Zeremii 7:14 - LAWA A BOO SONBORE 2011

¹⁴ Kanna kəni, kion ke ma din tɔ n la, ka n foo doa a ganaa, bǎã ke má kɔ ka laanka ka digolon la, ma Siiloo baa lɔn, man die a dɔ biɛ miɛ̃.

LAWA A BOO SONBORE

¹⁴ Kanna kəni, kion ke ma din tɔ n la, ka n foo doa a ganaa, bǎã ke má kɔ ka laanka ka digolon la, ma Siiloo baa lɔn, man die a dɔ biɛ miɛ̃.

Zeremii 7:14 ပူးပေါင်းရင်းမြစ်များ

Kiin2 25:9

Á tɛ da Lawa a kion kɛ laanka kii a kion ganaa, ka Zeruzalɛmu kiwi a kionən tumaa nɛ. Á tɛ da min dadaran kionən tumaa ganaa.

KZS2 7:21

Lawa a kion kɛ laanka a siĩnbaa kɛ nɛ, á re kɛ bɔlɔ biɛ, min woo min tá re kiɛ̃ a li, ǹ dɛnaa tá re n kaãbiɛ, a n mìi papasa, a n toa: «Wàa na á toa Dɛnaa Lawa gána kɛ laanka Lawa a kion kɛ baa kɛnɛn?»

Loen 78:60

A giã ǹ bǎã ke Siiloo kiwi, á bɛ toa walan, wɔ mɔnaa kion mɛn lɛ dɔ, a giã ǹ bǎã lɛa minin bii, á bɛ dɔ toa walan.

Izayii 64:11

Dɛnaa Lawa, koen kɛn ba n yii li ǹ sii lɛa wa? Ma n die n lɛ tiɛ̃ n wɔ yii puusə kɔ a la yii ni?

Zeremii 12:7

Má n la bɔ maa kion ganaa, màn mɛn bɛ́ maa wɔ lɛa, má bɛ toa walan. Zaman ke má n narɛ taãn-taãnɛ, ma nə ǹ we ǹ zɔ́ɔn gɔn.

Zeremii 23:39

«Man die ka diɛ ma dɔ̀ɔ̃ nɛ ka guĩ bɛ́ lɔn, ma wo ka zũ, kɔnlɛ ka kiwi kɛ dɔ nɛ, ma kɔ ka la ka ka digolon ne.

Zeremii 26:18

Ezekiasi a kiibaa waáraa Zudaa gána mìi la, Lawa a boo gii-dali goon goã a tan Moresɛti min lɛa a tɔ n Misee. Á pɛ Zudaa zaman tumaa-n kɛnɛn: Dɛnaa Lawa Pàãyiidɛnaa n kɛ pii: «*Siɔn nə die n biɛ ka wuru gɔ́ɔ̃ kooro bɛ́ lɔn, hiĩ, Zeruzalɛmu n die kɛbɔlɔ biɛ. Lawa a kion a tenten ke, bɛ n die nyan tewon biɛ.»

Zeremii 26:4

Ń tá re pii ǹ ni kəni mà Dɛnaa Lawa a da ǹ boon nə́ ke: Ka n too kɔ ma lon, ka kɔ maa dí-pɛn kɛn lɛ má ǹ kɔ ka la.

Zeremii 7:10

Bɛ kio, ka n die n dinin nyɛɛ masɛ yɔrɔ-a, kion kɛ nɛ, ma tɔ n la, ka n pii: «Wɔ́ kirisibaa!», ka wusoo doo, ka n sii bɔbɔnɛɛn zɛnɛɛ.

Zeremii 7:12

Bǎã sonbore mɛn goã maa wɔ lɛa Siiloo, ka wo walan. Lɛlɛ, man má goã giã-n walan. Maa zaman Izirayeli minin baraabaa a lɛa ka ga a ganaa ma bɔyaa má baa lɔn.

Zeremii 7:4

Ka ǹ pii: «Lawa a kion nə kànaa, Lawa a kion nə kànaa, Lawa a kion nə kànaa. Ka nyan nə dinin sã ka bɛa soɛ boon kɛn nɛ wa.»

Busii pɛ 2:7

Dɛnaa Lawa nə n piã ka a *wúlu bɔ ǹ bǎã nɛ. Á n la bɔ a bǎã sonbore kɛ ganaa. Á ǹ kion sonboren wɔ ǹ zɔ́ɔn gɔn, Ǹ zɔ́ɔn lɛn manə n lɛ dii Lawa a kion, ka zɔ́n pinaa bɛ́ lɔn.

Busii pɛ 4:1

Wui! Sana lɛ a tɛ pii doo wa. Sana sonbore lɛ tɛ pɛ lɛ da. Lawa a kion a kɔlɔn kɛn, a n siɛ lɔn bɛn tá pɛsiɛ̃-n bǎã tumaa nɛ zii gialaa.

Ezekieli 23:31

N nə́ ń kɔ n dɔɔ̃nlɔ lɛ a zɛnaa ǹ sii lɛ. A bɛ́ miɛ̃, ma dɔlɔ mɛn bɔ n dɔɔ̃nlɔ lɛ ganaa, man die bɛ lɛ miã boe n dɔ ganaa.»

Ezekieli 24:21

mà ma pɛ ka dinin Izirayeli minin lɛn manɛ, mà asɛ Dɛnaa Lawa gole a da ǹ boo á ke: «Maa kion sonbore ke ka tá n dinin koɛ la, ka nə́ n nyɛnyɛɛ la, ka á n foo doɛ a ganaa, ma á re bɛ lɛ ziziɛ̃. Ka kaa nɛgiĩn laanka kaa nɛlɔn mɛnɛn toa Zeruzalɛmu, ǹ tá re bɛn dii.»

Timəə dí-pɛn 12:5

Kaa Lawa, Dɛnaa Lawa bɛ́ re bǎã mɛn boe kaa tɔrɔn lɛn bii, a n tɔ da la, a baa a giã ǹ bǎã lɛa, ka doamaa-n ka wo a guguru kɔ bɛa bǎã lɛ dinsɔɔ̃ nɛ.

Timəə dí-pɛn 28:52

Ǹ tá re die ka lɛnpɛnɛ kaa kiwin lɛn tumaa nɛ. Kaa kungun sasa dadaran kɛn kaa kiwin lɛn lɛnpɛnɛ, ka foo bɛ́ doa nɛ ǹ mɛnɛn lɛn ganaa, yǎa bɛn nə kiɛ kaa gána lɛ nɛ. Kaa Lawa, Dɛnaa Lawa gána mɛn lɛ kɔ ka la, ǹ tá re die koe kaa gána lɛ tumu lɛ, ǹ kaa kiwin kɛn tumaa lɛnpɛnɛ.