Zeremii 6:10 - LAWA A BOO SONBORE 2011

¹⁰ Ma doamaa nɛ ma boo da die ne? Ma doamaa nɛ man gɔn waa die ne, a n too kɔ ma lon? Ǹ too tiɛ̃maa nɛ, ǹ ba n too koe doɛ̃ wa. Ǹ laadoo bie ka Dɛnaa Lawa a boo-n wa. Ǹ ba li wa.

LAWA A BOO SONBORE

¹⁰ Ma doamaa nɛ ma boo da die ne? Ma doamaa nɛ man gɔn waa die ne, a n too kɔ ma lon? Ǹ too tiɛ̃maa nɛ, ǹ ba n too koe doɛ̃ wa. Ǹ laadoo bie ka Dɛnaa Lawa a boo-n wa. Ǹ ba li wa.

Zeremii 6:10 ပူးပေါင်းရင်းမြစ်များ

Loen 1:2

Sɛnɛ, bɛa dɛnaa lɛ bɛ́ màn mɛn narɛ, bɛ n ka Dɛnaa Lawa a minin daraa ǹ boo kɛ nɛ, a n taasiɛ we bɛ lɛ-a baayɛlɛ laanka tèlò.

Loen 119:16

N foo siin lɛn zɛnaa n kɔɔ̃n ma ganaa parsiini. Ma yiri a boe ka n boo kɛ-n wa.

Loen 119:174

Dɛnaa Lawa, man giɛ li, máa n din ma kirisibaa. N landa boon kɛn tá ma foo kɔɔ̃n koe parsiini.

Loen 119:24

N gɔn waa ma-n boon lɛn dinin tá kɔɔ̃n ma ganaa á la yii ni. Ǹ dinin lɛn man ma doree.

Loen 119:35

Ma da n dí-pɛn kɛn zii la. A giala, bɛ lɛ n kɔɔ̃n ma ganaa.

Loen 119:70

Ǹ foo laa, ǹ ba li ǹ sii kɔn din giala ma wa. Sɛnɛ, n landa boon kɛn kɔmalɛ n kɔɔ̃n masɛ ganaa parsiini.

Loen 119:77

Toa n makara-doɛ̃ kɛ dɔ ma ganaa, ta ma á liɛ. A giala, n landa boon lɛn tá kɔɔ̃n ma ganaa parsiini.

Loen 40:8

Bɛ lɛ nɛ má tɔ́n pɛ, máa màn mɛn nə n kiɛ̃ sɛ́wɔ-munii kɛ nɛ maa wɔ paǹ li,

Bɔ bɛ̀rɛbaa nɛ 6:12

Sɛnɛ, Muizu kɛ pɛ Dɛnaa yɔrɔ-a: «Á ke, Izirayeli nɛnyaanan dinin nə n too kɔ ma lon wa. Faarahɔn nə die n too koe ma lon lɔn, masɛ mɛn bɛ́ maa boo diɛ doɛ̃ wa?»

Izayii 42:20

Nsɛ, Izirayeli a zaman, n sii gigiã yɛ, sɛnɛ n nə n yiri koa màn kɔn li wa. N nə́ n toon bũ, sɛnɛ n boo kɔn ma wa.

Izayii 53:1

Wɔ boo mɛn ma, die na á golee li? Die na á Dɛnaa Lawa a boo sii la dɔ̃?

Zeremii 35:13

– Kanna, boo da Zudaa laanka Zeruzalɛmu minin manɛ, n pɛ ǹ nɛ: «Sisia kəni, ka á re lɛ koe doroo kɛ ganaa, ka n too kɔ maa boon li?» Dɛnaa Lawa a da ǹ boo ne.

Zeremii 4:4

Ka n dinin kɔ Dɛnaa Lawa la lenlen, màn mɛn bɛ́ ka niɛ̃ ka boe masɛ ganaa ka bɛ bɔ, ka kaa yiikoonaabaa kɔ masɛ la. Bɛ bie wa, kaa sii baraan kɛn taman yii, man die maa foo-yoo kɛ kiɛ ka la, ka tɛ bɛ́ lɔn. Á re màn tumaa kuĩ, min kɔn ná a boe la a nimi wa.

Zeremii 5:21

Ka n too kɔ kəni, tɔrɔ yiriwɛɛnaan kɛn, baãnaan lɛa. Ka yiin tan sɛnɛ ǹ ba wɔlɔ yii wa, ka toon tan sɛnɛ ǹ ba boo miɛ wa.

Zeremii 7:13

Á bǐɛ̃ kɔ! Ka bɛ́ ka bɛa siin kɛn lɛn tumaa zɛnaa, má boo da ka nɛ gunyin damata, ka n too kɔ wa, má ka bíi, ka n nyəə wa. Dɛnaa Lawa a da ǹ boo ne.

Zeremii 7:26

Sɛnɛ, ka n too kɔ ǹ lon wa, ka n too da wa. Ka mìi n laa nɛ, kaa bɔnɛɛbaa la ka digolon wɔ nɛ.

Ezekieli 3:7

Sɛnɛ, Izirayeli tɔrɔn lɛn ba re n too koe n lon wa, a giala, ǹ ba li ǹ nə n too kɔ ma din lon wa. Sonbore ne, Izirayeli tɔrɔn lɛn tumaa too n kaka, n laɛ sii dɔ ganaa.

Ezekieli 33:3

Bɛ̀ bɛa giĩ lɛ zia yɛ die gána lɛ gialaa, a n bɛn pii, a n gɔn waa zaman nɛ.

Ezekieli 33:9

Sɛnɛ, bɛ̀ má n gɔn waa min baraa lɛ nɛ máa a wusoo a zɛnaa ǹ sii kio, bɛ̀ a wusoo wa, a din nə die giɛ̃ a sii baraa a lɛa, Sɛnɛ, nsɛ yii á re goɛ̃ koo.

Amɔɔsi 7:10

Bɛ lɛ kio ne, Betɛli kiwi a wúlu-bɔle Amasiya minin dia mà ǹ wo pɛ Izirayeli tɔrɔn kii Zeroboamu ni kɛnɛn: «Amɔɔsi n tán dù bose Izirayeli tɔrɔn lɛn bii. A bɛ́ boo mɛn tumaa diɛ, gána lɛ a minin ba boe la ǹ tá sii ǹ ganaa doo wa.

Matiə 3:7

Zaã bɛ́ á yɛ ǹ mɛn waáraa, mà *Fariziɛ̃ gigiã laanka *Sadusɛɛ̃ gigiã á die asɛ li, mà asɛ batɛmu da ǹ ganaa, a na á pɛ ǹ nɛ: «Ka kɔrɔka tɔrɔn kɛn! Die na á pɛ ka nɛ, mà Lawa a foo busu ǹ kiri gole mɛn bɛ́ die, mà ka á boe la ka baa si ka la bɛ la?

Luku 11:45

Landa sii-daraalin lɛn goon pɛ Yezu ni: «Mìinaa, n bɛ́ boo kɛ diɛ kɛnɛn, ma n sɔ koe wɔsɛn dɔn ganaa.»

Luku 20:19

Landa sii-daraalin laanka wúlu-bɔlen goledɛnan nə́ dɔ̃, mà Yezu na á boo giməə kɛ lɛ da ǹsɛn ganaa. Bɛ lɛ tamaa yii, maǹ nə́ goã giɛ li ǹ kũ bɛa bǎã kɛ lɛ nɛ, sɛnɛ, maǹ nə́ nyɛ́ɛ baa zaman nɛ.

Zaã a sɛ́wɔ 7:7

Kanaa minin ba boe la ǹ kasɛn baa zɔ́ɔ wa, sɛnɛ, masɛ, maǹ ma biɛ zɔ́ɔ, a giala, masɛ nə ǹ sɔ̀n pii, ǹ zɛnaa ǹ siin ba siĩn wa.

Zaã a sɛ́wɔ 9:40

Fariziɛ̃n mɛnɛn bɛ́ kun ni, ǹ nə́ bɛa boo lɛ ma, bɛn nə́ tɔ́n pɛ: «Sii n kəni, wɔsɛn dɔn man yii tere-an lɛa kən le?»

Nya ǹ dín 7:51

Itian mà ǹ ganaa: Ka mìi á kaka, ka foo á kaka, ka too dɔ á kaka! Baraabaraa ka nə n piɛ̃ ka Lawa a Yiri Fu kɛ nɛ. Ka tumaa n goon ka ka digolon lɛn nɛ.

Nya ǹ dín 7:60

Bɛ kio, á n musin kurumaa tán, á n lɛn gole bɔ á pɛ: «Dɛnaa, sii baraa kɛ toa ǹ nɛ.» A bɛ́ á bɛ da á nya, á gã.

Rɔmu minin 7:22

Ma gɔ́ɔ̃ nɛ, Lawa a dí-pɛn man kɔɔ̃n ma ganaa.

Timəə dí-pɛn 29:4

Ma din Lawa n má ka nyɛɛnaan bɔ don, lɛ̀ pusi gɔ́ɔ̃ nɛ. Dɔnkɛn mɛnɛn nə goã ka-a, kɔsɔnɔn mɛnɛn nə goã ka gòãn-a, bɛn nə ziziɛ̃ wa.

Kolɔɔsi minin 1:28

Bɛ lɛ nɛ, wɔ á Krita lɛ boo diɛ min din tumaa nɛ. Min bɛ́ boe la a sii mɛn tumaa dɔ̃, wɔ nə n gɔn wɛɛ min gogoonmaa nɛ, wɔ n darɛɛ bɛ ganaa, màn mɛn bɛ́ toɛ, min gogoonmaa boo la, a n din nyaa Lawa yɔrɔ-a min lɛ piɛ̃ lɛa, a kaa-kun ka Krita-n kɛ a lɛa.

Timote2 4:3

A giala, biikoo kɔ́n tá re die, minin tɛnɛn ba re lɛ koe, ǹ nə n too kɔ daraa ǹ boo sonbore kɛ ganaa doo wa. Sɛnɛ, ǹ tá re n siɛ ǹ dinin foo sii baraa li, ǹ minin-daraali gigiã lɛ sɔkɔn ǹ dinin li. Boo mɛn bɛ́ kɔɔ̃nɛ ǹ dinin too ne, bɛn tá re bɛ pii ǹ ni.

Ebrəə 11:7

Golee Lawa li na á toa, Nowee Lawa a gɔn waaman kɛ si parsii lɛa. Yii bɛ́ a tɔn sii mɛn yɛ wa, Lawa na á n gɔn waa-n ka bɛ nɛ. Á goo zɛnaa a ná a kion minin kirisibaa nɛ. Dɔlɔ nə́ n bɔ kanaa ganaa, sɛnɛ, Lawa ga Nowee ganaa min pepere lɛa, a goleemali a lɛa.