Zeremii 52:7 - LAWA A BOO SONBORE 2011

⁷ Ǹ nə́ yala bɔ kiwi tama a ǹ kungɔn kɛ ganaa, kiwi lɛ lɛnpɛnɛ. Tèlò-n, Zudaa a sɔraasin tumaa baa si. Ǹ nə́ bɔ ka kiɛnlɛ kɛ nɛ kungɔn màn paa kɛ bii n ni, dia-n woe kii a dù gɔrɔ la. Baabilonii minin nə́ Zeruzalɛmu lɛnpɛnɛ. A laan bɛ yii ni, ǹ nə́ bɔ ka Arabaa zii kɛ nɛ.

LAWA A BOO SONBORE

⁷ Ǹ nə́ yala bɔ kiwi tama a ǹ kungɔn kɛ ganaa, kiwi lɛ lɛnpɛnɛ. Tèlò-n, Zudaa a sɔraasin tumaa baa si. Ǹ nə́ bɔ ka kiɛnlɛ kɛ nɛ kungɔn màn paa kɛ bii n ni, dia-n woe kii a dù gɔrɔ la. Baabilonii minin nə́ Zeruzalɛmu lɛnpɛnɛ. A laan bɛ yii ni, ǹ nə́ bɔ ka Arabaa zii kɛ nɛ.

Zeremii 52:7 ပူးပေါင်းရင်းမြစ်များ

Kiin2 25:4

ǹ nə́ yala bɔ kiwi lɛ a kungɔn ganaa. Zia-baalin lɛn tumaa baa si tèlò basa li, kiɛnlɛ ke kungɔn màn paa lɛ biin ni, kunu kii a dù gɔrɔ kɛ li, ǹ nə́ bɔ bɛ nɛ. A laanɛ, Kalde minin nə́ goã ǹ nə́ kiwi lɛ da bii, nyankɔrɔ lɛ ke ǹ nə́ bíi Arabaa, ǹ nə́ bɛa zii kɛ saa ǹ nə́ woo.

Zeremii 34:22

Sɛnɛ, man die wusii ma da ǹ nɛ Zeruzalɛmu, ǹ yoo a gialaa, ǹ kũ, ǹ tɛ da a ganaa. Zudaa kiwin tá re diə gole biɛ, min ná a ba ǹ nɛ wa.» Dɛnaa Lawa a da ǹ boo ne.

Zeremii 39:2

Sedekiasi a kiibaa lɛ̀ fulugoonbaa ǹ wɔ a mui siibaa ǹ wɔ a lɛawaa manangɔrɔbaa ǹ wɔ li, Baabilonii minin nə́ Zeruzalɛmu lɛnpɛnɛ ǹ kungɔn kolo fɔ̃.

Zeremii 49:26

Dɛnaa Lawa Pàãyiidɛnaa a da ǹ boo á ke: «Bɛ lɛ nɛ, bɛa pinaa lɛ nɛ, nɛ tenən tá re kiɛ bǎã dadaran nɛ, sɔraasin tumaa á re giɛ̃.

Zeremii 51:32

Ǹ nə́ ziin tumaa kũ, tɛ kiwi tamaa ǹ kungɔnɔn kɛn kũ, sɔraasin foo ziziɛ̃.

Zeremii 6:5

Ka yoo! Ka wɔ n ta a gialaa tèlò-n, wɔ a kion sonboren kɛn ziziɛ̃!»

Ezekieli 12:12

Goledɛnaa mɛn bɛ́ kun ka nɛ, bɛ á die a guĩ siɛ a da a wìi li wɔlɔ tì li. Ǹ bɛ́ re yala mɛn foɛ̃ kungɔn ganaa soo ǹ bǎã lɛa, á re soe ka bɛ nɛ. Á re màn koe a yɔrɔ lɛ, a ná a re boe la a gána lɛ yɛ ka a yii-n wa.

Ezekieli 12:4

N die n nə n mànan goa ka wo gùli kɔ ǹ bǎã-n wole wɔn bɛ́ lɔn, soo ǹ ne penleen tiɛɛ̃nɛ ǹ dinin yii ni, wasamiɛ̃nɛ, n soo ǹ dinin yii ni ka wo bɛ̀rɛbaa ǹ bǎã-n wole bɛ́ lɔn.

Ezekieli 33:21

Wɔa goa a wo bɛ̀rɛbaa ǹ bǎã-n lɛ a lɛ̀ fulupaabaa ǹ wɔ, a mui fùbaa ǹ wɔ a lɛawaa soorobaa ǹ wɔ pinaa, baa si á la wole goon bɔ Zeruzalɛmu á daa ma li, á pɛ ma nɛ mà zɔ́ɔn nə́ kiwi lɛ yu.

Lawa a wúlu-bɔlen 26:17

Masɛ á die n bɔyɛɛ ka li, ma toa kaa zɔ́ɔn nə boo ka la. Min mɛnɛn bɛ́ ka biɛ zɔ́ɔ, bɛn lɛn tá re pàã nyɛɛ ka nɛ. Ka á re baa sii, min dɔ din ná a bie ka lui wa.

Lawa a wúlu-bɔlen 26:36

Kaa min mɛnɛn yii bɛ́ re goɛ̃ koo, ma á re foo biɛ niɛ diɛ bɛn ganaa, kaa zɔ́ɔn lɛn gána nɛ. Ta da luu na á na lon á mɛnaa, ǹ tá re n gòã diɛ baa nɛ. Ǹ tá re baa sii ka min nə ǹ kio ka gɔya sa nɛ. Ǹ tá re boe bɛ̀ ǹ nə n duduwəə tán min dɔ ná a bie ǹ lui wa.

Amɔɔsi 4:3

Ka á re soe ka kungɔn kɛa yalan nɛ, didie á re giɛ a din a woo ǹ bǎã li, ǹ tá re ka lui ǹ wo ka nɛ Ɛrmɔn kele la. Dɛnaa Lawa a da ǹ boo ne.

Timəə dí-pɛn 28:25

Dɛnaa Lawa á re toɛ kaa zɔ́ɔn nə boo ka la. Ka á re soe ka kɔ zii goon lɛ ka wo ǹ gialaa. Sɛnɛ, ka á re sasawɛɛ ka zii sɔbaa saa, bɛ̀ ka ń baa sii ǹ nyɛɛnɛ. Sii mɛn bɛ́ re ka yii, bɛ á re nyɛ́ɛ diɛ kanaa minin tumaa ganaa.

Timəə dí-pɛn 32:30

Min goon dinsɔɔ̃ n siɛ lɔn, a min duu goon loo? Min paa dinsɔɔ̃ n siɛ lɔn, a min duu fù kaa baa ganaa, bɛ̀ ǹ tamaali lɛ bie á ǹ sã wa, bɛ̀ Dɛnaa Lawa lɛ bie á ǹ wɔ ǹ zɔ́ɔn gɔn wa?