Zeremii 51:57 - LAWA A BOO SONBORE 2011

⁵⁷ «Baabilonii gána a dí-nyali dadaran kɛn nɛ, a sii-dɔ̃len ne, a gánadɛnan nɛ, bɛn kiodɛnan nɛ, ká a zia-baali zanbian nɛ, ma á re mi ǹ màn koe ǹ la a ǹ yii kũ. Ǹ tá re nyuù we, ǹ yii ná a kiɛ doo duduu wa.» Kii mɛn bɛ́ a tɔ n Dɛnaa Lawa Pàãyiidɛnaa, bɛa da ǹ boo ne.

LAWA A BOO SONBORE

⁵⁷ «Baabilonii gána a dí-nyali dadaran kɛn nɛ, a sii-dɔ̃len ne, a gánadɛnan nɛ, bɛn kiodɛnan nɛ, ká a zia-baali zanbian nɛ, ma á re mi ǹ màn koe ǹ la a ǹ yii kũ. Ǹ tá re nyuù we, ǹ yii ná a kiɛ doo duduu wa.» Kii mɛn bɛ́ a tɔ n Dɛnaa Lawa Pàãyiidɛnaa, bɛa da ǹ boo ne.

Zeremii 51:57 ပူးပေါင်းရင်းမြစ်များ

Izayii 37:36

Dɛnaa Lawa a lon a dia dí-a wole soo, á min duu paabiɛ ka pɔkiwisi ka sooro (185 000) dɛ Asiirii minin giã ǹ bǎã nɛ. A lɛawaa baayɛlɛ, sɔraasin lɛn nə́ yoo. Á ke, bɛ̀ geren nə́ ke tán bǎã yii ni.

Izayii 44:25

Kanna kəni, man wɔ-kulin sii nyaan kɛn sàabiɛ; min mɛnɛn bɛ́ biɛ̃ ǹ pii, man boo kooro we bɛn lɛ-n. Man sii-dɔ̃li lɛ tiɛ̃, ma ǹ doɛ̃ lɛ bɔyaa ma baa yiriwɛɛnaabaa lɛa.

Izayii 6:5

Má tɔ́n pɛ kəni: «Koe bɔ ma ganaa! Maa wɔ nya lenlen! A giala, man gɔ̀dɛnaa lɛa, ma bɛ́ giã-n tɔrɔn mɛnɛn dɔn bii, bɛn dɔn man gɔ̀dɛnan lɛa. A giala ma yii Kii gole yɛ, Dɛnaa Lawa Pàãyiidɛnaa lɛ!»

Zeremii 13:13

n pɛ ǹ nɛ kɛnɛn: – Dɛnaa Lawa a da ǹ boo á ke: «Maa foo-yoo kɛ n die gána kɛa min tumaa yii kuĩ ka yɔ bɛ min yii kuĩ lɔn, ǹ kiin mɛnɛn bɛ́ giã-n Davida a kii dankan la, ǹ Lawa a wúlu-bɔlen ne, ǹ Lawa a boo gii-dalin ni, ka Zeruzalɛmu min tumaa nɛ.

Zeremii 25:27

Dɛnaa Lawa mà ma pɛ ǹ nɛ: «Dɛnaa Lawa Pàãyiidɛnaa Izirayeli a Lawa a da ǹ boo á ke: Ka mi, a ka yii kũ, ka pisəə! Ma bɛ́ re sii mɛn tumaa zɛnɛɛ ka bii, bɛ̀ ká bɛ yɛ, ka á re mɛnɛɛ ka goã tán goon lɛa.»

Zeremii 46:18

Kii mɛn bɛ́ a tɔ n Dɛnaa Lawa Pàãyiidɛnaa, bɛa da ǹ boo á ke: «A ma toa ma yii n koo, zɔ́ɔ lɛ á re die. Sàabaa ba la wa ka Tabɔɔrɔ a kele kɛ bɛ́ lɔn kelen bii, ka Karmɛli kele kɛ bɛ́ lɔn yìsi mu lalan.»

Zeremii 48:15

Moabu ziziɛ̃, Maǹ we a kiwin kuĩ. Maǹ woe ka a nɛ tenən lɛn nɛ bɔlɔ kuru ǹ bǎã nɛ. Kii ke a tɔ n Dɛnaa Lawa Pàãyiidɛnaa, bɛa da ǹ boo á ke:

Zeremii 50:30

Bɛ lɛ nɛ, bɛa pinaa lɛ nɛ, a nɛ tenən tá re mɛnɛɛ bǎã dadaran nɛ, a sɔraasin tumaa gã. Dɛnaa Lawa a da ǹ boo ne.

Zeremii 51:39

Ǹ la n kakaɛ̃, sɛnɛ bɛa biikoo li, ma màn-bii zɛnaa ǹ wɔ lɛa. Man die mi ǹ màn koe ǹ la ǹ mi a ǹ yii kũ. Ǹ tá re nyuù we, ǹ yii ná a kiɛ doo duduu wa. Ma din Dɛnaa Lawa a da ǹ boo ne.

Ezekieli 20:33

A ma toa ma yii n koo, man die giɛ̃ ka mìi la, ma maa foo-yoo kɛ nyaa ka nɛ. Man die pàã zɛnɛɛ ka nɛ, ma maa boo sii la nyaa. Ma din Dɛnaa Lawa a da ǹ boo ne.

Nahumu 1:10

Maǹ ka nyan da mɛn nə́ ke, we-n kɔn nɛ, ǹsɛn yɔ-mili baraan kɛn lɛn. Maǹ die kui lenlen ka buu gere bɛ́ lɔn.

Nahumu 3:18

Asiiriin kii, n gánadɛnan lɛn nə nyuù wɔ tɛmɔɔ. N min kakan lɛn sɛ̀mɔɔdɛnan lɛa, bɛn kɔn ba bìn diɛ doo wa. N zaman lɛ sasawa a woo paǹ yii li, kelen mii ni, min kɔn banban a die ǹ soekɔn wa.

Malakii 1:14

Koe n die boe koɛɛ̃n-wɔle ganaa, ǹ mɛn bɛ́ tɔɔ kaka ná a tɔɔn bii, a lɛ-kɔ taman yii á tɔɔ wɔ̀lɔ̀dɛnaa kuĩ die koe ma la wúlu màn lɛa. Koe bɔ bɛ-a, a giala mà man kii gole lɛa tɔrɔ tumaa n nyɛ́ɛ biɛ ma pàã nɛ. Masɛ Dɛnaa Lawa Pàãyiidɛnaa n kɛ pii.

Sii-nyaan 18:9

Kanaa a kiin mɛnɛn bɛ́, ǹ nə́ n gii wɔ a naarɛbaa ǹ siin kɛn nɛ, ka a nyaǹ gɛsɛ bɔ ǹ mànan kɛn nɛ, bɛ̀ ǹ nə́ kiwi lɛ a tɛ a kũ ǹ tɛmaa kɛ yɛ boe, ǹ tá re wuu pii ǹ nə n lala da.