Zeremii 6:23 - LAWA A BOO SONBORE 2011

²³ Ziabaa ǹ mànan manə ǹ sɔraasin gɔn, sa laanka ziabaa ǹ màn lɛ pɛpɛnɛn nə́ ǹ gɔn. Maǹ baraa, ǹ ba makara doɛ̃ wa. Ǹ bìn diɛ wuu n boe ka yìsi mu gole a ginii bɛ́ lɔn. Maǹ sùin la, telee-n kɔn li sɔnbɔraa nɛ, ǹ nə́ die ziabiɛ n ganaa Siɔn kiwi.

LAWA A BOO SONBORE

²³ Ziabaa ǹ mànan manə ǹ sɔraasin gɔn, sa laanka ziabaa ǹ màn lɛ pɛpɛnɛn nə́ ǹ gɔn. Maǹ baraa, ǹ ba makara doɛ̃ wa. Ǹ bìn diɛ wuu n boe ka yìsi mu gole a ginii bɛ́ lɔn. Maǹ sùin la, telee-n kɔn li sɔnbɔraa nɛ, ǹ nə́ die ziabiɛ n ganaa Siɔn kiwi.

Zeremii 6:23 ပူးပေါင်းရင်းမြစ်များ

Izayii 10:32

A din pinaa kɛ lɛ nɛ, n zɔ́ɔn lɛn man die golee Nɔbu kiwi, ǹ nə n gɔn pepere Siɔn kele li, ka Zeruzalɛmu tenten ne.

Izayii 13:18

Ǹ kiɛn man nɛ tenən dii, Ǹ ba nɛnyaan tiɛɛ̃nɛn makara doɛ̃ wa. Ǹ ba ǹ nɛgiĩn makara doɛ̃ wa.»

Izayii 17:12

Wàa koe n ka kɛ nɛ! Tɔrɔ damata gòã wuu á ke boe die. Ǹ gòã wuu n ka yìsi mu gole a ginii bɛ́ lɔn. Maǹ gini ka pàã nɛ ka yìsi mu gole bɛ́ gini lɔn.

Izayii 19:4

Man die Ezipti we mìinaa kakaarɛ gɔn. Kii pàã-zɛnaali á re giɛ̃ a mìi la.» Dɛnaa Lawa Pàãyiidɛnaa a da ǹ boo ne.

Zeremii 25:32

Dɛnaa Lawa Pàãyiidɛnaa a da ǹ boo á ke: «Koe gole nə n koe gánan lɛ, la piɛ̃ gole n boe tán lɛ dan ganaa die.»

Zeremii 25:9

man die gɔsɛ a lɛ̀gɔn la tɔrɔn kɛn tumaa bíi, ma maa dí-nyali Baabiloniin kii Nebukadenezɔɔrɔ bíi. Ma ǹ die yui gána kɛ gialaa, a zaman nɛ, ka ǹ miãkɛnɛn nɛ. Man die ǹ tumaa ziziɛ̃. Man die gána kɛ biɛ bǎã bɔbɔnɛɛ lɛa, kɛbɔlɔ lɛa biikoo yii li. Minin tá re foo ziziɛ̃ ǹ lɛ-dɛ we a ganaa. Masɛ Dɛnaa Lawa a da ǹ boo ne.

Zeremii 30:14

N sanan tumaa yiri bɔ n nɛ. Ǹ laadoo ba n ganaa doo wa. Zeruzalɛmu, má n dɛ ka zɔ́ɔ bɛ́ lɔn, má dɔlɔ baraa bɔ n ganaa, n sã gole kɛ laanka n sii baraa damata kɛa lɛa.

Zeremii 4:13

Zɔ́ɔn lɛn nə́ ke: maǹ die ka la a tì bɛ́ lɔn, Ǹ ziabaa ǹ wotoron yii n fuu ka piɛ̃ gole bɛ́ lɔn, ǹ sùin yii n fuu á la giogialatã-a nɛ. Wàa koe n ka kɛ nɛ! Wɔ́ sàabaa!

Zeremii 4:16

Ka a giala pɛ tɔrɔn tumaa nɛ, ka a boo da Zeruzalɛmu: Zɔ́ɔn lɛn manə n mɔrɛ, maǹ boe gána sɔsɔɔ nɛ. Maǹ ziabaa ǹ lɛ-dɛ we Zudaa kiwin ganaa.

Zeremii 4:29

Sùidɛnan laanka sa-zũlin bìn diɛ nyɛɛnɛ, kiwin tumaa a minin man baa sii. Maǹ baa sii kiɛ tewonən ne, ǹ nə́ dii gɛ̀fun la. Ǹ nə́ n la bɔ kiwin tumaa ganaa, min kɔn ba ǹ nə́ wa.

Zeremii 5:16

Ǹ kiɛn man gɛ̀ pɛsɛ̃, ǹ sɔraasin miã banban.

Zeremii 50:41

Á ke, Tɔrɔ goon nə boe gɔsɛ a lɛ̀gɔn li die. Zaman gole nə n toɛ kanaa lɛ dan ganaa die.

Zeremii 50:42

Sa laanka ziabaa ǹ màn lɛ pɛpɛnɛn man a sɔraasin gɔn. Maǹ baraa, ǹ ba makara doɛ̃ wa. Ǹ bìn diɛ wuu n boe ka yìsi mu gole a ginii bɛ́ lɔn. Maǹ sùin la, telee-n kɔn li sɔnbɔraa nɛ, ǹ nə́ die zia biɛ n ganaa Baabilonii kiwi.

Zeremii 6:4

Maǹ nə́ n lɛ dii: «Ka yoo! Wɔ n yɔrɔ bɔ zia taman yii! Ka wɔ n ta Zeruzalɛmu gialaa, penleen! Ebe! Wasa mɛ, da wúlun nə́ sasa kɔ.

Zeremii 8:16

Zɔ́ɔ nə́ n toa Dan á die. Ǹ sùin lɛ baa wuu n boe. Tán tumaa n bìn diɛ ǹ lɛ baa nyɛɛnɛ. Ǹ nə́ ke yii die, maǹ die gána lɛ ziziɛ̃, kɔnlɛ ka a gɔ́ɔ̃gɔ́ɔ̃ ǹ màn tumaa nɛ, ka kiwi lɛ laanka a minin ni.

Ezekieli 21:31

Ma din Dɛnaa Lawa gole n kɛ pii: Ǹ tá re n kiibaa ǹ bafolo laanka n gɛ̀lɛ boe ǹ bɔ n mìi-a, siin nə n bɔyaa. Min mɛn bɛ́ tán, bɛ á re yui lon, min mɛn bɛ́ lon, bɛ á re gisĩ tán.

Timəə dí-pɛn 28:49

Dɛnaa Lawa á re tɔrɔ kɔsɔn diɛ, ǹ bɔ bǎã sɔsɔɔ nɛ kanaa lɛ dàn ganaa ǹ da ka gialaa. Ka a bɛa tɔrɔn lɛn dinin bɔlɔ miɛ̃ wa. Maǹ die die ka gialaa, ka giogialatã-a wɔ bɛ́ lɔn.