Zeremii 7:15 - LAWA A BOO SONBORE 2011

¹⁵ Man die kasɛn dɔn zuĩ sɔsɔɔ, ka ma bɛ́ ma ka dɔɔ̃n Efrayimu minin kɛn tumaa zũ lɔn.

LAWA A BOO SONBORE

¹⁵ Man die kasɛn dɔn zuĩ sɔsɔɔ, ka ma bɛ́ ma ka dɔɔ̃n Efrayimu minin kɛn tumaa zũ lɔn.

Zeremii 7:15 ပူးပေါင်းရင်းမြစ်များ

Kiin2 17:23

yǎa Dɛnaa Lawa nə́ ǹ zɔ̃ á ǹ bɔ a yɔrɔ-a ka sɔɔsɔɔ, ka a goã á ná a dí-nyalin, a boo gii-dalin lɛn tumaa kaa a boo diɛ ganaa lɔn. Ǹ nə́ Izirayeli minin lɛn goa ǹ nə́ woo ǹ ne ka sɔɔsɔɔ ǹ gána ganaa, Asiirii gána nɛ. Haalɛ pelo, ǹ tá tɔn walan.

Kiin2 24:20

Bɛa sii kɛ lɛ na á Zeruzalɛmu laanka Zudaa tɔrɔn yɛ, a giala Dɛnaa Lawa foo na á yoo ǹ li, á ǹ wɔlɔ lui a din ganaa. Bɛ kio, Sedekiasi nə́ n gòãn dii Baabilonii a kii lɛ ganaa.

KZS2 15:9

Á Zudaa laanka Bɛnzamɛn minin sɔkɔn, ka Efrayimu, Manaasee ka Simiɔn tɔrɔn kɛn nɛ gùlin lɛa ǹ bii. Izirayeli min gigiã daa n duwəə la, a gialaa, ǹ nə́ yɛ mà Dɛnaa Lawa tá kun ni.

Loen 51:11

N yɔrɔ bɔyaa n bɔ maa sã ǹ siin kɛn la, n maa kɔkɔrɔbaa ǹ siin kɛn tumaa tuturu.

Izayii 7:16

Nɛnyaan lɛ laan bɛ̀ a n sii baraa laanka sii sonbore bɔkɔnlɛ doɛ̃, kii màn paan kɛn lɛn nyɛ́ɛ diɛ n ganaa, ǹ zaman tá re ǹ gánan toɛ walan.

Zeremii 15:1

Dɛnaa Lawa pɛ ma nɛ: – Ta Muizu laanka Samayeli din nə́ n gii wɔ boo kɛ nɛ masɛ li, ma a re n yɔrɔ diɛ zaman lɛ la wa. Ǹ loo n nə ǹ bɔ ma yɔrɔ-a ǹ wo sɔsɔɔ.

Zeremii 23:33

Kɔntan, zaman lɛ a minin tá re nɔ̀n diɛ n la, Lawa a boo gii-dali lɛa hinlaa Lawa a wúlu-bɔle lɛa, ǹ pɛ: – Dɛnaa Lawa a guĩ n ka wàa nɛ? Ń die n nə ǹ lɛ si kɛnɛn: «Ka dinin lɛn man a guĩ lɛa, ma á re n mìi boe ka li.» Dɛnaa Lawa a da ǹ boo ne.

Zeremii 23:39

«Man die ka diɛ ma dɔ̀ɔ̃ nɛ ka guĩ bɛ́ lɔn, ma wo ka zũ, kɔnlɛ ka kiwi kɛ dɔ nɛ, ma kɔ ka la ka ka digolon ne.

Zeremii 3:8

Má Izirayeli bɔyaa wole lɛ loo. A giala, á naarɛbaa zɛnaa. Má kɔn-wɔ toɛ̃ ǹ sɛ́wɔ kɔ la. Sɛnɛ, má yɛ máa ǹ miãnɛn Zudaa bɔlɔgoonbaãdɛnaa lɛ sɛ nyɛ́ɛ baa wa. A dɔ wusoo á woo naarɛbaa zɛnaa.

Zeremii 52:3

Siin mɛnɛn nə n zɛnaa Zeruzalɛmu laanka Zudaa gána nɛ, bɛn nə́ Dɛnaa Lawa foo yoo parsiini. Bɛ lɛ nɛ, a ná a zaman lɛ zũ sɔsɔɔ a din ganaa. Á n gòãn dii *Baabiloniin kii Nebukadenezɔɔrɔ ganaa.

Zeremii 9:19

Lɔn lɛn, ka n too kɔ Dɛnaa Lawa a boon kɛn li. A bɛ́ boo mɛn diɛ, ka n too da li. Ka kaa nɛlɔn daraa gɛ̀ loe kɛ ganaa. Didie na a miãkɛn daraa a ganaa.

Ezekieli 23:31

N nə́ ń kɔ n dɔɔ̃nlɔ lɛ a zɛnaa ǹ sii lɛ. A bɛ́ miɛ̃, ma dɔlɔ mɛn bɔ n dɔɔ̃nlɔ lɛ ganaa, man die bɛ lɛ miã boe n dɔ ganaa.»

Ezekieli 33:25

Bɛ lɛ taman yii, a pɛ ǹ nɛ, mà masɛ Dɛnaa Lawa n kɛ pii: «Ka n siĩ laanka a mà soɛ̃ kun, ká n dìn guguru koe, ká n gɛ̀n didii. Gána lɛ á boe la a kaa wɔ baa, a da yaa, ká n bɛa siin kɛn lɛn dɔn zɛnɛɛ?

Ozee 1:4

Dɛnaa Lawa tɔ́n kɛ pɛ nɛ: «A tɔ kɔ Zizereyɛli. A giala, Zehu tɔrɔn kɛn nə gɛ̀ mɛn dɛ Zizereyɛli, kànaa ka boɛɛn nɛ, ma á re bɛa gɛ̀ dòo boe ǹ ganaa, ma á re Izirayeli tɔrɔn kɛn gána a kiibaa nyɛɛ.

Ozee 12:1

Efrayimu ma lɛnpɛnɛ ka soɛ nɛ, Izirayeli a zaman ma lɛnpɛnɛ ka siɛ̃ nɛ. Sɛnɛ Zudaa a tɔn tɔ we kun ka Lawa nɛ, á pepere min sonboren bii.

Ozee 7:13

Ǹ wɔ n ka bɔ̀n nɛ! A giala maǹ baa sii ma nyɛɛnɛ. Ǹ wɔ na á ziziɛ̃! A giala, ǹ nə́ n gòãn dii masɛ ganaa. Bɛ̀ ma doamaa-n ma ǹ si ma ǹ kaa, sɛnɛ, ǹ ba taãn pii maa wɔ paǹ li wa!

Ozee 9:13

Ma yii n Efrayimu minin ganaa, ka Tiiri bɛ́ lɔn nyankɔrɔ sonbore ne. Sɛnɛ ǹ doamaa nɛ ǹ wo ǹ nɛnyaanan kɔ bɔlɔ-kuruli la.

Ozee 9:3

Ǹ ba re boe la ǹ giã Dɛnaa Lawa a gána kɛ-n wa. Efrayimu minin tá re wusii ǹ wo Ezipti gána nɛ, ǹ màn-bii gɔgɔrɛ bii Asiirii gána nɛ.

Ozee 9:9

Ká dɔ baraabaa lɛ a dù ni, ka Gibeya wɔ kɛ bɛ́ lɔn lɛlɛ. Lawa yiri a die boe ka kaa baraabaa ǹ siin kɛn nɛ wa, á die kaa sii baraan lɛn dɔlɔ boe ka ganaa.

Zonaasi 2:4

Ń ma zũ kɔ̀ mu zuzulu kɛ bii, mu ma da bii walan, n mu koreen lɛn tumaa bɔ ma la.