Zeremii 52:6 - LAWA A BOO SONBORE 2011

⁶ Bòo wɔ Zeruzalɛmu. Á baraa kɔ, haalɛ màn-bii kɔn din goã a tan wa. Bɛa lɛ̀ lɛ a mui siibaa ǹ wɔ a lɛawaa manangɔrɔbaa ǹ wɔ li,

LAWA A BOO SONBORE

⁶ Bòo wɔ Zeruzalɛmu. Á baraa kɔ, haalɛ màn-bii kɔn din goã a tan wa. Bɛa lɛ̀ lɛ a mui siibaa ǹ wɔ a lɛawaa manangɔrɔbaa ǹ wɔ li,

Zeremii 52:6 ပူးပေါင်းရင်းမြစ်များ

Kiin2 25:3

Lɛ̀ a mui siibaa ǹ wɔ a lɛawaa manangɔrɔbaa ǹ wɔ pinaa, bòo gole bɛ́ á goã kiwi lɛ gialaa, minin yii ná a ba màn-bii ganaa ǹ nə́ bii doo wa,

Izayii 3:1

Á ke, Dɛnaa Lawa Pàãyiidɛnaa n die Zeruzalɛmu laanka Zudaa a dɔmalɛ tumaa lɛ diɛ, a ǹ màn-bii laanka ǹ mi ǹ mu tumaa gɔsɛ ǹ gɔn.

Zeremii 15:2

Bɛ̀ minin nə́ nɔ̀n da n la mà ǹsɛn doamaa nɛ ǹ wo maa, n die nə ǹ lɛ si kɛnɛn: «Dɛnaa Lawa n kɛ pii: Min mɛnɛn doamaa bɛ nɛ ǹ gã ka piɛ̃ busu ni, bɛn man die giɛ̃ ka piɛ̃ busu ni. Min mɛnɛn doamaa bɛ nɛ ǹ gã zia la, zia n die bɛn dii. Min mɛnɛn doamaa bɛ nɛ ǹ gã bòo ne, bɛn man die giɛ̃ bòo gɔn. Min mɛnɛn doamaa bɛ nɛ ǹ wo bɛ̀rɛbaa ǹ bǎã nɛ, ǹ tá re bɛn dɔn goɛ ǹ wo ǹ ne.»

Zeremii 19:9

Zɔ́ɔn mɛnɛn bɛ́ zoɛ̃ ǹ gɛ̀ li, bɛn tá re kiwi lɛ lɛnpɛnɛ, ǹ yoo ǹ gialaa. Nɔmaa baraa taman yii, ǹ tá re ǹ nɛgiĩn laanka ǹ nɛlɔn siĩ soɛ̃, ǹ dinin dɔn nə kɔn siĩ sɔ̃.

Zeremii 21:9

Min mɛn tumaa bɛ́ re goɛ̃ Zeruzalɛmu, zia laanka bòo ka piɛ̃ busu n die bɛn dii. Sɛnɛ, min mɛnɛn bɛ́ re n dinin we *Baabilonii minin kɛn gɔn, kɛn zia diɛ ka-a, bɛn yii á re goɛ̃ koo. Ǹ tá re yiikoonaabaa sɛ kɔn yii.

Zeremii 25:10

Ma á re zɔ́n bìn-diɛn sàabiɛ, foo kɔɔ̃n lɛ-dɛn nɛ, ka kɔn-wɔle tenən loen ne. Wii lɔ ǹ gii wuu a re boe doo wa, bolonən ba re fúlu kiɛ doo wa.

Zeremii 37:21

Kii Sedekiasi tɔn pɛ mà ǹ Zeremii da bǎã-lɛduə̃lin sumu kɛ nɛ, ka buuru mɔ̀mɔ mìi goon kɔ la baraabaraa, buuru mɛn bɛ́ boe buuru-dalin bǎã kɛ nɛ yǎa bɛ̀ buuru nya kiwi lɛ nɛ. Bɛa yɔrɔ lɛ la, Zeremii goã bǎã-lɛduə̃lin sumu lɛ nɛ.

Zeremii 38:9

«Dɛnaagiĩ kii ganaa, minin lɛn nə sii mɛn zɛnaa Lawa a boo gii-dali Zeremii ni, sii baraa nɛ. Maǹ nə́ zũ nyankɔrɔ zuzulu ni. A n die giɛ̃ bòo gɔn a giala, màn-bii ba kiwi lɛ-n wa.»

Zeremii 39:2

Sedekiasi a kiibaa lɛ̀ fulugoonbaa ǹ wɔ a mui siibaa ǹ wɔ a lɛawaa manangɔrɔbaa ǹ wɔ li, Baabilonii minin nə́ Zeruzalɛmu lɛnpɛnɛ ǹ kungɔn kolo fɔ̃.

Busii pɛ 1:11

A zaman tumaa n gini. Maǹ giɛ màn-bii li. Maǹ nə ǹ gɔn màn sonboren koe màn-bii ganaa, ǹ yii boo la a goã koo. Zeruzalɛmu pɛ: «Dɛnaa Lawa, ga. Ǹ bɛ́ ma pɔpɔsɛ ka yɔrɔ mɛn nɛ, n bɛ yɛ.»

Busii pɛ 5:10

Bòo taman yii, wɔ gɔ̀nɔn nə wɛɛ̃-n ka belebele ka wɔ n kùsì ni.

Ezekieli 14:13

«Minbuiin a nɛ, bɛ̀ gána mɛn a minin nə́ sii baraa zɛnaa masɛ nɛ, ǹ nə́ ma bɔlɔ tii, ma á re yui ǹ gialaa ma ǹ màn-bii ziziɛ̃, ma bòo kaa ǹ ganaa, ma ǹ minbuiinin laanka ǹ tɔɔn dɛ.

Ezekieli 14:21

Bɛ kio, Dɛnaa Lawa wusoo á pɛ ma nɛ: Dɔlɔ màn sii ni masɛ da Zeruzalɛmu kiwi lɛ mìi ni, ma tá a minbuiinin laanka a tɔɔn dii ni: zia nɛ, bòo ne, don màn babaraan nɛ, ka piɛ̃ busu ni.

Ezekieli 31:1

Izirayeli minin goa lɛ a lɛ̀ fulugoonbaa ǹ wɔ, a mui sɔɔbaa ǹ wɔ a lɛawaa bibinaa pinaa, Dɛnaa Lawa boo da ma nɛ á pɛ:

Ezekieli 5:16

Ma á re bòo babaraa diɛ ka gialaa, ka kiɛ babaraa bɛ́ lɔn basaã koe. Man die bɛ lɛ diɛ a da ka dɛ. Man die bòo lɛ baraa koe ka ganaa, a ka gɔn li ǹ màn-bii tumaa nya lenlen.

Ezekieli 7:15

Zia n die goɛ̃ wɛɛ̃-n kanaa, piɛ̃ busu laanka bòo ne, bɛn nə́ wɛɛ̃-n kion. Min mɛn bɛ́ don, ǹ tá re bɛ dii zia la. Min mɛnɛn bɛ́ kiwi gɔ́ɔ̃ nɛ, bòo laanka piɛ̃ busu á re wɛɛ bɛn la.

Lawa a wúlu-bɔlen 26:26

Bɛ̀ má ka nu ka màn-bii ni ǹ mɛn waáraa, lɔ fù á re paɛ̃ kùsì goon toto ganaa, ǹ nə ǹ màn-bii zɛnaa la. Lɔn lɛn tá re màn-bii lɛ zoɛ̃, bɛ̀ ǹ tɔn kɔ ka la. Ka á re bɛ lɛ bii, sɛnɛ, ka a re kiɛ̃ wa.

Zakarii 8:19

Ka bɛ́ nɛn bɛ̀ ka n lɛ sɔɔ lɛ̀ a mui siibaa ǹ wɔ kɛ li, a soorobaa ǹ wɔ nɛ, a sɔbaabaa ǹ wɔ nɛ ka a fùbaa ǹ wɔ nɛ, bɛn tá re n bɔyɛɛ ǹ zɔ́n lɛawaan baa, piɛ̃-n ka nyɛnyaa laanka foo kɔɔ̃n nɛ, Zudaa minin ganaa. «Sɛnɛ, ka sonbore laanka là nyantoro narɛ.»

Timəə dí-pɛn 32:24

Bɛ̀ ǹ nə́ nɔmaa bòo gɔn, bɛ̀ gɔ̀nɔn wɛɛ̃ laanka busu babaraa kɔsɔn nə́ ǹ pàã nya, ma á re don màn babaraan kiɛ ǹ ganaa, ma á re miɛ̃ babaraan kiɛ ǹ ganaa.