Zeremii 7:11 - LAWA A BOO SONBORE 2011

¹¹ Kion ke ma tɔ n la, ka n bɛ biɛ wurumun susu ǹ bǎã lɛa? Ma yii n bɛ lɛ ganaa sɛn! Masɛ Dɛnaa Lawa a da ǹ boo ne.

LAWA A BOO SONBORE

¹¹ Kion ke ma tɔ n la, ka n bɛ biɛ wurumun susu ǹ bǎã lɛa? Ma yii n bɛ lɛ ganaa sɛn! Masɛ Dɛnaa Lawa a da ǹ boo ne.

Zeremii 7:11 ပူးပေါင်းရင်းမြစ်များ

KZS2 6:33

a bɛ́ re màn mɛn tumaa nyankoe n la, n too kɔ a lon n giã ǹ bǎã lɛ nɛ, n bɛ kɔ la. Màn mɛn bɛ́ toɛ kanaa a tɔrɔn tumaa dɔ̃, ǹ nə n guguru kɔ, ka n zaman Izirayeli minin bɛ́ zɛnɛɛ lɔn. Ka bɛ dɔ nɛ, ǹ dɔ̃ mà kion ke masɛ dɔ, mà n din tɔ n la.

Izayii 1:12

Bɛ̀ ka daa ma yɔrɔ-a, die na á ka bíi mà ka da giã maa kion a sumu-n?

Izayii 56:7

ma á re die ǹ ne maa kele sonbore kɛ la, ma ǹ kã ka foo kɔɔ̃n nɛ ma nyankɔ ǹ kion kɛ nɛ. Ǹ bɛ́ re *wúlu màn tiɛ̃n mɛnɛn koe ma la ka wúlu mànan kɛn nɛ *wúlu bɔ ǹ bǎã nɛ, ma á re ǹ sii. Sonbore, maǹ die maa kion lɛ bíi, «Tɔrɔn tumaa a Lawa nyankɔ ǹ kion.»

Zeremii 2:34

Doobaan laanka yii tì-an mà nə n mɔnaan ganaa, a da yaa dɔn n bie n woo ǹ tɔwaa n kiɛnlɛ yiɛ wa.

Zeremii 23:24

Ta min na á n duru dɔndɔɔn nɛ, ma yii na a ganaa. Dɛnaa Lawa a da ǹ boo ne. Man bǎã tumaa nɛ, lon laanka tán. Dɛnaa Lawa a da ǹ boo ne.

Zeremii 29:23

Kɛa sii kɛ n die ǹ yii, a giala, maǹ nə́ sii bɔbɔnɛɛ zɛnaa Izirayeli gána nɛ, maǹ nə́ naarɛbaa zɛnaa ka ǹ miãn lɔn nɛ. Maǹ nə́ goã mà maǹ boo diɛ ka masɛ tɔ nɛ, sɛnɛ soɛ nɛ. A da yaa, ma màn kɔn pɛ ǹ nɛ wa. Ma tá a tumaa doɛ̃ ma tá a siére-a dɔn. Dɛnaa Lawa a da ǹ boo ne.

Zeremii 7:10

Bɛ kio, ka n die n dinin nyɛɛ masɛ yɔrɔ-a, kion kɛ nɛ, ma tɔ n la, ka n pii: «Wɔ́ kirisibaa!», ka wusoo doo, ka n sii bɔbɔnɛɛn zɛnɛɛ.

Ezekieli 35:13

Ká din gole kɔ ǹ boo da ma ganaa, ká din koa ǹ boon dada ma ganaa. Má ma!

Danayeli sɛ́wɔ 9:18

E, maa Lawa, n too kɔ doɛ̃! Basaã mɛn wɔ yɛ, wɔ laanka n kiwi kɛ nɛ n din tɔ n la, n yii bũ n ga bɛa basaã lɛ-a. A giala, wɔa zɛnaa ǹ sii pepere a lɛa bie toɛ wɔ ń gòã-kũ kɛ diɛ n ganaa wa. Sɛnɛ, n din a makara-doɛ̃ gole kɛ a lɛa nɛ.

Matiə 21:13

Á tɔ́n pɛ ǹ nɛ: – A tá kiɛ̃-n Lawa a boo ne: «Masɛ a kion lɛ n die n bíi Lawa nyankɔ ǹ kion.» Sɛnɛ, kasɛn nə́ ke ka baa wurumunun duru ǹ yala lɛa!

Marki 11:17

Á tɔ́n minin daraa á pɛ ǹ nɛ: – A tá kiɛ̃-n Lawa a boo-n kɛnɛn: «Maa Kion lɛ n die n bíi mà tɔrɔ din tumaa a Lawa nyankɔ ǹ kion, sɛnɛ, kasɛn man biɛ wurumunun duru ǹ yala lɛa!»

Zaã a sɛ́wɔ 2:16

Á tɔ́n pɛ zɛrɛkantoan-sãlin lɛn nɛ: «Ka kɛ tumaa goa ka bɔ kànaa, ka nyan toa ka masɛ Di a kion kɛ baa pii kɔ ǹ kion lɛa wa!»

Ebrəə 4:13

Màn kɔ́n din ba durii-n Lawa la wa. Màn din tumaa na a yɔrɔ-a panparaanɛ, a yii nə́ ǹ ganaa. Wɔ tumaa n die n bɔlɔ pii a din yɔrɔ-a.