Zeremii 51:6 - LAWA A BOO SONBORE 2011

⁶ Ka baa si, ka n wɔlɔ sɔsɔɔ kɔ Baabilonii ganaa! Didie tumaa ga a din li! Ka bɛ nɛ, ka a re giɛ̃, a sii baraan lɛa wa. A giala, Dɛnaa Lawa a dɔlɔ bɔ biikoo ne. A kɔnbɔ ka màn mɛn nɛ, a n die bɛ lɛ a saraa koe la.

LAWA A BOO SONBORE

⁶ Ka baa si, ka n wɔlɔ sɔsɔɔ kɔ Baabilonii ganaa! Didie tumaa ga a din li! Ka bɛ nɛ, ka a re giɛ̃, a sii baraan lɛa wa. A giala, Dɛnaa Lawa a dɔlɔ bɔ biikoo ne. A kɔnbɔ ka màn mɛn nɛ, a n die bɛ lɛ a saraa koe la.

Zeremii 51:6 ပူးပေါင်းရင်းမြစ်များ

Loen 94:1

Dɛnaa Lawa, n din lɛ n gɛ̀ dòo boe, Lawa mɛn bɛ́ gɛ̀ dòo boe, n din nyaa.

Suusun 13:20

Bɛ̀ n koa kun ka sii-dɔ̃li ni, ma n sii-dɔ̃li biɛ. Bɛ̀ n koa kun baãnaa nɛ, n tá re nɔmaa we.

Izayii 48:20

Ka soo ka n bɔ Baabilonii! Ka baa si *Kaldee minin nyɛɛnɛ, ka foo kɔɔ̃nbaa ǹ lɛ dɛ nɛ. Ka bɛa kibərə kɛ pɛ, ka pɛ kanaa paǹ tumaa ganaa, ka pɛ: «Dɛnaa Lawa ná a dí-nyali Zakɔba kirisibaa.»

Izayii 63:4

A nà á goã ma gɔ́ɔ̃ nɛ, máa ma gɛ̀ dòo bɔ. Maa zaman lɛ a si a kaa lɛ̀ na á dɔ.

Zeremii 25:14

Baabilonii minin sɛn tá re goɛ̃ gána pàãdɛnan giulun, ka kii dadaran nɛ. Ǹ sii mɛn tumaa zɛnaa, ka ǹ sii baraan nɛ, ǹ tá re bɛ tumaa sarɛɛ.»

Zeremii 25:16

Ǹ tá re mii, ǹ bɔ ǹ mɛnaa. Ma bɛ́ re basaã mɛn koe ǹ bii, bɛ̀ ǹ yii bɛ yɛ, gàãn tá re yui ǹ li.»

Zeremii 27:7

Tɔrɔ tumaa á re dí nyɛɛ nɛ, a nɛgiĩn ni ka a nɔ̀ɔnɔn nɛ. Bɛ n die n zɛnɛɛ miɛ̃ yǎa biikoo mɛn li bɛ̀ tɔrɔ gigiã laanka kii pàãdɛnan ná a dɔ a gána da ǹ dɔn pàã giulun.

Zeremii 46:10

Sɛnɛ, bɛa lɛawaa lɛ n dɔlɔ lɛawaa lɛa Dɛnaa Lawa Pàãyiidɛnaa din yii li. A n die a gɛ̀ dòo boe a zɔ́ɔn ganaa. Gɔya sa n gɛ̀ dii, yǎa a kã kiɛ̃ ka mà nɛ. Bɛ n *wúlu màn lɛa Dɛnaa Lawa Pàãyiidɛnaa wɔ lɛa, gɔsɛ a lɛ̀gɔn la ǹ gána nɛ, Efrati tà lɛ-a.

Zeremii 48:6

Ka papaã ka n bɔ kànaa, ka nyin a lɛa. Ka n baa ka Aroɛɛrɛ bɛ́ lɔn diə gole ne!

Zeremii 50:15

Ka ziabaa ǹ lɛ dɛ wɔ a ganaa! Á n gɔnɔn goa lon, á re n din we wɔ gɔn. A sanabolon man kiɛ, a kungɔnɔn kɛn a kiwin tamaɛ, bɛn man kiɛ. Dɛnaa Lawa a gɛ̀ dòo boe ne. Ka kaa gɛ̀ dòo bɔ Baabilonii ganaa. A sii mɛn zɛnaa ǹ miãn manɛ, ka bɛ lɛ zɛnaa a dɔ nɛ.

Zeremii 50:28

Ka n too kɔ! Min mɛnɛn bɛ́ baa sii soe Baabilonii, ka min mɛnɛn yii bɛ́ tɔn koo, bɛn man pii Siɔn nɛ: Dɛnaa Lawa, wɔa Lawa ná a gɛ̀ dòo bɔ. A ná a kion sonbore kɛa gɛ̀ dòo bɔ.

Zeremii 50:31

Taãn nɛ, Din koa wole Baabilonii, ma lɛ nə n li. Dɛnaa Lawa Pàãyiidɛnaa a da ǹ boo ne. Kanna kəni, maa yoo n gialaa ǹ lɛawaa n ka kɛ nɛ.

Zeremii 50:8

Ka baa si ka n bɔ Baabilonii, ka soo ka n bɔ Baabilonii minin gána kɛ nɛ! Ka n baa ka butumu bɛ́ lɔn tɔɔ kuru mìi la.

Zeremii 51:11

Dɛnaa Lawa n zoɛ̃ li a Baabilonii ziziɛ̃. Bɛ lɛ nɛ, á Mɛdi gána a kiin sɔsɔmɔ á ǹ da a zɛnaa ganaa. Dɛnaa Lawa n gɛ̀ dòo boe, a na a kion sonbore lɛ a gɛ̀ dòo boe. Ka kaa kiɛn lɛ bɔ, ka kaa goóron goa.

Zeremii 51:36

Bɛ lɛ nɛ Dɛnaa Lawa n kɛ pii: Ma dinmaa n die n gɛ̀ dòo boe, ma n zia gii da. Ma á re Baabilonii gána a tà mun piɛ̃, ma a mu pìãn tumaa dama.

Zeremii 51:45

Ee, Maa zaman, soo n nə bɔ kiwi kɛ nɛ! Didie baa si, a ga a din li, a n duru maa foo-yoo baraa kɛ nyɛɛnɛ!

Zeremii 51:50

Kasɛn mɛnɛn nə n si gɛ̀ la, ka woo, ka nyan gole kànaa wa! A ka toa sɔsɔɔ ka n yiri koa Dɛnaa Lawa nɛ, ka n taasɛ Zeruzalɛmu ganaa.

Zeremii 51:56

Ziziɛ̃ wole lɛ dɔ á nya. A n die yui Baabilonii gialaa, a na a zia-baali zanbian kɛn kũ, a ǹ san yiyiɛ. Taãn nɛ, Dɛnaa Lawa n Lawa lɛa, a n gɛ̀ dòo boe doɛ̃, a n didie sarɛɛ a n kɔnpii ka a zɛnaa ǹ siin ni.

Zeremii 51:9

Wɔ́ dagòã da Baabilonii ganaa, sɛnɛ a kaka koe wa. Ka toa walan, didie tumaa wo a gána nɛ! Taãn nɛ, dɔlɔ mɛn bɛ́ a mìi ni, á woo yǎa lon, á dɔ labaran ganaa.

Busii pɛ 3:64

Ǹ sii mɛn zɛnaa ma nɛ, a saraa ǹ la Dɛnaa Lawa.

Minin nimi 16:26

Muizu pɛ zaman lɛ nɛ: «Ka n zɔ̃ ka n bɔ bɛa min baraan kɛn lɛn mɔnaa zìãn ganaa, ka baran toa ka n gɔn da ǹ màn kɔn ganaa wa. Bɛ bie wa, ka dɔn man die giɛ̃ bɛa min baraan kɛn lɛn sii baraan lɛn tumaa taman yii.»

Timəə dí-pɛn 32:25

Kanaa, minin tá re ǹ nɛnyaanan dii zia la, kion, nyɛ́ɛ a re ǹ toɛ wa. Ǹ nɛgiĩn laanka ǹ nɛlɔn tá re giɛ̃, ǹ nɛnyaanan laanka ǹ min zizin tá re giɛ̃.»

Timəə dí-pɛn 32:41

Bɛ̀ má maa gɔya sa tɛ-pɛle kɛ lɛ lɔ, bɛ̀ má dɔlɔ-bɔ giala kɔ, ma á re maa gɛ̀ dòo boe maa zɔ́ɔn kɛn ganaa, min mɛnɛn bɛ́ ma biɛ zɔ́ɔ, ma á re bɛn sarɛɛ.

Timəə dí-pɛn 32:43

Tɔrɔn lɛn, ka n nyɛnyɛɛ kun ka Dɛnaa a zaman nɛ. A giala, a n die a dí-nyalin lɛn gɛ̀ dòo boe, a n die dɔlɔ diɛ a zɔ́ɔn lɛn mìi ni. Sɛnɛ, á re a gána lɛ laanka a minin lɛn sii baraan sawɛɛ.

Timote1 5:22

N baran saa lɛlɛ, n nə n gɔn da min kɔ́n la fufuu, n Lawa a sɔmɔ dí kɔ la wa. N baran n sii wɔ min kɔsɔ a sii baraa-n wa. N din tamaa *yoreen ne.

Sii-nyaan 16:19

Kiwi gole lɛ nə́ n talakɔn sɔɔ, gánan tumaa a kiwin nə́ bɔ ǹ nə́ kaa. Lawa nə́ n yiri koa *Baabilonii kiwi gole kɛ a zɛnaa ǹ sii ni, á da Lawa a foo-yoo ǹ duvɛ̃ mii ganaa, ǹ mɛn lɛ bɛ́ Lawa a foo-yoo gole paan kɛ nɛ.