎa duduu. Ǹ kɔn yiri a re boe-n wa.

Zeremii 22:22

Piɛ̃ á re n kiãn tumaa goɛ, a wo ǹ ne. Ǹ nə n sanan tumaa goa ǹ wo ǹ ne. Nsɛ, sìi á re n koe n lɛ, n yii a gugurubaa tumaa nya, n zɛnaa ǹ sii baraan kɛn tumaa taman yii.

Zeremii 25:7

Sɛnɛ, ka n too kɔ ma lon wa. Dɛnaa Lawa a da ǹ boo ne. Ka ǹ ká sii làfu zɛnaa, ká ma foo yoo ka kaa dì nyín zɛnaan kɛn nɛ, kɛn lɛn koe boe ka ganaa.»

Zeremii 3:25

Ka waa tán sìi li. Wɔa yii gugurubaa papaã. A giala, wɔ laanka wɔ digolon man wɔ sii baraa zɛnaa, Dɛnaa Lawa wɔa Lawa ganaa, a kũ wɔa tenmaa waáraa ganaa a da pelo yaa. Wɔ n too kɔ Dɛnaa Lawa wɔa Lawa a da ǹ boon li wa.

Zeremii 44:3

Ǹ sii baraan mɛnɛn zɛnaa ǹ nə́ ma foo yoo ne, bɛ lɛ na á toa sii kɛ nə ǹ yɛ. A giala, maǹ nə́ da yon gìĩ kɔɔ̃n tã dì soreen manɛ, ǹ nə́ ǹ guguru kɔ, a da yaa, ǹ ba bɛa dìn lɛn dɔn dinin doɛ̃ wa, ka dɔn dinin ni ka ka dogolon dɔn ba ǹ doɛ̃ wa.

Zeremii 8:19

Ka n too kɔ, Maa zaman lɛ nə n toɛ wɔlɔ sɔsɔɔ nɛ, gú diɛ, Maǹ pii: «Dɛnaa Lawa ba *Siɔn doo wa? Kii ba kiwi lɛ n doo wa?» Maǹ nə́ ma foo yoo ka ǹ dìn kɛn nɛ, ka lawa kɔsɔn kɛn nɛ. Wàa na á baa kəni?

Zeremii 9:19

Lɔn lɛn, ka n too kɔ Dɛnaa Lawa a boon kɛn li. A bɛ́ boo mɛn diɛ, ka n too da li. Ka kaa nɛlɔn daraa gɛ̀ loe kɛ ganaa. Didie na a miãkɛn daraa a ganaa.

Ezekieli 16:26

Zeruzalɛmu, n kɔrɔbaa zɛnaa kun ka Ezipti minin kɛn nɛ, n miãkɛnɛn lɛn, ǹ tɔntɔraabaa n gole. N màn da n kɔrɔbaa lɛ li, yǎa ń má foo yoo.

Korɛnti1 10:22

Hinlaa, wɔ n zoɛ̃ wáa wɔ ga Dɛnaa lɛ li? Ka ǹ taasɛ mà wɔ pàã la Dɛnaa wɔ nɛ?

Timəə dí-pɛn 32:16

Izirayeli minin lɛn man nə́ kɔ lawa kɔsɔn lɛ, ǹ nə́ Lawa da miãgoã bɔ ganaa, ǹ dinin man nə́ sii bɔbɔnɛɛ zɛnaa, ǹ ná a foo da yoo ganaa.