Zeremii 7:10 - LAWA A BOO SONBORE 2011

¹⁰ Bɛ kio, ka n die n dinin nyɛɛ masɛ yɔrɔ-a, kion kɛ nɛ, ma tɔ n la, ka n pii: «Wɔ́ kirisibaa!», ka wusoo doo, ka n sii bɔbɔnɛɛn zɛnɛɛ.

LAWA A BOO SONBORE

¹⁰ Bɛ kio, ka n die n dinin nyɛɛ masɛ yɔrɔ-a, kion kɛ nɛ, ma tɔ n la, ka n pii: «Wɔ́ kirisibaa!» ka wusoo doo, ka n sii bɔbɔnɛɛn zɛnɛɛ.

Zeremii 7:10 ပူးပေါင်းရင်းမြစ်များ

Kiin1 9:3

Dɛnaa Lawa pɛ nɛ: – N ma nyankɔ, ń gòã-kũ da ma ganaa màn mɛn a lɛa, má ma. Kion ke ń dɔ ma tɔ la, man die n din nyɛɛ bɛ lɛ-n miɛ̃ duduu. Má á re giɛ a walan parsiini.

Kiin2 21:4

Á *wúlu bɔ ǹ bǎã kɔsɔn dɔ Dɛnaa Lawa a kion. Bɛa kion kɛ lɛ nɛ, Dɛnaa Lawa goã á boo da a wɔ paǹ li á pɛ: «Man die n tɔ toɛ Zeruzalɛmu kiwi.»

KZS2 33:4

Á wúlu bɔ ǹ bǎãn kɔsɔn dɔ Dɛnaa Lawa a kion. Bɛa kion kɛ lɛ nɛ, Dɛnaa Lawa goã á boo da a wɔ paǹ li á pɛ: Man die n tɔ toɛ Zeruzalɛmu kiwi yǎa duduu.

KZS2 33:7

Á dì goon nyín sɛlɛ á da Lawa a kion. A da yǎa dɔn, Lawa goã á pɛ Davida laanka a nɛgiĩ Salomɔn nɛ: «Man die n tɔ toɛ kion kɛ lɛ gɔ́ɔ̃ nɛ Zeruzalɛmu, yǎa duduu. Man má kiwi kɛ lɛ bɔ Izirayeli tɔrɔ fulupaa a kiwin tumaa bii.

Suusun 15:8

Min baraan *wúlu màn ba kɔɔ̃n Dɛnaa Lawa ganaa wa. Sɛnɛ, min peperen Lawa nyankɔ n kiɛ foo la.

Izayii 48:2

A da yaa, ka nə n dinin bíi "kiwi sonbore a minin". Ka nə n doɛ Izirayeli a Lawa ganaa, asɛ mɛn tɔ bɛ́ Lawa Pàãyiidɛnaa.

Zeremii 32:34

Maǹ nə́ ǹ dì nyín bɔbɔnɛɛn kɛn kaa kion kɛ nɛ ma tɔ n la, ǹ nə́ *gɔ̀ da a ganaa.

Zeremii 34:15

Sɛnɛ, kasɛn nə́ goã ka kaa giã ǹ gɔn bɔyaa. Sii mɛn bɛ́ pepere ma yii li, ká bɛ zɛnaa. Didie pɛ ǹ miã nɛ, mà a bɛ̀rɛbaa nya. Ká lɛ-kɔ din wɔ ka ma nɛ maa kion kɛ nɛ ma tɔ n la.

Zeremii 44:9

Ka yiri na á bɔ sii baraan kɛn nɛ ka ǹ zɛnaa Zudaa gána nɛ ka Zeruzalɛmu a ziin la ǹ nɛ? Kaa díin zɛnaa ǹ sii bɔbɔnɛɛn kɛn manɛ, Zudaa kiin wɔn nɛ, ǹ lɔn wɔn nɛ, ka dinin wɔn nɛ ka kaa lɔn wɔn nɛ.

Zeremii 7:11

Kion ke ma tɔ n la, ka n bɛ biɛ wurumun susu ǹ bǎã lɛa? Ma yii n bɛ lɛ ganaa sɛn! Masɛ Dɛnaa Lawa a da ǹ boo ne.

Zeremii 7:14

Kanna kəni, kion ke ma din tɔ n la, ka n foo doa a ganaa, bǎã ke má kɔ ka laanka ka digolon la, ma Siiloo baa lɔn, man die a dɔ biɛ miɛ̃.

Zeremii 7:30

«Sii mɛn bɛ́ baraa ma yii li, Zudaa minin man nə bɛ zɛnaa. Kion mɛn bɛ́ ma tɔ n la, ǹ nə́ nyín bɔbɔnɛɛ kaa a nɛ, ǹ nə́ *gɔ̀ da a ganaa. Dɛnaa Lawa a da ǹ boo ne.

Ezekieli 20:39

Izirayeli minin lɛn, sisia kəni, man kɛ pii ka nɛ: Ka wo kaa dìn lɛn guguru kɔ! Bɛ̀ ka a re n too koe ma lon wa, ma á re giɛ a ganaa. Ma tɔ sonbore kɛ sɛ, ma a re lɛ koe, ka wúlu mànan kɔ kaa dìn la ka bɛ ziziɛ̃-n wa.

Ezekieli 23:29

Ǹ tá re n kuĩ ka zɔ́ɔbaa nɛ. Bɛ̀ ń dí nya ń màn mɛn yɛ, ǹ tá re bɛ tumaa kuĩ ǹ si n la. Ǹ tá re n mɔnaa boe ǹ bɔ n ganaa, ǹ nə n gɔ̀nɔn kooro da. N bɛ́ kɔrɔbaa lɛ zɛnɛɛ ka n tontoro mɛn lɛ nɛ, ǹ tá re bɛ boe ǹ da wɔlɔ fúlu-a. Man die bɛ zɛnɛɛ n nɛ, n gɛsɛbaa laanka n kɔrɔbaa lɛ taman yii.

Ezekieli 23:37

A giala, maǹ nə́ naarɛbaa zɛnaa, ǹ nə́ gɛ̀ dɛ. Ǹ dìn guguru kɔ kɛ lɛ n naarɛbaa lɛa ǹ nə́ zɛnaa. Ǹ nɛnyaanan mɛnɛn yɛ maa wɔn lɛa, ǹ nə́ wúlu bɔ ka bɛn dɔn dinin ni dìn lɛn ganaa.

Ezekieli 23:39

Bɛ̀ ǹ nə́ ǹ nɛnyaanan lɛn dɛ dìn ganaa ǹ mɛn pinaa, maǹ wusii bɛ̀ ǹ da wɔ maa kion sonbore kɛ nɛ a din pinaa, bɛ̀ ǹ bɛ dɔ ziziɛ̃. Ǹ sii mɛn zɛnaa maa kion lɛ nɛ, a din lɛ n ka bɛ nɛ.

Ezekieli 33:25

Bɛ lɛ taman yii, a pɛ ǹ nɛ, mà masɛ Dɛnaa Lawa n kɛ pii: «Ka n siĩ laanka a mà soɛ̃ kun, ká n dìn guguru koe, ká n gɛ̀n didii. Gána lɛ á boe la a kaa wɔ baa, a da yaa, ká n bɛa siin kɛn lɛn dɔn zɛnɛɛ?

Ezekieli 33:31

Ǹ tá re die ma li ka zaman kɛa lɛsɔkɔn pinaa bɛ́ lɔn. Maa minin lɛn tá re die giɛ̃ tán ma yɔrɔ-a. Ǹ tá re n too koe maa boon li, sɛnɛ, ǹ ba re ǹ sii wa. A giala, boo kɔɔ̃n nə soe ǹ lɛ-n, sɛnɛ, ǹ foo kɛ nɛ, maǹ nə ǹ dinin là kio.

Ezekieli 5:11

Dɛnaa Lawa a da ǹ boo á ke: Ma tɔ taman yii, ka bɛ́ ka *gɔ̀ da maa kion sonbore kɛ ganaa kaa sii babaraan kɛn tumaa laanka kaa sii bɔbɔnɛɛn kɛn tumaa nɛ, man die ka dii lenlen, ka ǹ bɛ́ min mìi koɛ̃ lenlen lɔn. Ma a re makara boe ka ganaa wa, ma a re ka toɛ walan wa.

Danayeli sɛ́wɔ 9:18

E, maa Lawa, n too kɔ doɛ̃! Basaã mɛn wɔ yɛ, wɔ laanka n kiwi kɛ nɛ n din tɔ n la, n yii bũ n ga bɛa basaã lɛ-a. A giala, wɔa zɛnaa ǹ sii pepere a lɛa bie toɛ wɔ ń gòã-kũ kɛ diɛ n ganaa wa. Sɛnɛ, n din a makara-doɛ̃ gole kɛ a lɛa nɛ.

Ozee 6:9

Ká wurumu kuru bɛ́ kuu koe minin ganaa lɔn, Lawa a wúlu-bɔlen kurun man nɛn bɛ̀ ǹ minin dɛ Sisɛmu zii la miɛ̃. Bɛa sii bɔbɔnɛɛ kɛ lɛ nɛ ǹ tá zɛnɛɛ.

Amɔɔsi 4:5

Izirayeli minin lɛn, ka kaa yɔ bù buurun lɛn tã, ka kaa Lawa gɔ ǹ mànan lɛn boo da, ka lɛn gole ne, a giala, bɛ lɛ n kɔɔ̃n ka ganaa. Dɛnaa Lawa a da ǹ boo ne.

Sofonii 1:5

Min mɛnɛn dɔn bɛ́, dii kalan ǹ tá lon mànan guguru koe ma á re bɛn bɔ̀n biɛ. Min mɛnɛn bɛ́ masɛ guguru koe ǹ wusoo doo ǹ nə n liɛ ka ǹ dì Molɛki ni ma á re bɛn dɔn bɔ̀n biɛ.

Malakii 3:15

Wɔ́ dɔ̃ kanna kəni, din gole-kɔlen lɛn man ke ǹ foo n kɔɔ̃nɛ. Sii baraa-zɛnaalin lɛn man ke màndɛnan lɛa. Ta ǹ nə́ ga Lawa lɛ li, maǹ nə n boe a-n biikoo yii li.»

Matiə 23:13

Yezu tɔ́n pɛ: – Kasɛn landa sii-daraalin laanka Fariziɛ̃ gɔ́ɔ̃ tì-an kɛn, bɔ̀n na á ka yɛ! Ka n lon a kiibaa ǹ bǎã lɛ a wɔ ǹ kiɛnlɛ tiɛ̃ minin ganaa. Ka dinin ba we wa, min mɛnɛn bɛ́ li ǹ wɔ, ka a toɛ bɛn dɔn tá we wa! [

Zaã a sɛ́wɔ 13:18

Ma bie boo diɛ ka dinin tumaa wɔ gɔn la wa, ma min mɛnɛn bɔ, ma á bɛn doɛ̃. Sɛnɛ, Lawa a boo màn mɛn pɛ, bɛ doamaa nɛ a n zɛnaa; a na á pɛ: «Min mɛn din bɛ́ màn bii kun ka masɛ nɛ, a din lɛ na á n bɔyaa masɛ li.»

Zaã a sɛ́wɔ 18:28

Bɛ kio, ǹ nə́ soo ka Yezu ni Kayifu a piɛ, ǹ nə́ woo-n gánadɛnaa a piɛ baayɛlɛ yiisoon ne. Ǹ bɛ́ ǹ nə́ woo ne, gánadɛnaa lɛ a tɔrɔ kɔsɔ minbaa lɛ taman yii, ǹ wɔ a sumu lɛ-n wa, màn mɛn bɛ́ toɛ, ǹ baran *gɔ̀ lɔlɔ ǹ dinin ganaa wa, ǹ boo la ǹ *kiɛ̃mala ǹ zɔ́n màn bii; bɛ lɛ nɛ ǹ nə́ zɛnaa miɛ̃.