Zeremii 7:18 - LAWA A BOO SONBORE 2011

¹⁸ Nɛnyaanan man gɔn goɛ, díin man tɛ koɛ. Lɔn man wùsu yiɛ ǹ nə́ mɔ̀mɔ diɛ lon a kii lɔ kɛ wɔ lɛa. Maǹ duvɛ̃ zumii lawa kɔsɔn ganaa ǹ tá ma foo yui ni.»

LAWA A BOO SONBORE

¹⁸ Nɛnyaanan man gɔn goɛ, díin man tɛ koɛ. Lɔn man wùsu yiɛ ǹ nə́ mɔ̀mɔ diɛ lon a kii lɔ kɛ wɔ lɛa. Maǹ duvɛ̃ zumii lawa kɔsɔn ganaa ǹ tá ma foo yui ni.»

Zeremii 7:18 ပူးပေါင်းရင်းမြစ်များ

Kiin1 14:9

Min mɛnɛn tumaa kiɛ̃ n nyɛɛnɛ, ń dí baraa nya á la bɛn manɛ. Ń yoo n nə n daa guguru kɔ ǹ mànan la n nə ǹ zɛnaa ka màn nyínin ni fɔlɔ lɛa, ń ma foo busu. N ma dinmaa lɛ sɛ zũ kio.

Kiin1 16:2

«Bayesaa goã màn kɔn lɛa wa, sɛnɛ, masɛ n má kũ má baa maa zaman Izirayeli minin nyɛɛnaandɛnaa lɛa. Kanna kəni, a n sii baraa zɛnɛɛ ka Zeroboamu wɔ bɛ́ lɔn, á maa zaman Izirayeli minin lɛn kiɛ sii baraa nɛ, a n we ma lon ne.

Loen 16:4

Sɛnɛ, man pii kanna máa min mɛnɛn bɛ́ baa sii lawa kɔsɔn kio, bɛa dɛnan nɔmaa a nyɛɛ wa. Masɛ á re *wúlu màn mà kiɛ ǹ ganaa doo wa. Haalɛ, ma á re ǹ boo din diɛ ka ma lɛ-n doo wa.

Izayii 3:8

Zeruzalɛmu kiwi mɛnaa, Zudaa gána bɔ̀n baa. A giala, maǹ nə́ n gòãn dii Dɛnaa Lawa ganaa ǹ da ǹ boon laanka ǹ nya ǹ dín gɔ́ɔ̃ nɛ, maǹ nə́ n gòãn dii a gugurubaa ganaa.

Izayii 57:6

N wɔ gii n ka mu zii kɔlɔ zɔzɔnɔn kɛn nɛ. Bɛ n doe n ganaa. Ma n duvɛ̃ zumii ǹ dinin lɛn ganaa wúlu màn lɛa, ka dì gɔ ǹ màn nɛ n nə́ wúlu màn koe ǹ la. Dɛnaa Lawa n nɔ̀n diɛ: «Ma á siĩn ma lɛ kɔ bɛ ganaa?»

Izayii 65:11

Sɛnɛ, kasɛn mɛnɛn bɛ́ ka n la bɔ masɛ Dɛnaa Lawa ganaa, ka yiri bɔ maa kele sonboren kɛn nɛ. Ka n màn-bii koe dì Gaadi la. Ka n duvɛ̃ lɔlɔkɔn-a koe dì Menii la.

Izayii 65:3

Bɛa tɔrɔ lɛ n giɛ ma lɛ li biikoo tumaa li. Maǹ wúlu boe dù gɔrɔn nɛ, maǹ da yon gìĩ kɔɔ̃n tiɛ̃ kɔlɔn la.

Zeremii 1:16

Ka bɛa yɔrɔ kɛ nɛ, ma á re maa dɔlɔ boe gána lɛa minin tumaa ganaa. Sonbore, ǹ nə́ sii bɔbɔnɛɛ zɛnaa, ǹ nə́ n la bɔ ma ganaa, ǹ nə́ wúlu mànan kɔ lawa kɔsɔn la, ǹ mànan mɛnɛn zɛnaa ka ǹ dinin gɔn nɛ, ǹ nə́ bɛn guguru kɔ.

Zeremii 11:17

Dɛnaa Lawa Pàãyiidɛnaa din na á n zumu. Sɛnɛ kanna, a n koe pii n ni Izirayeli minin laanka Zudaa minin sii baraa zɛnaan taman yii. A giala, maǹ nə́ wúlu mànan kɔ Baali la ǹ nə́ Dɛnaa Lawa foo yoo ne.

Zeremii 17:2

Ǹ bɛ́ n taasɛ ǹ nɛnyaanan nɛ lɔn, maǹ nə n taasɛ ǹ wúlu bɔ ǹ bǎãn laanka ǹ dì bìbĩn kɛn nɛ miɛ̃, ka da luu tìtìn kɛn nɛ tentenen mìi ni,

Zeremii 19:13

Ǹ tá re *gɔ̀ diɛ Zeruzalɛmu a kionən ganaa ka Zudaa a kii kionən ne ka Tofɛti bɛ́ lɔn. Sonbore, bɛa kionən lɛn kalan la, maǹ nə́ da yon gìĩ kɔɔ̃n tã lon a leere kurun wɔ lɛa, ǹ nə́ duvɛ̃ zumii wúlu màn lɛa lawa tiin la.»

Zeremii 25:7

Sɛnɛ, ka n too kɔ ma lon wa. Dɛnaa Lawa a da ǹ boo ne. Ka ǹ ká sii làfu zɛnaa, ká ma foo yoo ka kaa dì nyín zɛnaan kɛn nɛ, kɛn lɛn koe boe ka ganaa.»

Zeremii 32:29

Baabilonii minin nə́ yoo a gialaa, ǹ tá re kuĩ, ǹ tɛ da a ganaa. Minin nə da yon gìĩ kɔɔ̃n tã kionən hinlaa kalan mɛnɛn la *Baali wɔ lɛa, ǹ nə́ mi ǹ màn zuməə dì soreen wɔ lɛa ǹ la, ǹ nə́ ma foo da yoo ganaa nɛ, ǹ tá re tɛ diɛ bɛn ganaa.

Zeremii 44:25

Dɛnaa Lawa Pàãyiidɛnaa Izirayeli a Lawa n kɛ pii: «Ka laanka kaa lɔn man ka pɛ kɛnɛn: Wɔ n lɛ kɔ wáa wɔ á re da yon gìĩ kɔɔ̃n laanka duvɛ̃ zumii lon a kii lɔ la. Wɔ ǹ li wɔ wɔa lɛ-kɔ lɛ pã.» Ka bɛ́ li lɔn ka zɛnaa miɛ̃, ka kaa lɛ-kɔn lɛ pã!

Zeremii 44:4

A da yaa, biikoo tumaa li, má maa dí-nyalin, Lawa a boo gii-dalin dia ka la. Ǹ nə́ pɛ ka nɛ kɔn kio mà ka sabara baa, mà kaa sii bɔbɔnɛɛn kɛn tìĩ a boe-n ma nɛ, mà ka nyan bɛ zɛnaa wa.

Zeremii 7:17

Ǹ bɛ́ sii mɛn zɛnɛɛ Zudaa kiwin ni ka Zeruzalɛmu a zii mìin ni n yii tá bɛ ganaa?

Busii pɛ 5:13

Tɔntɔraan man wii lɔ ǹ gii guĩ. Nɛ tenən manə n gòã niɛ̃ ka gɔn yii ni ǹ mìi ni.

Ezekieli 16:26

Zeruzalɛmu, n kɔrɔbaa zɛnaa kun ka Ezipti minin kɛn nɛ, n miãkɛnɛn lɛn, ǹ tɔntɔraabaa n gole. N màn da n kɔrɔbaa lɛ li, yǎa ń má foo yoo.

Ezekieli 20:28

Ma goã má n liɛ ǹ nɛ máa ma á re gána mɛn koe ǹ la, má bɛ kɔ ǹ la. Sɛnɛ, ǹ bɛ́ walan, bɛ̀ ǹ nə́ tenten yɛ sasa lon, hinlaa ta da nɛ á luu pã ka kɛkɛ, maǹ nə́ goã wúlu boe walan. Wúlu mànan mɛnɛn bɛ́ ma foo yui, ǹ nə́ bɛn kɔ walan, ǹ nə́ goã woe ka foo basã ǹ nyɔɔ gìĩ kɔɔ̃n kɛ-n walan, ǹ nə́ goã duvɛ̃ zumii walan.

Ezekieli 8:16

Bɛ kio, á n bɔyaa ma nɛ, á woo Lawa a kion lɛ a sumu gɔ́ɔ̃ nɛ. Ma bɛ́ Lawa a kion lɛ a wɔ ǹ kiɛnlɛ-a, bɛ̀ giĩ fuəwensooro á ke golee-n siã kɛ laanka wúlu bɔ ǹ bǎã kɛ bii, ǹ nə́ n dɔ̀ɔ̃ wɔ Dɛnaa Lawa a kion lɛ din ni, ǹ nə́ n yɔrɔ dia lɛ̀giala li, bɛ̀ ǹ kaa tán bɛ̀ ǹ wasa guguru kɔ.

Ezekieli 8:17

Á wusoo á pɛ ma nɛ: «Nsɛ minbuiin a nɛ, táa n yɛ? Zudaa tɔrɔn bɛ́ sii bɔbɔnɛɛn mɛnɛn zɛnɛɛ kànaa, á la yii ni. Sɛnɛ, ǹ ba toɛ bɛ dɔ din li wa. Maǹ gána lɛ gɔ́ɔ̃ piɛ̃ ka kakaarɛbaa ǹ siin ni, ǹ nə́ wusii we ma lon. Ǹ nə́ ke n nyin din koe da luu lɛ!

Korɛnti1 10:22

Hinlaa, wɔ n zoɛ̃ wáa wɔ ga Dɛnaa lɛ li? Ka ǹ taasɛ mà wɔ pàã la Dɛnaa wɔ nɛ?

Timəə dí-pɛn 32:16

Izirayeli minin lɛn man nə́ kɔ lawa kɔsɔn lɛ, ǹ nə́ Lawa da miãgoã bɔ ganaa, ǹ dinin man nə́ sii bɔbɔnɛɛ zɛnaa, ǹ ná a foo da yoo ganaa.

Timəə dí-pɛn 32:21

Mànan mɛnɛn bɛ́ lawa kooron lɛa, ǹ nə́ ma da kɔn ka bɛn nɛ, ǹ nə́ ma foo yoo ka ǹ màn kokooron kɛn nɛ. Á bǐɛ̃ kɔ! Tɔrɔ mɛn bɛ́ a tɔrɔ lɛa wa, ma dɔ n die ǹ dɔn kiɛ kɔn ka bɛ nɛ. Tɔrɔ mɛn nə́ ke baãnaa lɛa, man die ǹ foo yui ka bɛ nɛ.

Timəə dí-pɛn 4:19

Lon gɔ̀nɔn ganaa ǹ mànan kɛn tumaa, wasa nɛ, mui ni ka leeren ne, ka baran n yii saa ka ga bɛ kɔn ganaa wa. Ka nyan toa ǹ ka yiri sã, ka yaa kiɛ tán-a ǹ giulun, mà ka nə ǹ guguru koe wa. A giala, kaa Lawa, Dɛnaa Lawa na á bɛa nya ǹ dín kɛn toa kanaa a tɔrɔ kɔsɔn kɛn tumaa gɔn.