Zeremii 7:16 - LAWA A BOO SONBORE 2011

¹⁶ «Nsɛ Zeremii, n nyan nɔ̀n da ma la ka màn kɔn nɛ zaman kɛ wɔ lɛa wa. N nyan Lawa nyankɔ ǹ lɛa wa. N nyan nə n lɛ dɛ ma ganaa n nə n din nɔmaa wa. Ma a re n too koe n lon wa.

LAWA A BOO SONBORE

¹⁶ «Nsɛ Zeremii, n nyan nɔ̀n da ma la ka màn kɔn nɛ zaman kɛ wɔ lɛa wa. N nyan Lawa nyankɔ ǹ lɛa wa. N nyan nə n lɛ dɛ ma ganaa n nə n din nɔmaa wa. Ma a re n too koe n lon wa.

Zeremii 7:16 ပူးပေါင်းရင်းမြစ်များ

Samayeli2 8:18

Zozadaa a nɛgiĩ Benaazaa na á goã Kerɛti minin kɛn laanka Pelɛti minin kɛn mìi la. Davida din a nɛnyaanan kɛn man nə́ goã mìilandɛnan lɛa.

Bɔ bɛ̀rɛbaa nɛ 32:10

Sisia kəni, a toa ma daa. Maa foo-yoo gɔ́ɔ̃ nɛ, man die ǹ dii ma ǹ nya. Bɛ kio, ma á re zɛnɛɛ, zaman gole bɔ Muizu din ni.

Izayii 1:15

Bɛ̀ ka n gɔnɔn goa lon ka á ma nyankoe, man ma yɔrɔ bɔyɛɛ ma bɔ ka la. Ta ka ma nyankɔ lɔn, maa n too koe wa. Ka gɔnɔn man mà lɛa.

Zeremii 11:14

Nsɛ Zeremii, n nyan nyankɔ wɔ zaman kɛa lɛa wa. N nyan gú da hinlaa n gòã kũ da ma ganaa ǹ lɛa wa. Koe biikoo li, ta ǹ nə́ n lɛ dɛ ma ganaa, ma a re n too koe ǹ lon wa.»

Zeremii 15:1

Dɛnaa Lawa pɛ ma nɛ: – Ta Muizu laanka Samayeli din nə́ n gii wɔ boo kɛ nɛ masɛ li, ma a re n yɔrɔ diɛ zaman lɛ la wa. Ǹ loo n nə ǹ bɔ ma yɔrɔ-a ǹ wo sɔsɔɔ.

Zeremii 15:6

N din nə n ma toa walan, Dɛnaa Lawa a da ǹ boo ne, n nə n dɔ̀ɔ̃ wɔ ma nɛ. Bɛ lɛ nɛ, ma yoo n gialaa, ma n ziziɛ̃. Má makara bɔ n ganaa ma nɔmaa.

Zeremii 18:20

Maǹ bǐɛ̃ sarɛɛ ka baraa nɛ? Maǹ nə́ nyankɔrɔ fɔ̃ mà ma mɛnaa a nɛ. A da yaa, n yiri kɔ, man má golee n din yɔrɔ-a, má boo da n nɛ ǹ dinin bǐɛ̃ kɔ á lɛa màn mɛn bɛ́ toɛ, n nə n foo yoo kɛ wɔlɔ lui ǹ ganaa.

Zeremii 4:28

Bɛ lɛ nɛ, tán nə gɛ̀ koɛ, lon, labara gɔ̀nɔn nə́ tii. Hiĩ! Ma màn mɛn pɛ, man bɛ lɛ zɛnɛɛ, ma a re n lɛ boe, ma wusoo maa da ǹ boo kio wa.

Zeremii 7:17

Ǹ bɛ́ sii mɛn zɛnɛɛ Zudaa kiwin ni ka Zeruzalɛmu a zii mìin ni n yii tá bɛ ganaa?

Misee 3:4

Min mɛnɛn bɛ́ bɛ lɛ zɛnɛɛ, ta ǹ nə́ n lɛ dɛ Dɛnaa Lawa ganaa ǹ mɛn pinaa, a re n nyii ǹ la wa. A n die n yɔrɔ din bɔyɛɛ a bɔ ǹ la bɛa pinaa, ǹ zɛnaa ǹ sii babaraan lɛn taman yii.

Timəə dí-pɛn 9:14

Toa ma ǹ dɛ ma ǹ nya, ma ǹ tɔ tuturu ma bɔ kanaa. Ma á re toɛ n din tɔrɔn nə mɔnaa, pàã nə́ ǹ lon á la kɛn manɛ.»

Zaã1 5:16

Sii baraa mɛn bɛ́ a woe ka min ni gɛ̀-n wa, bɛ̀ min nə́ ǹ dɔɔ̃n yɛ bɛ zɛnɛɛ, a Lawa nyankɔ, Lawa á re yiikoonaabaa koe ǹ dɔɔ̃n kɛ lɛ la, bɛ̀ á daa yaa sonbore, sii baraa kɛ lɛ á zɛnaa, bɛ̀ a ba woe-n gɛ̀-n wa. Sɛnɛ, sii baraa goon tan, a n woe ka min ni gɛ̀ nɛ, ma bie máa ka Lawa nyankɔ bɛa sii baraa kɛ miã a lɛa wa.