Zeremii 7:13 - LAWA A BOO SONBORE 2011

¹³ Á bǐɛ̃ kɔ! Ka bɛ́ ka bɛa siin kɛn lɛn tumaa zɛnaa, má boo da ka nɛ gunyin damata, ka n too kɔ wa, má ka bíi, ka n nyəə wa. Dɛnaa Lawa a da ǹ boo ne.

LAWA A BOO SONBORE

¹³ Á bǐɛ̃ kɔ! Ka bɛ́ ka bɛa siin kɛn lɛn tumaa zɛnaa, má boo da ka nɛ gunyin damata, ka n too kɔ wa, má ka bíi, ka n nyəə wa. Dɛnaa Lawa a da ǹ boo ne.

Zeremii 7:13 ပူးပေါင်းရင်းမြစ်များ

Suusun 1:24

Man ka bíi we, ka lɛ n boe haayii diɛ. Ma nə n gɔn diɛ ka la, min kɔn ba diɛ sii li wa.

Izayii 50:2

Ma bɛ́ ma daa, wàa na á baa ma da min kɔn yaa wa? Má lɛ dia, min kɔn ma lɛ si wa. Wàa na á baa kəni? Ka ǹ taasɛ mà maa boe la ma ka si ma ka kaa wa? Kaa kirisibaa ǹ pàã na a ba ma lon wa? A da yaa, maa paraa-mali dinsɔɔ̃ n yìsi mu piɛ̃ ka daɛ̃. Man tà bɔyɛɛ ma baa diə lɛa. Mu wɛɛ taman yii, zɔ̀nɔn man giɛ̃, ǹ bɔɔ̃.

Izayii 65:12

Sisia kəni, man die ka we kaa zɔ́ɔn gɔn. Ka tumaa n die n musin koɛ tán, ǹ ka bɔlɔ kuru. A giala, má lɛ dia, sɛnɛ ka n nyəə wa. Má boo da ka nɛ, sɛnɛ ka n too kɔ wa. Sii mɛn bɛ́ a kɔɔ̃n ma ganaa wa, ka n bɛ zɛnɛɛ. Sii mɛn bɛ́ a ma foo sii wa, ka n bɛ zɛnɛɛ.

Izayii 66:4

Á bǐɛ̃ kɔ, ma dɔ n die koe yɔrɔ boe ǹ wɔ lɛa. Sii mɛn bɛ́ nyɛ́ɛ diɛ ǹ ganaa, man die bɛ lɛ diɛ ǹ la. A giala, má lɛ dia, min kɔn ma lɛ si wa. Má boo da, min kɔn nə n too kɔ wa. Sii mɛn bɛ́ bɔbɔnɛɛ ma yii li, ka sii mɛn bɛ́ a kɔɔ̃n ma ganaa wa, ka ǹ bɛ lɛ zɛnɛɛ.

Zeremii 11:7

Ma bɛ má ka digolon waa Ezipti gána nɛ má soo ǹ ne, má n gɔn waa ǹ nɛ ka ma parsiini. A da pelo yaa, má belebɔ, má n tɔ nə n gɔn woɛ ǹ nɛ, má n pii: Ma bɛ́ boo mɛn pii ka nɛ, ka n too kɔ li.

Zeremii 11:8

Sɛnɛ, ǹ nə n too kɔ wa, ǹ yiri bɔ wa. Maǹ nə́ kɔ ǹ dinin foo a baraabaa kɛ lɛ. Bɛ lɛ nɛ, lɛ kɔ kɔn la ǹ boon lɛn, ǹ nə́ ǹ boo la ǹ nə́ tamaa wa, a laanɛ má n gɔn waa ǹ nɛ, man má yoo ǹ gialaa bɛ lɛ taman yii.»

Zeremii 13:10

Tɔrɔ baraan manɛ. Ǹ ba n too koe maa da ǹ boon li wa. Maǹ nə n dinin foo kaka koe, ǹ paraamaa-n lawa kɔsɔn ganaa ǹ tá ǹ guguru koe. Ǹ tá re n biɛ ka maabɛlɛ kɛ bɛ́ lɔn, a na a màn kɔn bǐɛ̃ koe doo wa!»

Zeremii 13:11

Dɛnaa Lawa a da ǹ boo á ke: «Minbuiin nɛn bɛ́ maabɛlɛ yii ǹ binbin ni lɔn, ma dɔ n má Izirayeli zaman laanka Zudaa zaman yii ma binbin ni miɛ̃, máa ǹ maa zaman baa, ǹ ma tɔ bɔ, ǹ gugurubaa da ma tɔ la, ǹ ma foo kɔɔ̃n kɔ. Sɛnɛ, ǹ nə n too kɔ ma lon wa.»

Zeremii 25:3

– A kũ Amɔn a nɛgiĩ Zoziasi a kiibaa lɛ̀ fulusɔɔbaa ǹ wɔ ganaa Zudaa gána mìi la a da pelo yaa, man má goã timii la ma á Dɛnaa Lawa a boo diɛ ka nɛ. A lɛ̀ fuəwensɔɔ n ka kɛ nɛ ma á boo diɛ ka nɛ, sɛnɛ, ka n too kɔ ma lon wa.

Zeremii 26:5

Ka n too kɔ maa dí-nyali, Lawa a boo gii-dalin kɛn lon. Má goã má ǹ dia ka la gunyin damata sɛnɛ, ka n too kɔ ǹ lon wa.

Zeremii 29:19

Man bɛ zɛnɛɛ a giala, ǹ nə n too kɔ maa boon ganaa wa. Masɛ Dɛnaa Lawa a da ǹ boo ne. A da yaa, má maa dí-nyalin, maa boo gii-dalin dia ǹ la gunyin damata, sɛnɛ ǹ nə n too kɔ ǹ lon wa. Masɛ Dɛnaa Lawa a da ǹ boo ne.»

Zeremii 32:33

Màn mɛn tá-a ǹ nə n bɔyaa ǹ da masɛ li, maǹ nə́ n dɔ̀ɔ̃ wɔ ma nɛ. A da yaa, biikoo tumaa li, má ǹ daraa, sɛnɛ, ǹ nə n too kɔ ma lon wa, ǹ lɛ kɔ maa daraan ganaa wa.

Zeremii 35:14

Rekabu a nɛgiĩ Zonaadaabu pɛ a nɛnyaanan manɛ mà ǹ baran duvɛ̃ mi wa. Rekabu tɔrɔn lɛn nə́ bɛa boo lɛ si, ǹ duvɛ̃ mi wa, a da pelo yaa. A giala, maǹ nə́ ǹ digolo bɔlɔ si. Sɛnɛ, biikoo tumaa li, masɛ Dɛnaa Lawa boo da ka nɛ, sɛnɛ, ka n too kɔ ma lon wa.

Zeremii 35:15

Biikoo tumaa li, má maa dí-nyalin maa Lawa a boo gii-dalin dia ka la. Kɔn kio ganaa, maǹ nə́ goã pii ka nɛ: «Didie tumaa na a giã ǹ gɔn baraa kaa. Ka sii zɛnaa a yɔrɔ li. Ka nyan kɔ dì kɔsɔn lɛ ka ǹ guguru kɔ wa. Ma gána mɛn kɔ ka laanka ka digolon la, ka á re boe la ka giã bɛ-n kəni.» Sɛnɛ, ka n too da wa, ka n too kɔ ma lon wa.

Zeremii 35:17

Zeremii pɛ doo: – Bɛ lɛ nɛ, Dɛnaa Lawa Pàãyiidɛnaa, Izirayeli a Lawa á kɛ pii: «Zudaa minin ka Zeruzalɛmu minin, ma goã má koe mɛn boo da, man die bɛ lɛ boe ka ganaa. A giala, má boo da ka nɛ, sɛnɛ ka n too kɔ ma lon wa. Ma lɛ dia ka la, sɛnɛ ka n nyəə wa.»

Zeremii 44:23

Koe na á ka yɛ bɛ lɛ taman yii: Ka n ka da yon gìĩ kɔɔ̃n tã dì soreen wɔ lɛa, ka sii baraa zɛnaa ka wɔ Dɛnaa Lawa lon ne. Ka n too kɔ a lon wa, ka n too kɔ a daraan li wa, a dí-pɛn nɛ ka a doroon ne ka min tumaa yii bɛ́ a ganaa lɔn pelo.»

Zeremii 44:4

A da yaa, biikoo tumaa li, má maa dí-nyalin, Lawa a boo gii-dalin dia ka la. Ǹ nə́ pɛ ka nɛ kɔn kio mà ka sabara baa, mà kaa sii bɔbɔnɛɛn kɛn tìĩ a boe-n ma nɛ, mà ka nyan bɛ zɛnaa wa.

Zeremii 5:21

Ka n too kɔ kəni, tɔrɔ yiriwɛɛnaan kɛn, baãnaan lɛa. Ka yiin tan sɛnɛ ǹ ba wɔlɔ yii wa, ka toon tan sɛnɛ ǹ ba boo miɛ wa.

Zeremii 6:10

Ma doamaa nɛ ma boo da die ne? Ma doamaa nɛ man gɔn waa die ne, a n too kɔ ma lon? Ǹ too tiɛ̃maa nɛ, ǹ ba n too koe doɛ̃ wa. Ǹ laadoo bie ka Dɛnaa Lawa a boo-n wa. Ǹ ba li wa.

Zeremii 7:25

A kũ ka digolon soo Eziptin pinaa ganaa a da pelo yaa, baraabaraa, ma maa dí-nyalin, maa boo gii-dalin dia ka la dí lɛa.

Ozee 11:2

Bɛ ǹ tá ǹ bíi, maǹ woe sɔsɔɔ bɛa waáraa. Ǹ nə́ goã wúlu boe Baalin ganaa, ǹ nə́ da yon gìĩ kɔɔ̃n tiɛ̃ dìn ganaa.

Ozee 11:7

Maa zaman lɛ gɔn nə tɔn paraa nɛ ǹ piã ǹ siin lɛn ganaa. Maǹ nə́ ǹ bii woe lon, sɛnɛ ǹ kɔn ba yui wa.

Ozee 9:17

Maa Lawa á re n piɛ̃ ka Efrayimu minin kɛn nɛ, a giala, ǹ nə n too kɔ a lon wa. Ǹ tá re n binbirin boe tɔrɔ kɔsɔn bii.

Zakarii 7:13

á pɛ: «Ma bɛ́ máa ǹ ma bɔlɔ si, ǹ nə n too kɔ wa. A din yii goon ne, bɛ̀ ǹ tá gú diɛ, ma dɔ ba n too koe ǹ lon wa.

Matiə 23:37

Zeruzalɛmu kiwi ganaa, nsɛ mɛn bɛ́ Lawa a boo gii-dalin dii, bɛ̀ n Lawa a dia dí-a wolen dɛ ka kɔlɔ nɛ ǹ gã. Ma gunyin damata n ke giɛ li, ma tá n minin lɛ soekɔn ma din li, ka koo dan bɛ́ a nɛn lɛ soekɔn-a a nyàa kan giulun lɔn, sɛnɛ, ka bɛ́ ka lɛ kɔ wa!