Zeremii 6:7 - LAWA A BOO SONBORE 2011

⁷ Mu piã bɛ́ a mu sui lɔn, a dɔ na a baraabaa lɛ sui miɛ̃. A kiwi bii, kakaarɛbaa laanka wɔlɔ yui dinsɔɔ̃ boo na a tan. Biikoo tumaa li, nɔmaa laanka busulɛn man ma yii giulun.

LAWA A BOO SONBORE

⁷ Mu piã bɛ́ a mu sui lɔn, a dɔ na a baraabaa lɛ sui miɛ̃. A kiwi bii, kakaarɛbaa laanka wɔlɔ yui dinsɔɔ̃ boo na a tan. Biikoo tumaa li, nɔmaa laanka busulɛn man ma yii giulun.

Zeremii 6:7 ပူးပေါင်းရင်းမြစ်များ

Suusun 4:23

Bɛ tumaa a kiɛ̃ kio, boo n foo la a giala yiikoonaabaa a bɔ ǹ bǎã nɛ.

Izayii 1:6

A saa n gòã tìsì ganaa a wo n baã bii yaa, bɛ tumaa n sɔsɔlɛɛ nɛ, n paǹ tumaa n busulɛ lɛa, bayɛrɛ nɛ, ka mandɛ lɛ nɛ. Min kɔn nə ǹ lɛ pii wa, min kɔn nyɔɔ lɔ ǹ ganaa wa, min kɔn màn yii ǹ ganaa wa.

Izayii 57:20

Sɛnɛ, min baraan man ka Yìsi mu gole bɛ́ lɔn, bìn diɛ, a ná a golee wa, bɛrɛɛ laanka yisi tɔrɔ tumaa n soe a mu li.

Izayii 59:6

Ka bɛ mɔnaa mɛn tiɛ̃, a boe la a mɔnaa baa wa. Kaa dí a là a mɔnaa biɛ doɛ̃ ka wɔ ka ganaa wa, kaa sii zɛnaan man ka baraabaa nɛ. Ka gɔnɔn man kakaarɛbaa ǹ dí dinsɔɔ̃ nyɛɛ.

Zeremii 20:8

Bɛ̀ ma á boo diɛ lɔn, paraa nɛ, man «dɔlɔ laanka ziziɛ̃» boo diɛ. Hiĩ, lɛawaa tumaa gɔ̀ɔ̃ nɛ, Dɛnaa Lawa a boo taman yii, minin man sɔ kiɛ ma la, ǹ nə́ ma foo siɛ.

Zeremii 30:12

Dɛnaa Lawa a da ǹ boo á ke: N busulɛ lɛ á baraa, n bayɛrɛ kɛ a nyɛɛ wa.

Zeremii 30:13

Min kɔn ba n zia gii diɛ wa. Busu n nyɛɛ lɛlɛ ǹ dun, sɛnɛ, nsɛ wɔ kɛa dagòã banban.

Zeremii 30:15

A n siɛ lɔn kəni n tá wuu pii n busu kɛ laanka n la paparɛɛ kɛ taman yii? Min kɔn ba boe la a na a kaka kɔ wa. N sã gole kɛ laanka n sii baraa damata kɛa lɛa nɛ má fuun kɛn da n mìi ni.

Zeremii 32:31

Taãn nɛ, a kũ Zeruzalɛmu a giala kɔ ganaa a da kaa pelo lɛ, bɛa kiwi kɛ ma foo yoo. Bɛ lɛ nɛ, ma ba li ma yɛ ma yɔrɔ-a doo wa.

Zeremii 8:22

Da banban Galaati a n la paparɛɛ nyɛɛ wa? Dɔɔtɔrɔ ba walan doo wa? Wàa na á baa maa zaman lɛ a baayɛrɛ a nyɛɛ wa?

Ezekieli 21:29

Bɛ lɛ na á toa masɛ Dɛnaa Lawa gole á ke pii: «Ka n wusii ma yiri diɛ kaa sii baraan lɛn nɛ, ka n ma bɔlɔ tii woone. Kaa zɛnaa ǹ siin lɛn tumaa n nyɛɛ mà ka dinin zɛ̀rɛ nɛ. Ka bɛ́ ka dinin la nyɛɛ miɛ̃, haya! Ǹ tá re ka kuĩ, ǹ wo ka nɛ bɛ̀rɛbaa ǹ bǎã nɛ.

Ezekieli 24:7

A giala, a gɛ̀ mɛn dɛ, bɛa mà á tɔn tan kiwi lɛ nɛ. A na á mà lɛ kaa gɛ̀fu la tán kooro, á kaa tán kooro la, a tii kɔ lɛ wa.

Ezekieli 45:9

Dɛnaa Lawa n ke pii: Izirayeli a goledɛnan lɛn, kaa sii lɛ la yii ni. Ka n bɔ kakaarɛbaa laanka wurumubaa kɛ wɔlɔ li! ka kɔ sonborebaa laanka peperebaa lɛ! Ka maa zaman lɛ a bɔ ma yii-n kɛ lɛ da! Ma din Dɛnaa Lawa a da ǹ boo ne.

Ezekieli 7:11

Kakaarɛbaa na á yoo á golee, á gole kɔ sii baraa zɛnaa taman yii. Ka kɔn ba re goɛ̃ wa, kaa gugurubaa nɛ, ka gɔn mànan nɛ, ǹ kɔn ba re goɛ̃ wa.

Ezekieli 7:23

Ka ǹ kũ ǹ fɔlɔ zɔrɔka zɛnaa, a giala gɛ̀-dɛli la gána lɛ yii ni, kakaarɛbaa dɔ́ kiwi lɛ pã.

Sofonii 3:1

Kiwi mɛn bɛ́ piã-wɔle lɛa, á n din ziziɛ̃, piɛ̃ nɛ ka pàã zɛnaa wolen ne, bɔ̀n bɛ yɛ.